Author: News Desk

കൊച്ചി: നടൻ ശ്രീനാഥ് ഭാസിക്കെതിരെ പൊലീസിൽ പരാതി. ഒരു ഓൺലൈൻ മാധ്യമ പ്രവർത്തകയാണ് പരാതി നൽകിയത്. ഒരു സിനിമാ അഭിമുഖത്തിനിടെ തന്നെ ഭീഷണിപ്പെടുത്തുകയും അസഭ്യം പറയുകയും ചെയ്തുവെന്നാണ് പരാതി. മരട് പൊലീസിലാണ് പരാതി നൽകിയത്.’ ചട്ടമ്പി’ എന്ന പുതിയ സിനിമയുടെ പ്രമോഷൻ വേളയിലാണ് അധിക്ഷേപം നടന്നത്. യുവതി വനിതാ കമ്മീഷനിലും പരാതി നൽകി.

കൊച്ചി: സംസ്ഥാനത്ത് അറസ്റ്റിലായ പോപ്പുലർ ഫണ്ട് പ്രവർത്തകർ ഐഎസ് പ്രവർത്തനങ്ങളിൽ സഹായിച്ചതായി എൻഐഎ കോടതിയെ അറിയിച്ചു. ഐഎസ് പ്രവർത്തനങ്ങൾക്ക് സഹായം നൽകുക, ദേശവിരുദ്ധ പ്രവർത്തനങ്ങൾക്ക് ഗൂഢാലോചന നടത്തുക എന്നിവയുൾപ്പെടെയുള്ള കുറ്റകൃത്യങ്ങളില്‍ പ്രതികൾക്ക് പങ്കുണ്ടെന്ന് എൻ.ഐ.എ കോടതിയെ അറിയിച്ചു. എന്നാൽ പോപ്പുലർ ഫ്രണ്ട് ഭാരവാഹികൾ ആരോപണങ്ങൾ നിഷേധിച്ചു. കൊച്ചി എൻഐഎ കോടതി പ്രതികളെ ജൂൺ 20 വരെ ജുഡീഷ്യൽ കസ്റ്റഡിയിൽ വിട്ട് കാക്കനാട് ജില്ലാ ജയിലിലേക്ക് മാറ്റി. പോപ്പുലർ ഫ്രണ്ട് ദേശീയ ഭാരവാഹി കരമന അഷ്റഫ് മൊലവി ഉൾപ്പെടെ 11 പേരാണ് അറസ്റ്റിലായത്. 4 ദിവസം മുമ്പ് ഒരുക്കങ്ങൾ ആരംഭിച്ചതിന് പിന്നാലെയാണ് സംസ്ഥാന വ്യാപകമായി എൻഐഎ റെയ്ഡ് നടത്തിയത്. ഇന്നലെ രാത്രി ആരംഭിച്ച പരിശോധന ഇന്ന് രാവിലെ വരെ തുടർന്നു. കൊല്ലം, കോട്ടയം, മലപ്പുറം, തിരുവനന്തപുരം, കോഴിക്കോട്, കണ്ണൂർ, തൃശൂർ, പാലക്കാട്, വയനാട്, പത്തനംതിട്ട, കാസർകോട് ജില്ലകളിലാണ് പ്രധാനമായും റെയ്ഡ് നടന്നത്. കൊച്ചിയിൽ നിന്നുള്ള ഉദ്യോഗസ്ഥരും ഡൽഹിയിൽ നിന്നുള്ള സംഘവുമാണ് റെയ്ഡിന് നേതൃത്വം…

തിരുവനന്തപുരം: ഐ.എ.എസ് തലപ്പത്ത് സംസ്ഥാന സർക്കാർ അഴിച്ചുപണി. കെ വാസുകിയെ ലാൻഡ് റവന്യൂ കമ്മീഷണറായി നിയമിച്ചു. വിശ്വനാഥ് സിൻഹ ധനമന്ത്രാലയത്തിന്‍റെ പുതിയ അഡീഷണൽ ചീഫ് സെക്രട്ടറിയാകും. നികുതി, എക്സൈസ് വകുപ്പ് സെക്രട്ടറിയായി രത്തൻ ഖേൽക്കറെയും കുടുംബശ്രീ എക്സിക്യൂട്ടീവ് ഡയറക്ടറായി ജാഫർ മാലിക്കിനെയും നിയമിച്ചു.

ഡെറാഡൂൺ: ഉത്തരാഖണ്ഡിലെ ഗംഗോത്രിക്ക് സമീപം വൻ ഉരുൾപൊട്ടൽ. ബുധനാഴ്ച ഉച്ചകഴിഞ്ഞ് 3.15 ഓടെയാണ് ഉരുൾപൊട്ടലുണ്ടായത്. കേരളത്തിൽ നിന്നുള്ള യാത്രക്കാർ ഉൾപ്പെടെ 10,000 തീർത്ഥാടകരും ആയിരത്തോളം വാഹനങ്ങളുമാണ് റോഡിൽ കുടുങ്ങിയത്. ആളപായമില്ല. റോഡിൽ കുടുങ്ങിയ വാഹനങ്ങൾ നീക്കം ചെയ്യാനുള്ള ശ്രമത്തിലാണ് ബിആർഒ എഞ്ചിനീയർമാർ. രണ്ട് ദിവസത്തേക്ക് മഴ നിന്നാൽ മാത്രമേ ഇത് നീക്കം ചെയ്യാൻ കഴിയൂ എന്നാണ് അധികൃതർ പറയുന്നത്. ഉരുൾപൊട്ടലിനെ തുടർന്ന് കേദാർനാഥ്, യമുനോത്രി ക്ഷേത്രങ്ങളുടെ ദർശനം നിരോധിച്ചു. തീർത്ഥാടകർക്ക് റോഡിൽ നിന്ന് 20 കിലോമീറ്റർ അകലെയുള്ള മുറികളിൽ താമസിക്കാൻ സൈന്യം നിർദ്ദേശം നൽകിയിട്ടുണ്ട്.

തിരുവനന്തപുരം: ഹർത്താലുമായി ബന്ധപ്പെട്ട് വാട്സാപ്പിലൂടെയും മറ്റ് സോഷ്യൽ മീഡിയയിലൂടെയും തെറ്റായ വിവരങ്ങളും കിംവദന്തികളും പ്രചരിപ്പിക്കുന്നവർക്കെതിരെ നിയമനടപടി സ്വീകരിക്കുമെന്ന് ക്രമസമാധാന വിഭാഗം എഡിജിപി വിജയ് സാഖറെ പറഞ്ഞു. ഇത്തരം പ്രചാരണങ്ങൾ നടത്തുന്നവരെ കണ്ടെത്താൻ സോഷ്യൽ മീഡിയയിൽ സൈബർ പട്രോളിംഗ് ആരംഭിക്കാൻ നിർദ്ദേശം നൽകിയിട്ടുണ്ട്. ഹർത്താൽ ദിനത്തിൽ ആളുകളുടെ സഞ്ചാരം തടയുന്നവർക്കെതിരെ കർശന നിയമനടപടി സ്വീകരിക്കും. കെ.എസ്.ആർ.ടി.സി ഉൾപ്പെടെയുള്ള പൊതുഗതാഗത സംവിധാനങ്ങൾ,സർക്കാർ ഓഫീസുകൾ, സ്ഥാപനങ്ങൾ, എന്നിവയ്ക്ക് മതിയായ സുരക്ഷ ഒരുക്കാൻ ജില്ലാ പൊലീസ് മേധാവിമാർക്ക് നിർദേശം നൽകിയിട്ടുണ്ട്. എൻ.ഐ.എ റെയ്ഡിലും നേതാക്കളുടെ അറസ്റ്റിലും പ്രതിഷേധിച്ച് പോപ്പുലർ ഫ്രണ്ട് ഓഫ് ഇന്ത്യ നാളെ സംസ്ഥാന വ്യാപകമായി ഹർത്താൽ ആചരിക്കുകയാണ്. രാവിലെ 6 മുതൽ വൈകിട്ട് 6 വരെയാണ് ഹർത്താൽ. അവശ്യ സർവീസുകൾ മാത്രമേ ഹര്‍ത്താലില്‍ നിന്ന് ഒഴിവാക്കൂ. ഹർത്താലിനോട് അനുബന്ധിച്ച് ജില്ലാ ആസ്ഥാനങ്ങളിൽ പ്രതിഷേധ മാർച്ച് നടത്തുമെന്ന് പോപ്പുലർ ഫ്രണ്ട് സംസ്ഥാന നേതൃത്വം അറിയിച്ചു.

ന്യൂഡല്‍ഹി: ഇരയും പ്രതിയും തമ്മിൽ ഒത്തുതീർപ്പുണ്ടായതുകൊണ്ട് മാത്രം പോക്സോ പോലുള്ള ഗൗരവമേറിയ കേസ് റദ്ദാക്കാനാവില്ലെന്ന് സുപ്രീം കോടതി വ്യക്തമാക്കി. ജസ്റ്റിസുമാരായ അജയ് രസ്തോഗി, ബി.വി. നാഗരത്ന എന്നിവരടങ്ങിയ ബെഞ്ചിന്‍റേതാണ് ഉത്തരവ്. മുസ്ലീം യൂത്ത് ലീഗ് നേതാവും ഉറുദു അധ്യാപകനുമായ ഹഫ്സൽ റഹ്മാനെതിരായ പോക്സോ കേസ് റദ്ദാക്കിയതിനെതിരെ സംസ്ഥാന സർക്കാർ സമർപ്പിച്ച ഹർജിയിലാണ് സുപ്രീം കോടതിയുടെ ഉത്തരവ്. മലപ്പുറം ചെമ്മങ്കടവ് പി.എം.എസ്.എ.എം ഹയർ സെക്കൻഡറി സ്കൂളിലെ ഉറുദു അധ്യാപകനായിരുന്ന ഹഫ്സൽ റഹ്മാനെതിരെ 2018 നവംബറിലാണ് പോക്സോ നിയമപ്രകാരം കേസെടുത്തത്. സ്കൂളിലെ പ്രിൻസിപ്പലിന്‍റെ മുറിയിലേക്ക് വിളിച്ചുവരുത്തി 16 കാരിയായ വിദ്യാർത്ഥിനിയെ ലൈംഗികമായി പീഡിപ്പിച്ചെന്നാണ് കേസ്. എന്നാൽ പ്രതിയുമായി ഒത്തുതീർപ്പിലെത്തിയെന്ന് കാണിച്ച് ഇരയുടെ അച്ഛനും അമ്മയും ഹൈക്കോടതിയിൽ സത്യവാങ്മൂലം നൽകി. ഇത് പരിഗണിച്ച ഹൈക്കോടതി കേസ് റദ്ദാക്കിയിരുന്നു. അച്ഛന്‍റെയും അമ്മയുടെയും സത്യവാങ്മൂലം പരിഗണിച്ച് പോക്സോ കേസ് റദ്ദാക്കാനുള്ള ഹൈക്കോടതി തീരുമാനം തെറ്റാണെന്ന് സംസ്ഥാന സർക്കാരിന് വേണ്ടി ഹാജരായ സ്റ്റാൻഡിംഗ് കോണ്‍സല്‍ ഹർഷാദ് വി. ഹമീദ് ചൂണ്ടിക്കാട്ടി.…

ഊർജ്ജ പ്രതിസന്ധിയും കാലാവസ്ഥാ വ്യതിയാനവും ഫോസിൽ ഇന്ധനങ്ങളുടെ ഉപയോഗം കുറയ്ക്കുന്നതിനും കാർബൺ ഡൈ ഓക്സൈഡ് പുറന്തള്ളൽ കുറയ്ക്കുന്നതിനുമുള്ള വഴികൾ കണ്ടെത്താൻ യൂറോപ്യൻ സ്ഥാപനങ്ങളെ പ്രേരിപ്പിക്കുന്ന ഹൈഡ്രജൻ ഇന്ധന സെല്ലുകൾ ഉപയോഗിച്ച് പ്രവർത്തിക്കുന്ന വീട്. തെക്കൻ ഇറ്റലിയിലെ സാൻയോ സർവകലാശാലയിലെ ഗവേഷകരാണ് രംഗത്തെത്തിയത്. ഗവേഷണ സ്ഥാപനങ്ങളുടെയും സ്വകാര്യ കമ്പനികളുടെയും കൺസോർഷ്യവുമായി ചേർന്ന്, അവർ ഹൈഡ്രജൻ ഇന്ധന സെല്ലുകൾ ഉപയോഗിച്ച് പ്രവർത്തിക്കുന്ന യൂറോപ്പിലെ ആദ്യത്തെ വീട് നിർമ്മിച്ചു.

തിരുവനന്തപുരം: പോപ്പുലർ ഫ്രണ്ട് ആഹ്വാനം ചെയ്ത ഹർത്താലിന് കനത്ത സുരക്ഷയാണ് പൊലീസ് ഒരുക്കിയിരിക്കുന്നത്. ഹർത്താൽ ദിനമായ വെള്ളിയാഴ്ച ക്രമസമാധാന പാലനത്തിന് ആവശ്യമായ നടപടികൾ സ്വീകരിക്കാൻ സംസ്ഥാന പൊലീസ് മേധാവി അനിൽകാന്ത് എല്ലാ ജില്ലാ പൊലീസ് മേധാവിമാർക്കും നിർദ്ദേശം നൽകി. അക്രമത്തിൽ ഏർപ്പെടുന്നവർ, നിയമലംഘകർ, കടകൾ ബലമായി അടപ്പിക്കുന്നവർ എന്നിവർക്കെതിരെ കേസെടുത്ത് ഉടൻ അറസ്റ്റ് ചെയ്യും. പ്രതിഷേധക്കാർ പൊതുസ്ഥലങ്ങളിൽ ഒത്തുകൂടാതിരിക്കാൻ പൊലീസ് ശ്രദ്ധിക്കും. ആവശ്യമെങ്കിൽ കരുതൽ തടങ്കലിനും ശുപാർശ ചെയ്തിട്ടുണ്ട്.  ക്രമസമാധാന പാലനത്തിനായി സംസ്ഥാനത്തെ എല്ലാ പോലീസ് സേനാംഗങ്ങളെയും വിന്യസിക്കും.ജില്ലാ പൊലീസ് മേധാവിമാരുടെ നിയന്ത്രണത്തിലുളള സുരക്ഷാക്രമീകരണങ്ങളുടെ മേല്‍നോട്ട ചുമതല റേഞ്ച് ഡി.ഐ.ജിമാര്‍, സോണല്‍ ഐ.ജിമാര്‍, ക്രമസമാധാന വിഭാഗം എഡിജിപി എന്നിവര്‍ക്കാണ്. ദേശീയ, സംസ്ഥാന നേതാക്കളെ അറസ്റ്റ് ചെയ്തതിൽ പ്രതിഷേധിച്ച്  നാളെ സംസ്ഥാനത്ത് പോപ്പുലർ ഫ്രണ്ട് ഹർത്താൽ പ്രഖ്യാപിച്ചിട്ടുണ്ട്. ദേശീയ, സംസ്ഥാന നേതാക്കളെ എൻഐഎ അന്യായമായി അറസ്റ്റ് ചെയ്തത് ഭരണകൂട ഭീകരതയുടെ ഭാഗമാണെന്നും സംസ്ഥാന സമിതി വിലയിരുത്തി. കേന്ദ്ര ഏജൻസികളെ ഉപയോഗിച്ച് വിമതശബ്ദങ്ങളെ നിശബ്ദരാക്കാനുള്ള…

ഉഗാണ്ടയിൽ ഈ ആഴ്ച മരിച്ച ഒരാൾ ഉൾപ്പെടെ ഏഴ് എബോള കേസുകൾ സ്ഥിരീകരിച്ചു, മറ്റ് ഏഴ് മരണങ്ങൾ ഒരു വകഭേദത്തിന്‍റെ സംശയാസ്പദമായ കേസുകളായി അന്വേഷിക്കുന്നുണ്ടെന്ന് അധികൃതർ വ്യാഴാഴ്ച പറഞ്ഞു. കടുത്ത പനി, വയറിളക്കം, വയറുവേദന, രക്തം ഛർദ്ദി എന്നിവ അനുഭവപ്പെട്ട 24 കാരനാണ് മരിച്ചത്. മലേറിയയ്ക്ക് ചികിത്സയിലായിരുന്ന അദ്ദേഹത്തില്‍ എബോള വൈറസിന്‍റെ സുഡാൻ വകഭേദം ബാധിച്ചതായി കണ്ടെത്തി. “ഇന്ന്, ഞങ്ങൾക്ക് ഏഴ് സ്ഥിരീകരിച്ച കേസുകളുണ്ട്, അതിൽ ഞങ്ങൾക്ക് ഒരു മരണം സ്ഥിരീകരിച്ചു,” ഉഗാണ്ടൻ ആരോഗ്യ മന്ത്രാലയത്തിലെ എബോള സംഭവ കമാൻഡർ ക്യോബ് ഹെന്‍റി ബോസ ഒരു ബ്രീഫിംഗിൽ പറഞ്ഞു. “എന്നാൽ പൊട്ടിപ്പുറപ്പെട്ടതിന്‍റെ സ്ഥിരീകരണത്തിന് മുമ്പ് മരിച്ച ഏഴ് കേസുകളും ഞങ്ങളുടെ രേഖപ്പെടുത്തിയിട്ടില്ലെന്നും എന്നാൽ സെപ്റ്റംബർ ആദ്യം മധ്യ ഉഗാണ്ടയിലെ മുബെന്ദെ ജില്ലയിലെ ഒരു ചെറിയ ഗ്രാമത്തിൽ “ആളുകൾ മരിക്കാൻ തുടങ്ങിയപ്പോൾ” എബോള പൊട്ടിപ്പുറപ്പെട്ടതായി തോന്നുന്നുവെന്നും ബിബോസ പറഞ്ഞു. 2012ലാണ് ഉഗാണ്ട അവസാനമായി എബോള സുഡാൻ വകഭേദം റിപ്പോർട്ട് ചെയ്തത്.

ഏറെ നാളത്തെ കാത്തിരിപ്പിനൊടുവിൽ ഒക്ടോബർ 12ന് 5ജി സേവനങ്ങൾ ഇന്ത്യയിലെത്തുമെന്നാണ് റിപ്പോർട്ടുകൾ. ഓഗസ്റ്റ് ആദ്യവാരം നടന്ന ലേലത്തിൽ 1,50,173 കോടി രൂപയുടെ സ്പെക്ട്രമാണ് വിറ്റത്.റിലയൻസ് ജിയോ ,എയർടെൽ ,വൊഡാഫോൺ ഐഡിയ കൂടാതെ അദാനി ഗ്രൂപ്പ് അടക്കമുള്ള കമ്പനികൾ ആണ് ലേലത്തിൽ പങ്കെടുത്തത് .87,000 കോടി രൂപയാണ് റിലയൻസ് ജിയോ ചിലവാക്കിയിരുന്നത്