Author: News Desk

ന്യൂഡല്‍ഹി: പ്രശസ്ത ബോളിവുഡ് നടി ആശാ പരേഖിന് ദാദാസാഹിബ് ഫാൽക്കെ പുരസ്കാരം. ഇന്ത്യൻ ചലച്ചിത്ര മേഖലയ്ക്ക് നൽകിയ സംഭാവനകൾ പരിഗണിച്ചാണ് പുരസ്കാരം. പ്രസിഡന്റ് ദ്രൗപദി മുർമു 10 ലക്ഷം രൂപയും ഫലകവും സമ്മാനിക്കും. കേന്ദ്രമന്ത്രി അനുരാഗ് ഠാക്കൂറാണ് ഇക്കാര്യം അറിയിച്ചത്. ഹം സായാ, ലവ് ഇന്‍ ടോക്കിയോ, കന്യാദാന്‍, ഗുന്‍ഘട്ട്, ജബ് പ്യാര്‍ കിസീ സേ ഹോതാ ഹേ, ദോ ബദന്‍, ചിരാഗ്, സിദ്ദി തുടങ്ങിയവാണ് പ്രധാന സിനിമകള്‍. സെൻസർ ബോർഡിന്റെ തലപ്പത്തെത്തുന്ന ആദ്യ വനിതയാണ് ആശാ പരേഖ്.  ഇന്ത്യൻ സിനിമയുടെ പിതാവായി കണക്കാക്കപ്പെടുന്ന ദാദാസാഹിബ് ഫാല്‍ക്കെയുടെ 100-ആം ജന്മവാര്‍ഷികമായ 1969 മുതലാണ് ഈ പുരസ്‌കാരം നല്കിത്തുടങ്ങിയത്. 2018 ല്‍ അമിതാഭ് ബച്ചനായിരുന്നു പുരസ്‌കാര ജേതാവ്.

ദോഹ: ഫിഫ ലോകകപ്പിന് ഇതുവരെ ടിക്കറ്റ് ബുക്ക് ചെയ്യാത്തവർക്ക് ഇന്ന് മുതൽ ടിക്കറ്റ് ബുക്ക് ചെയ്യാം. ദോഹ പ്രാദേശിക സമയം ഉച്ചയ്ക്ക് 12 മണിക്ക് ആരംഭിക്കുന്ന ടിക്കറ്റ് വിൽപ്പന ടൂർണമെന്റിന്റെ അവസാന ദിവസമായ ഡിസംബർ 18 വരെ തുടരും. ഓവർ-ദി-കൗണ്ടർ വിൽപ്പനയും ഉടൻ ആരംഭിക്കും. രണ്ട് ഘട്ടങ്ങളിലായി നടന്ന വിൽപ്പനയിൽ 24.5 ലക്ഷം ടിക്കറ്റുകളാണ് വിറ്റുപോയത്. ടിക്കറ്റുകൾക്ക്: https://www.fifa.com/fifaplus/en/tickets

മുംബൈ: ദക്ഷിണാഫ്രിക്കയ്ക്ക് എതിരായ ഏകദിന പരമ്പരയ്ക്കുള്ള ഇന്ത്യൻ ടീമിനെ നാളെ പ്രഖ്യാപിക്കും. ടി20 ലോകകപ്പിന് പോകുന്ന താരങ്ങളെ ഒഴിവാക്കിയായിരിക്കും ടീമിനെ പ്രഖ്യാപിക്കുക. ശിഖര്‍ ധവാന്‍ ടീമിനെ നയിക്കുമ്പോള്‍ മലയാളി താരം സഞ്ജു സാംസണ്‍ വൈസ് ക്യാപ്റ്റനാവുമെന്നാണ് റിപ്പോര്‍ട്ടുകള്‍ പുറത്തുവരുന്നത്. ദക്ഷിണാഫ്രിക്കയ്ക്ക് എതിരെ മൂന്ന് ഏകദിനങ്ങളാണ് ഇന്ത്യ കളിക്കുക. ഒക്ടോബർ ആറിന് ലഖ്നൗവിലാണ് ആദ്യ ഏകദിനം. രണ്ടും മൂന്നും ഏകദിനങ്ങൾ ഏപ്രിൽ 9, 11 തീയതികളിൽ റാഞ്ചിയിലും ഡൽഹിയിലുമായി നടക്കും. അതേസമയം, കോച്ച് രാഹുൽ ദ്രാവിഡിനും വിശ്രമം നൽകുമെന്ന് റിപ്പോർട്ടുകളുണ്ട്. വിവിഎസ് ലക്ഷ്മൺ ടീമിനൊപ്പം ചേരും. നേരത്തെ അയർലൻഡ്, സിംബാബ്വെ പര്യടനങ്ങൾക്കുള്ള ഇന്ത്യൻ ടീമിൽ ലക്ഷ്മൺ അംഗമായിരുന്നു. ഏഷ്യാ കപ്പിനിടെ രാഹുൽ ദ്രാവിഡിന് കോവിഡ്-19 സ്ഥിരീകരിച്ചതോടെയാണ് ലക്ഷ്മണിനെ ഇടക്കാല പരിശീലകനായി നിയമിച്ചത്.

പാലക്കാട്: അട്ടപ്പാടി മധുവധക്കേസിൽ ജാമ്യം തേടി 11 പ്രതികളും കോടതിയിൽ ഹർജി നൽകി. പാലക്കാട് മണ്ണാർക്കാട് വിചാരണക്കോടതിയിലാണ് ഹർജി സമർപ്പിച്ചത്. സാക്ഷികളെ സ്വാധീനിക്കുന്നുവെന്ന് ചൂണ്ടിക്കാട്ടിയാണ് കേസിലെ പ്രതികളുടെ ജാമ്യം റദ്ദാക്കിയത്. ഇനി വിസ്തരിക്കാനുള്ളത് ഉദ്യോഗസ്ഥരെയാണെന്ന കാരണം പറഞ്ഞാണ് പ്രതികൾ ജാമ്യാപേക്ഷ സമർപ്പിച്ചത്. ഓഗസ്റ്റ് 20ന് വിചാരണക്കോടതി 12 പ്രതികളുടെ ജാമ്യം റദ്ദാക്കിയിരുന്നു. പ്രതികൾ സാക്ഷികളെ നേരിട്ടും ഇടനിലക്കാർ മുഖേനയും സ്വാധീനിക്കാൻ ശ്രമിച്ചതായി വിചാരണക്കോടതി കണ്ടെത്തി. വിചാരണക്കോടതി ഉത്തരവിനെതിരെ പ്രതികൾ ഹൈക്കോടതിയെ സമീപിച്ചെങ്കിലും നിരാശയായിരുന്നു ഫലം. എന്നാൽ 12ാം പ്രതിക്ക് മാത്രമാണ് ഹൈക്കോടതി ജാമ്യം അനുവദിച്ചത്. സെപ്റ്റംബർ 19നാണ് 11 പ്രതികൾ വിചാരണക്കോടതിയിൽ കീഴടങ്ങിയത്. സാക്ഷികളെ പ്രതികൾ സ്വാധീനിച്ചിട്ടുണ്ടെന്ന് കണ്ടെത്തിയതിനെ തുടർന്നാണ് പാലക്കാട്ടെ പ്രത്യേക കോടതി മുഴുവൻ പ്രതികളുടെയും ജാമ്യം റദ്ദാക്കിയത്. ഇതിനെതിരെയാണ് 12 പ്രതികളും ഹൈക്കോടതിയെ സമീപിച്ചത്. ഹൈക്കോടതി അനുവദിച്ച ജാമ്യം റദ്ദാക്കാൻ കീഴ്‌ക്കോടതിക്ക് കഴിയില്ലെന്നായിരുന്നു വാദം. എന്നാൽ ജാമ്യവ്യവസ്ഥയുടെ ലംഘനമുണ്ടായാൽ വിചാരണക്കോടതിക്ക് തുടർനടപടി സ്വീകരിക്കാമെന്നും പ്രോസിക്യൂഷൻ കോടതിയിൽ വാദിച്ചു. പ്രോസിക്യൂഷന്‍റെ…

കീവ് (യുക്രൈന്‍): റഷ്യൻ സൈന്യം പിടികൂടുകയും പിന്നീട് മോചിപ്പിക്കുകയും ചെയ്ത യുക്രൈനിയൻ സൈനികന്റെ ചിത്രങ്ങൾ യുക്രൈന്‍ പ്രതിരോധ വകുപ്പ് പുറത്തുവിട്ടു. മിഖൈലോ ഡയനോവ് എന്ന സൈനികനെ റഷ്യ പിടിക്കുന്നതിന് മുമ്പും ശേഷവുമുള്ള ചിത്രങ്ങളാണിത്. മുഖത്തും കൈകളിലും പരിക്കേറ്റ ഡയാനോവ് മെലിഞ്ഞ് എല്ലും തോലുമായി മാറിയെന്നും യുക്രൈനിയൻ ഡിഫന്‍സ് ട്വീറ്റ് ചെയ്തു. “ഭാഗ്യവാന്മാരില്‍ ഒരാളാണ് യുക്രൈന്‍ സൈനികന്‍ മിഖൈലോ ഡയനോവ്. സഹപ്രവര്‍ത്തകരായ പലരില്‍നിന്നും വ്യത്യസ്തമായി അദ്ദേഹത്തിന് ജീവന്‍ തിരിച്ചുവിട്ടി. ഇത്തരത്തിലാണ് ജവീന കണ്‍വെന്‍ഷന്‍ വ്യവസ്ഥകള്‍ റഷ്യ പാലിക്കുന്നത്. റഷ്യ നാനിസം പിന്‍തുടരുന്നത് ഇത്തരത്തിലാണ്.” – യുക്രൈന്‍ കുറ്റപ്പെടുത്തി. മരിയോപോളിലെ സ്റ്റില്‍പ്ലാന്റിന് നേരെയുണ്ടായ റഷ്യന്‍ ആക്രമണം പ്രതിരോധിക്കാന്‍ ശ്രമിക്കുന്നതിനിടെയാണ് ഈ വര്‍ഷം ആദ്യമാണ് ഡയനോവ് പിടിയിലാകുന്നതെന്ന് ടെലിഗ്രാഫ് റിപ്പോര്‍ട്ടുചെയ്തു. ബുധനാഴ്ചയാണ് അദ്ദേഹമടക്കം 205 തടവുകാരെ റഷ്യ മോചിപ്പിക്കുന്നത്.

തിരുവനന്തപുരം: കണ്ണൂർ വി.സി. നിയമനവുമായി ബന്ധപ്പെട്ട് മുഖ്യമന്ത്രിക്കെതിരായ ഹർജിയിൽ ഡയറക്ടർ ജനറൽ ഓഫ് പ്രോസിക്യൂഷൻ ഹാജരാകും. വിജിലൻസ് അഡീഷണൽ ഡയറക്ടർ ഓഫ് പ്രോസിക്യൂഷനെ ഒഴിവാക്കിയാണ് ആഭ്യന്തര വകുപ്പിന്റെ തീരുമാനം. വിജിലൻസ് ഡയറക്ടറുടെ ശുപാർശ പ്രകാരമാണ് ഉത്തരവ്. മുഖ്യമന്ത്രിക്കെതിരെ പ്രോസിക്യൂഷന് അനുമതി തേടി കോണ്‍ഗ്രസ് നേതാവ് ജ്യോതികുമാർ ചാമക്കാല ഗവർണർക്ക് കത്തയച്ചു. മുഖ്യമന്ത്രി സമ്മർദ്ദം ചെലുത്തിയെന്ന് കഴിഞ്ഞ ദിവസം വാർത്താസമ്മേളനത്തിൽ പറഞ്ഞ ഗവർണർ ഇത് സംബന്ധിച്ച് മുഖ്യമന്ത്രി അയച്ച കത്തുകളും പുറത്തുവിട്ടിരുന്നു.

ദോഹ: ഫിഫ ലോകകപ്പിൽ കാണികൾക്ക് യാത്ര ചെയ്യാൻ 4000 ബസുകൾ തയ്യാർ. പൊതുഗതാഗത കമ്പനിയായ മൊവലാത്തിന്റെ (കർവ) 4000 ബസുകളിൽ സ്റ്റേഡിയം എക്സ്പ്രസ് ബസുകൾക്ക് പുറമേ പൊതുഗതാഗത ബസുകളും ഉൾപ്പെടും. 850 ഇലക്ട്രിക് ബസുകൾ ഉൾപ്പെടെ 2300 പുതിയ ബസുകൾ കർവയുടെ വാഹന പരിധിയിൽ ഉൾപ്പെടുത്തിയതോടെ ബസുകളുടെ എണ്ണം വർദ്ധിച്ചു. യൂറോ-6 എഞ്ചിനിൽ പ്രവർത്തിക്കുന്ന ആർഡബ്ല്യു സാങ്കേതികവിദ്യയിൽ പ്രവർത്തിക്കുന്ന 1,600 ഹൈബ്രിഡ് ബസുകളും കർവയിലുണ്ട്. പരിസ്ഥിതി സൗഹൃദ ഗതാഗതം സുഗമമാക്കുക എന്ന ലക്ഷ്യത്തോടെയാണ് ഇലക്ട്രിക്, ഹൈബ്രിഡ് ബസുകൾ നിരത്തിലിറക്കുന്നത്. ലോകകപ്പിൽ കർവയുടെ 800 ടാക്സികൾ കൂടി സർവീസ് നടത്തും.

കൊച്ചി: കേരളത്തിലെ റെയിൽവേ സ്റ്റേഷനുകളിലെ പാർക്കിംഗ്, എസി ഹാളുകളുടെ മേൽനോട്ടം എന്നിവയിൽ നിന്ന് കുടുംബശ്രീയെ പൂർണ്ണമായും ഒഴിവാക്കി. സാമൂഹിക പ്രതിബദ്ധതയുടെ ഭാഗമായി 2014 ൽ റെയിൽവേയുടെ തിരുവനന്തപുരം ഡിവിഷനിൽ മൂന്ന് മാസത്തേക്ക് ആരംഭിച്ച പദ്ധതിയാണ് ഇപ്പോൾ നിലച്ചത്. 2017 ജൂണിൽ ഡിവിഷനിലെ എല്ലാ സ്റ്റേഷനുകളിലും പാർക്കിംഗ്, എസി ഹാൾ മാനേജ്മെന്‍റ് എന്നിവയുടെ മേൽനോട്ടം കുടുംബശ്രീയെ ഏൽപ്പിച്ചു. റവന്യൂ വിഹിതം 60-40 ശതമാനം എന്ന അനുപാതത്തിൽ വിഭജിച്ചു. രണ്ടും മൂന്നും വർഷങ്ങളിൽ റെയിൽവേയ്ക്ക് 5, 10 ശതമാനം വീതം അധികമായി നൽകണമെന്നുമായിരുന്നു വ്യവസ്ഥ. കേരളത്തിൽ 7 ജില്ലകളിലെ 45 സ്റ്റേഷനുകളിൽ പാർക്കിങ് മേൽനോട്ടവും 7 സ്റ്റേഷനുകളിൽ എസി ഹാൾ മാനേജ്മെന്‍റും കുടുംബശ്രീ കൈകാര്യം ചെയ്തിരുന്നതാണ്. ഇതിലൂടെ 248 സ്ത്രീകൾക്ക് കുടുംബശ്രീ തൊഴിൽ നൽകി. കാലാവധി കഴിയാറായപ്പോൾ കോവിഡ് കൂടി വന്നതോടെ റെയിൽവേ എസി വെയ്റ്റിങ് ഹാളുകൾ അടച്ചിടുകയും പാർക്കിങ് വരുമാനം കുറഞ്ഞതോടെ  കുടുംബശ്രീയെ ഒഴിവാക്കാനുള്ള നീക്കം തുടങ്ങുകയും ചെയ്തു.  കരാർ കാലാവധി കഴിഞ്ഞതോടെ…

ദുബായ്: യുഎഇയിൽ കോവിഡ് നിയന്ത്രണങ്ങളിൽ പുതിയ ഇളവുകൾ പ്രഖ്യാപിച്ചു. സ്കൂളുകൾ ഉൾപ്പെടെ മിക്ക സ്ഥലങ്ങളിലും മാസ്ക് നിർബന്ധമല്ല. ആവശ്യമുള്ളവർ മാത്രമേ ഇനി മാസ്ക് ധരിക്കേണ്ടതുള്ളൂ. പള്ളികളിൽ സാമൂഹിക അകലവും ഒഴിവാക്കിയിട്ടുണ്ട്. കോവിഡ് രോഗികളുടെ ഐസൊലേഷൻ അഞ്ച് ദിവസമായി കുറച്ചിട്ടുണ്ട്. രോഗികളുമായി സമ്പർക്കം പുലർത്തിയവർക്ക് രോഗലക്ഷണങ്ങൾ ഉണ്ടെങ്കിൽ മാത്രമേ കോവിഡ് പരിശോധന നടത്താവൂ. എന്നിരുന്നാലും, പ്രായമായവരും രോഗം പിടിപെടാൻ സാധ്യതയുള്ളവരും രോഗിയുമായി സമ്പർക്കം പുലർത്തിയാൽ കോവിഡ് പരിശോധനയ്ക്ക് വിധേയരാകണം. അൽഹോസ്ൻ ആപ്ലിക്കേഷനിലെ ഗ്രീൻ പാസിന്‍റെ വാലിഡിറ്റി പൊതു സ്ഥാപനങ്ങളിൽ പ്രവേശിക്കുന്നതിന് 30 ദിവസമായി ഉയർത്തി. 30 ദിവസത്തിലൊരിക്കൽ കോവിഡ് -19 പരിശോധനയ്ക്ക് വിധേയമാകണം. സെപ്റ്റംബർ 28 മുതൽ സ്വകാര്യ സ്കൂളുകൾ, ബാല്യകാല കേന്ദ്രങ്ങൾ, സർവകലാശാലകൾ, പരിശീലന സ്ഥാപനങ്ങൾ എന്നിവിടങ്ങളിൽ മാസ്ക് നിർബന്ധമല്ലെന്ന് ദുബായ് നോളജ് ആൻഡ് ഹ്യൂമൻ ഡെവലപ്മെന്‍റ് അതോറിറ്റി അറിയിച്ചു. അതേസമയം, മെഡിക്കൽ സെന്‍ററുകൾ, പള്ളികൾ, ആശുപത്രികൾ ഉൾപ്പെടെയുള്ള പൊതുഗതാഗത സംവിധാനങ്ങൾ എന്നിവിടങ്ങളിൽ മാസ്ക് നിർബന്ധമാക്കും. ഭക്ഷണം വിതരണം ചെയ്യുന്നവരും രോഗലക്ഷണങ്ങളുള്ളവരും…

ന്യൂഡൽഹി: സുപ്രീം കോടതിയുടെ ഭരണഘടനാ ബെഞ്ചിന്‍റെ തത്സമയ സംപ്രേഷണം ഇന്ന് ആരംഭിച്ചു. ചീഫ് ജസ്റ്റിസ് ഉൾപ്പെടെ മൂന്ന് ഭരണഘടനാ ബെഞ്ചുകളുടെ നടപടികൾ തത്സമയം സംപ്രേഷണം ചെയ്യും. പൊതുപ്രാധാന്യമുള്ള കേസുകൾ തത്സമയം സംപ്രേഷണം ചെയ്യുന്നതിന് നാല് വർഷം മുമ്പ് സുപ്രീം കോടതി തത്വത്തിൽ അനുമതി നൽകിയിരുന്നു. ഇതാദ്യമായാണ് ചീഫ് ജസ്റ്റിസ് എൻ.വി രമണ വിരമിച്ച ദിവസം കോടതി നടപടികൾ തത്സമയം സംപ്രേഷണം ചെയ്യുന്നത്. സാമ്പത്തിക സംവരണ കേസ്, ശിവസേന തർക്കം, അഖിലേന്ത്യാ ബാർ എക്സാമിനേഷൻ കേസുകൾ എന്നിവ ഇന്ന് ഭരണഘടനാ ബെഞ്ചിന്‍റെ പരിഗണനയിലാണ്. ചീഫ് ജസ്റ്റിസ് യു.യു.ലളിത്, ജസ്റ്റിസ് ഡി.വൈ ചന്ദ്രചൂഡ്, ജസ്റ്റിസ് സഞ്ജയ് കൗൾ എന്നിവരടങ്ങുന്നതാണ് ഭരണഘടനാ ബെഞ്ച്.