Author: News Desk

തിരുവനന്തപുരം: മയക്കുമരുന്ന് ഉപയോഗിക്കുന്നവർക്കെതിരെ കർശന നടപടി സ്വീകരിക്കാൻ സംസ്ഥാന സർക്കാർ. ഒന്നിലധികം തവണ മയക്കുമരുന്ന് കേസുകളിൽ ഉൾപ്പെട്ടവരെ കരുതൽ തടങ്കലിൽ പാർപ്പിക്കും. ഗാന്ധിജയന്തി ദിനമായ ഒക്ടോബർ 2 മുതൽ കേരള പിറവി ദിനമായ നവംബർ ഒന്ന് വരെ ആദ്യഘട്ടം നടപ്പിലാക്കും. കേസ് കോടതിയിൽ തെളിയുന്നത് വരെ കാത്തിരിക്കില്ല. സ്ഥിരമായി കേസുകളിൽ ഉൾപ്പെട്ടവരുടെ പട്ടിക തയ്യാറാക്കിയിട്ടുണ്ട്. കേന്ദ്ര നിയമത്തിലെ പഴുതുകൾ കാരണം മയക്കുമരുന്ന് ഉപയോഗിക്കുന്നവർ വേഗത്തിൽ ജാമ്യത്തിലിറങ്ങുന്ന സാഹചര്യമുണ്ട്. ഇത് തടയാൻ നിയമം പാസാക്കുന്ന കാര്യം സംസ്ഥാന സർക്കാർ പരിഗണിക്കുന്നുണ്ടെന്നും മയക്കുമരുന്നിനെതിരെ ശക്തമായ ജനകീയ പോരാട്ടമാണ് സർക്കാർ നടത്തുന്നതെന്നും എക്സൈസ് മന്ത്രി എം ബി രാജേഷ് തിരുവനന്തപുരത്ത് പറഞ്ഞു.

ഡൽഹി: മ്യാന്മറിൽ റിക്ടർ സ്കെയിലിൽ 5.2 തീവ്രത രേഖപ്പെടുത്തിയ ഭൂചലനം അനുഭവപ്പെട്ടു. ഇന്ത്യയുടെ വടക്കുകിഴക്കൻ സംസ്ഥാനങ്ങളിലും ഭൂചലനത്തിന്റെ പ്രകമ്പനം ഉണ്ടായി. മണിപ്പൂർ, നാഗാലാൻഡ്, അസം എന്നിവിടങ്ങളിലാണ് പ്രകമ്പനം അനുഭവപ്പെട്ടത്. ഇന്ത്യൻ സമയം പുലർച്ചെ 3.25നാണ് മ്യാൻമറിൽ ഭൂചലനമുണ്ടായതെന്ന് നാഷണൽ സെന്‍റർ ഫോർ സീസ്മോളജി അറിയിച്ചു. പ്രഭവകേന്ദ്രത്തിൽ നിന്ന് 140 കിലോമീറ്റർ ദൂരത്താണ് ഭൂചലനം അനുഭവപ്പെട്ടത്. 

ഡൽഹി: കോൺഗ്രസ് അധ്യക്ഷ സ്ഥാനാർത്ഥിയായി മുകുൾ വാസ്നിക്കിനൊപ്പം മല്ലികാർജുൻ ഖാർഗെയും മത്സരിച്ചേക്കും. ഖാർഗേയോട് മത്സരിക്കാൻ സോണിയ ഗാന്ധി നിർദ്ദേശിച്ചതായാണ് വിവരം. മുകുൾ വാസ്നിക്കിന്റെയും കുമാരി ഷെൽജയുടെയും പേരുകൾ പരിഗണിച്ച ശേഷമാണ് മല്ലികാർജുൻ ഖാർഗെ മത്സരിക്കട്ടെ എന്ന തീരുമാനത്തിലേക്ക് സോണിയ ഗാന്ധി എത്തിയത്. നിലവിൽ രാജ്യസഭാ പ്രതിപക്ഷ നേതാവാണ് മല്ലികാർജുൻ ഖാർഗെ. മല്ലികാർജുൻ ഖാർഗേയുടെ സ്ഥാനാർത്ഥിത്വത്തിന് രാഹുൽ ഗാന്ധിയുടെ പിന്തുണയും ഉണ്ട്. ദിഗ്വിജയ സിംഗിനും ശശി തരൂരിനും ഒപ്പമാകും മല്ലികാർജുൻ ഖാർഗയും മത്സരരംഗത്ത് ഉണ്ടാവുക. കോൺഗ്രസ് അധ്യക്ഷ തെരഞ്ഞെടുപ്പിൽ നാമനിർദേശ പത്രിക നൽകുന്നതിനുള്ള അവസാന തിയതി ഇന്നാണ് . ദ്വിഗ് വിജയ് സിങ്ങും മുകുൾ വാസ്നിക്കും ശശി തരൂരും ഇന്ന് പത്രിക സമർപ്പിക്കും. ജി 23 നേതാക്കളിൽ ഒരാളും മത്സരിക്കുമെന്ന് സൂചനയുണ്ട്. 22 വർഷങ്ങൾക്ക് ശേഷമാണ് കോൺഗ്രസ് അധ്യക്ഷ സ്ഥാനത്തേക്ക് തിരഞ്ഞെടുപ്പ് നടക്കുന്നത്. സോണിയ ഗാന്ധിക്കെതിരെ അന്ന് ജിതേന്ദ്രപ്രസാദയാണ് മത്സരിച്ചത്. ഇന്ന് മൂന്ന് മണിവരെ നാമ നിർദേശ പത്രിക സമർപ്പിക്കാനാവും. പത്രിക പിന്‍വലിക്കാനുള്ള…

ന്യൂഡല്‍ഹി: ജമ്മുകശ്മീരിൽ രണ്ടിടങ്ങളിൽ ഭീകരരും സുരക്ഷാ സേനയും ഏറ്റുമുട്ടുന്നു. ബാരാമുള്ളയിലും ഷോപ്പിയാനിലും ആണ് ഏറ്റുമുട്ടൽ. ജമ്മു കശ്മീരിലെ ഉധംപൂരിൽ കഴിഞ്ഞ ദിവസം നടന്ന ഇരട്ട സ്ഫോടനങ്ങളെക്കുറിച്ച് ദേശീയ അന്വേഷണ ഏജൻസി (എൻഐഎ) അന്വേഷണം നടത്തുകയാണ്. രണ്ട് സമയത്ത് രണ്ട് ബസുകളിലായി നടന്ന സ്ഫോടനത്തിൽ രണ്ട് പേർക്ക് പരിക്കേറ്റിരുന്നു. പരിക്ക് ഗുരുതരമല്ലെങ്കിലും സ്ഫോടനത്തെ വളരെ ഗൗരവത്തോടെയാണ് കാണുന്നത്. ഇന്നലെ രാവിലെ ഉധംപൂരിലെ ബസ് സ്റ്റാൻഡിൽ നിർത്തിയിട്ടിരുന്ന ബസിലാണ് സ്ഫോടനം നടന്നത്. എട്ട് മണിക്കൂറിനിടെ നടന്ന രണ്ടാമത്തെ സ്ഫോടനമായിരുന്നു ഇത്. ബുധനാഴ്ച രാത്രി 10.45 ന് ഉധംപൂരിലെ ദൊമെയിൽ ചൗക്കിലും ബസിൽ സ്ഫോടനം നടന്നിരുന്നു. ഉധംപൂരിലെ രണ്ടാമത്തെ സ്ഫോടനത്തിൽ ആർക്കും പരിക്കേറ്റിട്ടില്ലെന്ന് ജമ്മു കശ്മീർ പോലീസ് അറിയിച്ചു. ഉധംപൂരിലെ പെട്രോൾ പമ്പിന് സമീപം നിർത്തിയിട്ടിരുന്ന ബസിലുണ്ടായ ആദ്യ സ്ഫോടനത്തിൽ പരിക്കേറ്റവരുടെ നില ഗുരുതരമല്ല. ഉധംപൂരിലെ ബോംബ് സ്ക്വാഡും ഡോഗ് സ്ക്വാഡും സ്ഫോടനം നടന്ന സ്ഥലത്തും പരിസരത്തും പരിശോധന നടത്തി. ഇരട്ട സ്ഫോടനത്തെ തുടർന്ന് ഉധംപൂരിൽ…

ഇടുക്കി: ഇടുക്കിയിൽ തെരുവ് നായ്ക്കളെ വന്ധ്യംകരിക്കാനുള്ള കേന്ദ്രങ്ങൾ തുടങ്ങുന്നതിനെതിരെ പ്രതിഷേധം ഉയർന്ന സ്ഥലത്തിന് പകരം സ്ഥലം കണ്ടെത്താനുള്ള നടപടികൾ തുടങ്ങി. എ.ബി.സി സെന്‍ററുകളുമായി ബന്ധപ്പെട്ട പ്രത്യേക പദ്ധതികൾ സമർപ്പിക്കാൻ ജില്ലാ കളക്ടർക്കും ജില്ലാ പഞ്ചായത്ത് പ്രസിഡന്‍റിനും നിർദ്ദേശം നൽകിയിട്ടുണ്ട്. ഇടുക്കിയിലെ ചപ്പാത്ത്, തൊടുപുഴയിലെ കാക്കൊമ്പ്, അടിമാലി എന്നിവിടങ്ങളിൽ എസിബി സെന്‍ററുകൾ സ്ഥാപിക്കുന്നതിനെതിരെ പ്രതിഷേധം ഉയർന്നിരുന്നു. ചപ്പാത്ത് ജില്ലാ പഞ്ചായത്ത് കെട്ടിടത്തിന് പകരം കുമളി, പാമ്പനാർ, ചെങ്കര എന്നിവിടങ്ങളിൽ സ്ഥലം കണ്ടെത്താനുള്ള ശ്രമം തുടരുകയാണ്. മറ്റ് ബ്ലോക്കുകളിലും പരിശോധന പുരോഗമിക്കുകയാണ്. നെടുങ്കണ്ടം, ഇടുക്കി ബ്ലോക്കുകൾക്കായി നെടുങ്കണ്ടത്ത് കണ്ടെത്തിയ സ്ഥലം മൃഗസംരക്ഷണ വകുപ്പിലെ സാങ്കേതിക സംഘം സന്ദര്‍ശിച്ച് അനുയോജ്യമാണെന്ന് റിപ്പോർട്ട് നൽകി.

ഇറാനിൽ 22 കാരിയായ യുവതി മരിച്ച സംഭവത്തിൽ താലിബാൻ ഭരിക്കുന്ന അഫ്ഗാനിസ്ഥാനിൽ സ്ത്രീകളുടെ പ്രതിഷേധം. ഇറാനിയൻ എംബസിക്ക് മുന്നിൽ നിലയുറപ്പിച്ചിരുന്ന താലിബാൻ സൈനികർക്ക് മുന്നിൽ 30 ഓളം സ്ത്രീകൾ സ്വാതന്ത്ര്യം ആവശ്യപ്പെട്ട് മുദ്രാവാക്യങ്ങൾ മുഴക്കി. പ്രതിഷേധക്കാരെ പിരിച്ചുവിടാൻ താലിബാൻ സൈന്യം ആകാശത്തേക്ക് വെടിയുതിർത്തതായി വാർത്താ ഏജൻസികൾ റിപ്പോർട്ട് ചെയ്തു. താലിബാൻകാർ പ്രതിഷേധക്കാരുടെ ബാനറുകൾ പിടിച്ചെടുക്കുകയും കീറുകയും ചെയ്തതായി റിപ്പോർട്ടിൽ പറയുന്നു. സംഭവത്തിന്‍റെ വീഡിയോ ദൃശ്യങ്ങൾ റെക്കോർഡ് ചെയ്ത മാധ്യമപ്രവർത്തകരെ താലിബാൻ നിർബന്ധിച്ച് ഡിലീറ്റ് ചെയ്യിച്ചുവെന്ന് റിപ്പോർട്ടിൽ പറയുന്നു.  മതകാര്യ പോലീസ് കസ്റ്റഡിയിലെടുത്ത മഹ്സ അമിനി (22) എന്ന യുവതി മരിച്ച സംഭവം ഇറാനിൽ പ്രതിഷേധത്തിനിടയാക്കിയിരുന്നു. ഹിജാബ് ധരിക്കാത്തതിന്‍റെ പേരിൽ മത പോലീസ് അറസ്റ്റ് ചെയ്ത സ്ത്രീയുടെ മരണത്തിൽ പ്രതിഷേധിച്ച് സ്ത്രീകളടക്കം പതിനായിരക്കണക്കിന് ആളുകളാണ് തെരുവിലിറങ്ങിയത്. പ്രതിഷേധത്തെ അടിച്ചമർത്താൻ ഇറാൻ പോലീസും സൈന്യവും തെരുവിലിറങ്ങിയതോടെ സംഘർഷം ദിവസങ്ങളോളം നീണ്ടുനിന്നു. അനൗദ്യോഗിക കണക്കുകൾ പ്രകാരം 75 പേരാണ് പോലീസ് ആക്രമണത്തിൽ മരിച്ചത്. ആയിരക്കണക്കിനാളുകളെ അറസ്റ്റ്…

ന്യൂഡല്‍ഹി: രാജ്യത്ത് ഔദ്യോഗികമായി ആരംഭിക്കുന്നതിന് ദിവസങ്ങൾ മാത്രം ശേഷിക്കെ ഡൽഹി അന്താരാഷ്ട്ര വിമാനത്താവളം യാത്രക്കാർക്കായി 5 ജി പ്രവർത്തനക്ഷമമാക്കി. വിമാനത്താവളത്തിൽ 5 ജി നെറ്റ്‌വർക്ക് ലഭ്യമാക്കുന്നതിനുള്ള ക്രമീകരണങ്ങൾ ഏർപ്പെടുത്തിയിട്ടുണ്ടെന്ന് വിമാനത്താവളത്തിന്‍റെ ഓപ്പറേറ്ററായ ജിഎംആർ ഗ്രൂപ്പ് അറിയിച്ചു. ടെലികോം സേവന ദാതാക്കളുടെ 5 ജി സേവനം ആരംഭിക്കുന്നതോടെ വിമാനത്താവളത്തിലെത്തുന്നവർക്ക് ഈ സൗകര്യം ആസ്വദിക്കാൻ സാധിക്കും. 5 ജി സൗകര്യമുള്ള മൊബൈൽ ഫോണും സിം കാർഡുമുള്ള യാത്രക്കാർക്ക് മികച്ച സിഗ്നലും തടസ്സമില്ലാത്ത കണക്റ്റിവിറ്റിയും ലഭിക്കും. ടെർമിനൽ 3 ലെ ആഭ്യന്തര ഡിപ്പാർച്ചർ പിയറിലും ഇന്‍റർനാഷണൽ അറൈവൽ ബാഗേജ് ഏരിയയിലും ടി 3 അറൈവൽ ഭാഗത്തിനും മൾട്ടി ലെവൽ കാർ പാർക്കിംഗിനും ഇടയിൽ മികച്ച കണക്റ്റിവിറ്റി ലഭ്യമാകുമെന്ന് ജിഎംആർ ഗ്രൂപ്പിനെ ഉദ്ധരിച്ച് പിടിഐ റിപ്പോർട്ട് ചെയ്തു. ടി 3 ടെർമിനലിലുടനീളം 5 ജി ശൃംഖലയുടെ വിന്യാസം ഘട്ടം ഘട്ടമായി നടക്കും. നിലവിൽ മിക്ക വിമാനത്താവളങ്ങളും വൈ-ഫൈ സൗകര്യം വഴി യാത്രക്കാർക്ക് ആവശ്യമായ വയർലെസ് സേവനങ്ങൾ നൽകുന്നുണ്ട്.…

ന്യൂഡൽഹി: റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനിക്ക് ഇസഡ് പ്ലസ് കാറ്റഗറി സുരക്ഷ. മുകേഷ് അംബാനിക്ക് ഭീഷണിയുണ്ടെന്ന ഇന്‍റലിജൻസ് ഏജൻസിയുടെ റിപ്പോർട്ടിന്‍റെ അടിസ്ഥാനത്തിലാണ് കൂടുതൽ സുരക്ഷ ഒരുക്കുന്നത്. നിലവിൽ അംബാനിക്ക് ഇസഡ് കാറ്റഗറി സുരക്ഷയാണ് ഉണ്ടായിരുന്നത്. കഴിഞ്ഞ വർഷം സ്ഫോടക വസ്തുക്കൾ നിറച്ച കാർ അംബാനിയുടെ വീടിന് സമീപത്ത് നിന്ന് കണ്ടെത്തിയിരുന്നു. ഇതിന് പിന്നാലെയാണ് അംബാനിയുടെ സുരക്ഷ വർദ്ധിപ്പിക്കാൻ കേന്ദ്ര ആഭ്യന്തര മന്ത്രാലയത്തിന് മുന്നിൽ നിർദ്ദേശം ഉയർന്നത്. 10 എൻ.എസ്.ജി കമാൻഡോകൾ ഉൾപ്പെടെ 55 ഉദ്യോഗസ്ഥരെ ഇസഡ് പ്ലസ് വിഭാഗത്തിൽ വിന്യസിക്കും. ഓരോ കമാൻഡോകളും ആയോധനകലയിൽ പരിശീലനം നേടിയവരായിരിക്കണം. എക്സ്, വൈ, ഇസഡ്, ഇസഡ് പ്ലസ്, എസ്പിജി എന്നിങ്ങനെ വിവിധ വിഭാഗങ്ങളിലാണ് സുരക്ഷ നൽകുന്നത്.

അഹമ്മദാബാദ്: 36-ാമത് ദേശീയ ഗെയിംസ് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്തു. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടന്ന ഉദ്ഘാടന ചടങ്ങിലാണ് ദേശീയ ഗെയിംസിന് തുടക്കമായത്. കേന്ദ്ര യുവജനകാര്യ, കായിക മന്ത്രി അനുരാഗ് താക്കൂറും മറ്റ് പ്രമുഖരും ഉദ്ഘാടന ചടങ്ങിൽ പങ്കെടുത്തു. 7 വർഷത്തെ നീണ്ട ഇടവേളയ്ക്ക് ശേഷമാണ് ദേശീയ ഗെയിംസ് നടക്കുന്നത്. മീറ്റിംഗ് സംഘടിപ്പിക്കുന്നതിൽ ഗുജറാത്ത് മുൻകൈയെടുക്കുകയും കാര്യങ്ങൾ വേഗത്തിൽ ക്രമീകരിക്കുകയും ചെയ്തു. ഇന്ത്യൻ സായുധ സേനയുടെ സർവ്വീസസ് സ്‌പോർട്‌സ് ടീമിനൊപ്പം 28 സംസ്ഥാനങ്ങളിൽ നിന്നും എട്ട് കേന്ദ്രഭരണ പ്രദേശങ്ങളിൽ നിന്നുമായി 7000 കായികതാരങ്ങൾ ദേശീയ ഗെയിംസിൽ പങ്കെടുക്കുന്നുണ്ട്. ദേശീയ ഗെയിംസ് പട്ടികയിൽ മൊത്തത്തിൽ 36 കായിക ഇനങ്ങളാണുള്ളത്. ആയിരങ്ങളാണ് ഉദ്ഘാടനച്ചടങ്ങ് കാണാന്‍ ഗുജറാത്തിലെ നരേന്ദ്ര മോദി സ്റ്റേഡിയത്തിലത്തിയത്. ഉദ്ഘാടനത്തോടനുബന്ധിച്ച് ഗായകന്‍ ശങ്കര്‍ മഹാദേവന്‍, മോഹിത് ചൗഹാന്‍ എന്നിവരുടെ സംഗീതനിശകളും സ്റ്റേഡിയത്തില്‍ അരങ്ങേറി.

തിരുവനന്തപുരം: പോപ്പുലർ ഫ്രണ്ട് ഓഫ് ഇന്ത്യയുടെ നിരോധനത്തിന്‍റെ പശ്ചാത്തലത്തിൽ സ്വീകരിക്കേണ്ട നടപടികൾ പൊലീസ് ആസ്ഥാനത്ത് ചേർന്ന ഉന്നതതല യോഗം ചർച്ച ചെയ്തു. പോപ്പുലർ ഫ്രണ്ട് ഓഫ് ഇന്ത്യയുടെ ഓഫീസുകളും സ്വത്തുക്കളും അനധികൃതമായി ഉപയോഗിക്കുന്നത് തടയാൻ ജില്ലാ പൊലീസ് മേധാവിമാർ നടപടി സ്വീകരിക്കും. നിരോധിത സംഘടനയ്ക്ക് സാമ്പത്തിക സഹായം ലഭിക്കുന്നത് തടയാനുള്ള നടപടികൾ ജില്ലാ പോലീസ് മേധാവിമാരും സ്വീകരിക്കുമെന്ന് കേരള പോലീസ് മീഡിയ സെന്‍റർ അറിയിച്ചു. ഇതിനായി സർക്കാർ ഉത്തരവ് പ്രകാരം കൈമാറുന്ന അധികാരങ്ങൾ ജില്ലാ പൊലീസ് മേധാവിമാർ വിനിയോഗിക്കും. ജില്ലാ മജിസ്ട്രേറ്റുമാരുടെ ഏകോപനത്തോടെ ജില്ലാ പൊലീസ് മേധാവിമാർ ഇക്കാര്യത്തിൽ തുടർനടപടികൾ സ്വീകരിക്കും. എ.ഡി.ജി.പി (ക്രമസമാധാനം), സോണൽ ഐ.ജിമാർ, റേഞ്ച് ഡി.ഐ.ജിമാർ എന്നിവരുടെ മേൽനോട്ടത്തിലായിരിക്കും നടപടികൾ. ഇതിനാവശ്യമായ നിർദ്ദേശങ്ങൾ സംസ്ഥാന പോലീസ് മേധാവി പുറപ്പെടുവിച്ചിട്ടുണ്ട്. പൊലീസ് ആസ്ഥാനത്ത് നടന്ന യോഗത്തിൽ സംസ്ഥാന പോലീസ് മേധാവി അനിൽ കാന്ത് അധ്യക്ഷത വഹിച്ചു. എ.ഡി.ജി.പിമാർ, ഐ.ജിമാർ, ഡി.ഐ.ജിമാർ, എല്ലാ ജില്ലാ പോലീസ് മേധാവിമാർ എന്നിവരും സന്നിഹിതരായിരുന്നു.