തിരുവനന്തപുരം: വിവാദ ദത്ത് കേസില് അനുപമയുടെ അച്ഛന് ജയചന്ദ്രന്റെ മുന്കൂര് ജാമ്യാപേക്ഷ കോടതി തള്ളി. തിരുവനന്തപുരം അഡീഷണല് സെഷന്സ് കോടതിയാണ് കേസിലെ ഒന്നാം പ്രതിയായ ജയചന്ദ്രന്റെ മുന്കൂര് ജാമ്യഹര്ജി തള്ളിയത്.
അമ്മ അറിയാതെ വ്യാജ രേഖകളുണ്ടാക്കി കുട്ടിയെ ദത്ത് നല്കിയ കേസില് അനുപമയുടെ അച്ഛനും അമ്മയും ബന്ധുക്കളുമടക്കം ആറ് പേരാണ് പ്രതികള്. ഇതില് അനുപമയുടെ അമ്മയുള്പ്പെടെ അഞ്ച് പേര്ക്ക് നേരത്തെ മുന്കൂര് ജാമ്യം അനുവദിച്ചിരുന്നു.