ന്യൂഡല്ഹി: കേന്ദ്രമന്ത്രി സ്മൃതി ഇറാനിക്കെതിരായ സോഷ്യൽ മീഡിയ പോസ്റ്റുകൾ 24 മണിക്കൂറിനകം നീക്കം ചെയ്യണമെന്ന് ഡൽഹി ഹൈക്കോടതി കോണ്ഗ്രസ് നേതാക്കൾക്ക് നിർദേശം നൽകി. സ്മൃതി ഇറാനിയുടെ മകൾക്ക് ഗോവയിലെ റെസ്റ്റോറന്റുമായി ബന്ധമുണ്ടെന്ന് ആരോപിച്ചുള്ള പോസ്റ്റുകൾ നീക്കം ചെയ്യാനാണ് കോണ്ഗ്രസ് നേതാക്കൾക്ക് നിർദേശം നൽകിയത്. കോണ്ഗ്രസ് നേതാക്കളായ ജയറാം രമേശ്, പവൻ ഖേര, നേതാ ഡിസൂസ എന്നിവർക്കാണ് കോടതി നിർദേശം നൽകിയത്. കോണ്ഗ്രസ് നേതാക്കളോട് നേരിട്ട് ഹാജരാകാനും കോടതി ആവശ്യപ്പെട്ടു. സ്മൃതി ഇറാനി നൽകിയ മാനനഷ്ടക്കേസിന് മറുപടിയായാണ് കോടതിയുടെ ഉത്തരവ്. ഹർജി ഓഗസ്റ്റ് 18ന് പരിഗണിക്കും. കോണ്ഗ്രസ് നേതാക്കൾ ഈ സമയത്ത് കോടതിയിൽ വരണം. പോസ്റ്റുകൾ നീക്കം ചെയ്തില്ലെങ്കിൽ ട്വിറ്റർ, ഫെയ്സ്ബുക്ക് ഉൾപ്പെടെയുള്ള സോഷ്യൽ മീഡിയ കമ്പനികൾ പോസ്റ്റുകൾ നീക്കം ചെയ്യണമെന്നും കോടതി നിർദേശിച്ചു. സ്മൃതി ഇറാനി നൽകിയ കേസ് പ്രഥമദൃഷ്ട്യാ കോണ്ഗ്രസ് നേതാക്കൾക്കെതിരെയാണെന്ന് ജസ്റ്റിസ് മിനി പുഷ്കർണ പറഞ്ഞു. വസ്തുതകൾ പരിശോധിക്കാതെയാണ് സ്മൃതി ഇറാനിക്കെതിരെ അപകീർത്തികരവും വ്യാജവുമായ ആരോപണങ്ങൾ ഉന്നയിച്ചതെന്ന് കോടതി പ്രഥമദൃഷ്ട്യാ നിരീക്ഷിച്ചു.
Trending
- കേരളത്തിന് ചരിത്ര നേട്ടം: ഭക്ഷ്യ സുരക്ഷയ്ക്ക് രണ്ടാം വര്ഷവും ദേശീയ പുരസ്കാരം
- ലബനനിലെ പേജർ സ്ഫോടനത്തിൻറെ അന്വേഷണം മലയാളിയുടെ കമ്പനിയിലേക്ക്
- സിപിഐ യുടെ എല്ലാ ആരോപണങ്ങളോടും മറുപടി പറയേണ്ട ബാധ്യത എനിക്കില്ല: എഡിജിപി വിവാദത്തില് ടിപിരാമകൃഷ്ണന്
- അനധികൃത സ്വത്ത് സമ്പാദനം, കെട്ടിടനിർമാണം; എഡിജിപി എം.ആർ.അജിത് കുമാറിനെതിരെ വിജിലൻസ് അന്വേഷണം
- നിപ്പ: ഒരാളുടെ പരിശോധനാ ഫലം കൂടി നെഗറ്റീവ്; സമ്പര്ക്കപ്പട്ടികയില് 268പേർ
- എഴുത്തുകാരിക്ക് നേരെ ലൈംഗികാതിക്രമം, വി കെ പ്രകാശിനെ അറസ്റ്റ് ചെയ്തു
- പരിശോധനയ്ക്കിടെ വാഹനം ഇടിപ്പിച്ച് അപായപ്പെടുത്താൻ ശ്രമം; സാഹസികമായി പിന്തുടർന്ന് പിടികൂടി എക്സൈസ്
- കല്യാണ വീട്ടിൽ നിന്ന് മോഷ്ടിച്ച 17.5 പവൻ സ്വർണം വഴിയിൽ ഉപേക്ഷിച്ച നിലയിൽ