മനാമ: ലുലു ഫിനാൻഷ്യൽ ഗ്രൂപ്പിന്റെ മാനേജിംഗ് ഡയറക്ടർ അദീബ് അഹമ്മദ് ബഹ്റൈൻ ഗോൾഡൻ റെസിഡൻസി വിസ സ്വീകരിച്ചു. ബഹ്റൈൻ ഉപപ്രധാനമന്ത്രി ഷെയ്ഖ് ഖാലിദ് ബിൻ അബ്ദുല്ല അൽ ഖലീഫയാണ് അദീബ് അഹമ്മദിന് ഗോൾഡൻ റെസിഡൻസി വിസ നൽകിയത്.
ഈ ബഹുമതി ലഭിച്ചതിൽ സന്തോഷമുണ്ടെന്നും രാജാവ് ഹമദ് ബിൻ ഈസ അൽ ഖലീഫയ്ക്കും ബഹ്റൈൻ കിരീടാവകാശിയും പ്രധാനമന്ത്രിയുമായ ഹിസ് റോയൽ ഹൈനസ് സൽമാൻ ബിൻ ഹമദ് അൽ ഖലീഫയ്ക്കും ബഹ്റൈൻ സർക്കാരിനും ജനങ്ങൾക്കും അംഗീകാരം നൽകിയതിന് നന്ദി പറയുന്നതായും അദീബ് അഹമ്മദ് പറഞ്ഞു. “ഗോൾഡൻ വിസ അംഗീകാരത്തിന്റെ ഒരു മാനദണ്ഡമാണ്, ഇത് പരമ്പരാഗതവും പുതിയതുമായ മേഖലകളിൽ ഒരു ബിസിനസ്സ് ഹബ്ബ് എന്ന നിലയിൽ ബഹ്‌റൈന്റെ പ്രതിച്ഛായ വർദ്ധിപ്പിക്കും,” അദീബ് കൂട്ടിച്ചേർത്തു.
ഈ വർഷം ഫെബ്രുവരിയിൽ ആരംഭിച്ച ബഹ്‌റൈനികളല്ലാത്തവർക്കുള്ള ഗോൾഡൻ റെസിഡൻസി വിസ ആഗോള പ്രതിഭകളെ ആകർഷിക്കുന്നതിനും ബഹ്‌റൈനിലേക്ക് നിക്ഷേപം വർധിപ്പിക്കുന്നതിനുമുള്ള രാജ്യത്തിന്റെ സാമ്പത്തിക വീണ്ടെടുക്കൽ പദ്ധതിയുടെ ഭാഗമാണ്.
