കണ്ണൂർ :- സംസ്ഥാനത്തെ റെയിൽവേ സ്റ്റേഷനുകളിൽ മേൽക്കൂരയുള്ള സ്ഥലത്ത് സുരക്ഷിതമായ പാർക്കിംഗ് സuകര്യം ഏർപ്പെടുത്തണമെന്ന് കരാറുകാർക്ക് നിർദ്ദേശം നൽകണമെന്ന് സംസ്ഥാന മനുഷ്യാവകാശ കമ്മീഷൻ റയിൽവേക്ക് ഉത്തരവ് നൽകി.
ഇല്ലെങ്കിൽ കരാറുകാർക്കെതിരെ ദക്ഷിണ റയിൽവേ കരാർ ലംഘനത്തിന് നടപടിയെടുക്കണമെന്നും കമ്മീഷൻ ജുഡീഷ്യൽ അംഗം കെ. ബൈജുനാഥ് പാലക്കാട് സീനിയർ റയിൽവേ ഡിവിഷണൽ മാനേജർക്ക് ഉത്തരവ് നൽകി. സ്വീകരിച്ച നടപടികൾ രണ്ട് മാസത്തിനകം കമ്മീഷനെ അറിയിക്കണം. പാർക്കിംഗ് ഫീസ് നിയമാനുസരണം വാങ്ങണമെന്നും കൃത്യമായ രസീത് നൽകണമെന്നും കമ്മീഷൻ ആവശ്യപ്പെട്ടു.
ഡിവിഷണൽ റയിൽവേ മാനേജർ കമ്മീഷനിൽ സമർപ്പിച്ച വിശദീകരണത്തിൽ സംസ്ഥാനത്തെ റയിൽവേ സ്റ്റേഷനുകളിലുള്ള പാർക്കിംഗ് സ്വകാര്യ ഏജൻസികൾക്ക് കരാർ നൽകിയിരിക്കുകയാണെന്ന് പറയുന്നു. പാർക്ക് ചെയ്യുന്ന വാഹനങ്ങളുടെ സുരക്ഷിതത്വം കരാറുകാരന്റെ ഉത്തരവാദിത്വമാണെന്നും റിപ്പോർട്ടിലുണ്ട്. മേൽക്കൂരയുള്ള പാർക്കിംഗ് സuകര്യം ഏർപ്പെടുത്തേണ്ടത് കരാറിന്റെ ഭാഗമാണെന്നും റിപ്പോർട്ടിലുണ്ട്.
റയിൽവേയുടെ പാർക്കിംഗ് നയം കമ്മീഷൻ പരിശോധിച്ചു. നയത്തിലെ 18.6 വ്യവസ്ഥ പ്രകാരം പാർക്ക് ചെയ്യുന്ന വാഹനത്തിന്റെയും ഇന്ധനം, ഹെൽമറ്റ് ഉൾപ്പെടെയുള്ള സാധനങ്ങളുടെയും സുരക്ഷ കരാറുകാരന്റെ ഉത്തരവാദിത്വമാണെന്ന് പറയുന്നു. 18.10 വ്യവസ്ഥ പ്രകാരം മേൽക്കൂരയുള്ള പാർക്കിംഗ് സuകര്യം അനുവദിക്കേണ്ടതും കരാറുകാരന്റെ ഉത്തരവാദിത്വമാണ്.
എന്നാൽ എല്ലാം കരാറുകാരന്റെ ഉത്തരവാദിത്വമെന്ന് പറഞ്ഞ് റയിൽവേക്ക് നിശബ്ദത പാലിക്കാൻ കഴിയില്ലെന്ന് ഉത്തരവിൽ പറയുന്നു. കരാറുകാരൻ നിയമാനുസരണം പ്രവർത്തിച്ചില്ലെങ്കിൽ നടപടിയെടുക്കാൻ റയിൽവേക്ക് ഉത്തരവാദിത്വമുണ്ടെന്ന് ഉത്തരവിൽ പറയുന്നു. കണ്ണപുരം, പരപ്പനങ്ങാടി റയിൽവേസ്റ്റേഷനുകളിൽ വാഹനപാർക്കിങ്ങിന്റെ പേരിലുള്ള കൊള്ളക്കെതിരെ മൊറാഴ സ്വദേശി പി.പി. ഗിരീഷ് സമർപ്പിച്ച പരാതിയിലാണ് ഉത്തരവ്.
Trending
- കേരളത്തിന് ചരിത്ര നേട്ടം: ഭക്ഷ്യ സുരക്ഷയ്ക്ക് രണ്ടാം വര്ഷവും ദേശീയ പുരസ്കാരം
- ലബനനിലെ പേജർ സ്ഫോടനത്തിൻറെ അന്വേഷണം മലയാളിയുടെ കമ്പനിയിലേക്ക്
- സിപിഐ യുടെ എല്ലാ ആരോപണങ്ങളോടും മറുപടി പറയേണ്ട ബാധ്യത എനിക്കില്ല: എഡിജിപി വിവാദത്തില് ടിപിരാമകൃഷ്ണന്
- അനധികൃത സ്വത്ത് സമ്പാദനം, കെട്ടിടനിർമാണം; എഡിജിപി എം.ആർ.അജിത് കുമാറിനെതിരെ വിജിലൻസ് അന്വേഷണം
- നിപ്പ: ഒരാളുടെ പരിശോധനാ ഫലം കൂടി നെഗറ്റീവ്; സമ്പര്ക്കപ്പട്ടികയില് 268പേർ
- എഴുത്തുകാരിക്ക് നേരെ ലൈംഗികാതിക്രമം, വി കെ പ്രകാശിനെ അറസ്റ്റ് ചെയ്തു
- പരിശോധനയ്ക്കിടെ വാഹനം ഇടിപ്പിച്ച് അപായപ്പെടുത്താൻ ശ്രമം; സാഹസികമായി പിന്തുടർന്ന് പിടികൂടി എക്സൈസ്
- കല്യാണ വീട്ടിൽ നിന്ന് മോഷ്ടിച്ച 17.5 പവൻ സ്വർണം വഴിയിൽ ഉപേക്ഷിച്ച നിലയിൽ