തിരുവനന്തപുരം: തിരുവിതാംകൂര് ദേവസ്വംബോര്ഡ്, മലയിന്കീഴ് മാധവകവിയുടെ സ്മരണാര്ത്ഥം ഏര്പ്പെടുത്തിയിട്ടുള്ള മാധവമുദ്രപുരസ്കാരം നാളെ (02.09.2021) വിതരണം ചെയ്യും. തിരുവനന്തപുരം മലയിന്കീഴ് ശ്രീകൃഷ്ണസ്വാമി ക്ഷേത്ര സന്നിധിയിലാണ് പുരസ്കാര വിതരണ ചടങ്ങ് സംഘടിപ്പിച്ചിരിക്കുന്നത്. നാളെ വൈകുന്നേരം 7 മണിക്ക് തിരുവിതാംകൂര് ദേവസ്വം ബോര്ഡ് പ്രസിഡന്റ് അഡ്വ.എന്.വാസു അദ്ധ്യക്ഷത വഹിക്കുന്ന സമ്മേളനത്തില് വച്ച് ദേവസ്വം വകുപ്പ് മന്ത്രി കെ രാധാകൃഷ്ണന് പുരസ്കാരം വിതരണം ചെയ്യും.
തിരുവിതാംകൂര് ദേവസ്വം ബോര്ഡ് അംഗങ്ങളായ അഡ്വ.കെ.എസ്.രവി, പി.എം.തങ്കപ്പന് , ഐ.ബി.സതീഷ് എം.എല്എ, ദേവസ്വം കമ്മീഷണര് ബി.എസ്സ്.പ്രകാശ്, കവി വി.മധുസൂദനന്നായര് തുടങ്ങിയവര് പുരസ്കാര സമര്പ്പണ ചടങ്ങില് സംബന്ധിക്കും. 2019 ലെ മാധവമുദ്രപുരസ്കാരം കവിതയ്ക്കുള്ള സമഗ്രസംഭാവന കണക്കിലെടുത്ത് കവി പ്രഭാവര്മ്മയ്ക്ക് നല്കും. 2020 ലെ മാധവമുദ്രപുരസ്കാരത്തിന് ഭാഷാപണ്ഡിതനും ഗ്രന്ഥകാരനുമായ ഡോ. തിക്കുറിശ്ശി ഗംഗാധരനാണ് അര്ഹനായത്.