ചെന്നൈ: ലക്ഷക്കണക്കിന് രൂപ വിലവരുന്ന സ്വർണം മിശ്രിത രൂപത്തിലാക്കി മലദ്വാരത്തിൽ ഒളിപ്പിച്ച കടത്താൻ ശ്രമിച്ച യാത്രക്കാരൻ ചെന്നൈ വിമാനത്താവളത്തിൽ കസ്റ്റംസ് പരിശോധനയിൽ പിടിയിലായി. ദുബായിൽ നിന്നും ചെന്നൈയിലെത്തിയ ഇയാൾ 810 ഗ്രാം 24 കാരറ്റ് സ്വർണമാണ് കടത്തിക്കൊണ്ടുവന്നതെന്ന് കസ്റ്റംസ് അറിയിച്ചു.നാല് കെട്ടുകളിലായി മിശ്രിത രൂപത്തിലാക്കി മലദ്വാരത്തിൽ സൂക്ഷിച്ച സ്വർണമാണ് പിടികൂടിയത്. പുരുഷന്മാർക്ക് 50,000 രൂപയിൽ താഴെ മാത്രം വിലവരുന്ന 20 ഗ്രാം സ്വർണമേ വിദേശത്ത് നിന്നും ഇന്ത്യയിലേക്ക് കൊണ്ടുവരാൻ അനുമതിയുളളു. സ്ത്രീകൾക്ക് ഒരു ലക്ഷവും.മുൻപ് ജനുവരി മാസത്തിലും മൂന്ന് ദിവസങ്ങളിലായി ചെന്നൈയിൽ ഒൻപത് കിലോയോളം സ്വർണം കടത്തിക്കൊണ്ടുവന്നത് പിടികൂടിയിരുന്നു. 2020 ഡിസംബറിൽ 35 ലക്ഷം രൂപ വിലവരുന്ന 706 ഗ്രാം സ്വർണം കുഴമ്പ് രൂപത്തിലാക്കിയത് പിടികൂടിയിരുന്നു. ഈ സംഭവങ്ങളിലെല്ലാം കേസെടുത്ത് അന്വേഷണം നടത്തുകയാണെന്നും കസ്റ്റംസ് അറിയിച്ചു.
Trending
- ‘വീട് കയറി അക്രമം, പൊലീസിന് നേരെ കയ്യേറ്റം’: യുവാക്കള് പിടിയില്
- തലസ്ഥാനത്തെ റോഡുകളുടെ ദുരവസ്ഥ: കേസെടുത്ത് മനുഷ്യാവകാശ കമ്മിഷൻ
- ശക്തമായ മഴ: വിനോദസഞ്ചാര കേന്ദ്രങ്ങളിൽ നിയന്ത്രണം; അതിരപ്പിള്ളിയും വാഴച്ചാലും അടച്ചു
- പെരുമ്പാവൂര് വേങ്ങൂരില് മഞ്ഞപ്പിത്തം ബാധിച്ച് ഒരാള് കൂടി മരിച്ചു
- ഇബ്രാഹിം റെയ്സിയുടെ മരണം: പങ്കില്ലെന്ന് ഇസ്രയേല്, രാജ്യത്തിനുള്ളിൽ ശത്രുക്കള്; അവസാനിക്കാതെ അഭ്യൂഹങ്ങള്
- രാജ്യാന്തര മയക്ക് മരുന്ന് സംഘത്തലവൻ കോടതിവളപ്പിൽ അക്രമാസക്തനായി
- കെട്ടിക്കിടക്കുന്ന വെള്ളത്തിലും ചെളിയിലും ഇറങ്ങുന്നവര് ഡോക്സിസൈക്ലിന് കഴിക്കണം: ആരോഗ്യമന്ത്രി
- വെസ്റ്റ്നൈൽ പനി ബാധിച്ച് ചികിത്സയിലിരുന്ന ഇടുക്കി സ്വദേശി മരിച്ചു