ബഹ്‌റൈൻ പ്രധാനമന്ത്രിയുടെ നിര്യാണത്തിൽ ബഹ്റൈൻ വളാഞ്ചേരി കൂട്ടായ്മ അതീവ ദുഖം രേഖപ്പെടുത്തി

മനാമ: ബഹ്റൈൻ എന്ന കൊച്ചു രാജ്യത്തെ ആഗോള തലത്തിൽ പ്രശസ്തമാക്കിയതിന്റെ നായകനും തന്റെ ദീർഘവീക്ഷണത്തിൽ പതിറ്റാണ്ടുകളായി സമഗ്ര വികസനത്താൽ പവിഴ ദ്വീപിനെ ആധുനികരീതിയിൽ വികസിപ്പിച്ചെടുത്ത അതുല്യ പ്രതിഭാ ശില്പിയുമായ, സ്വദേശി വിദേശി വ്യത്യാസമില്ലാതെ എല്ലാ ജനവിഭാഗത്തേയും ഏറെ സ്നേഹിച്ചിരുന്ന , സ്നേഹ സമ്പന്നനും ആദരണീയനുമായ പ്രധാനമന്ത്രി ശൈഖ് ഖലീഫ ബിൻ സൽമാൻ അൽ ഖലീഫയുടെ നിര്യാണത്തിൽ ബഹ്റൈൻ വളാഞ്ചേരി കൂട്ടായ്മ അതീവ ദുഖം രേഖപ്പെടുത്തി .

ലോക ഭരണ നേതാക്കളിൽ ഏറെക്കാലം പ്രധാനമന്ത്രി പദവി വഹിച്ച അപൂർവ്വ ബഹുമതി കൂടി അദ്ദേഹത്തിന് മാത്രമായിരുന്നു.ധിഷണാ ശാലിയായ അദ്ദേഹം നമ്മോട് വിടപറയുബോൾ പവിഴ ദീപിന്റെ ആധുനിക രീതിയിലള്ള വളർച്ചക്ക് ദീർഘവീക്ഷണത്തോടെ അദ്ദേഹത്തിൻ്റെ ഭരണത്തിന് കീഴിൽ വരുത്തിയ വലിയ മാറ്റങ്ങൾ ലോക ഭൂപടത്തിൽ ശ്രദ്ധേയമായ സ്ഥാനം നേടിക്കൊടുത്തതായി BVK അനുസ്മരിച്ചു .

[embedyt] https://www.youtube.com/watch?v=8l-bPXgorF4[/embedyt]

ഇന്ത്യക്കാരോട് പ്രത്യകമായ സ്നേഹം എപ്പോഴും തന്റെ ജീവിത വഴിയിൽ അദ്ദേഹം പുലർത്തിയിരുന്നത് ഓരോ ഇന്ത്യക്കാരനും മറക്കാൻ കഴിയാത്തതാണന്നും വലിയ പ്രതിസന്ധി ഘട്ടത്തിലും അദ്ദേഹം ആ സ്നേഹം ആവോളം നമുക് നൽകിയത് പതിറ്റാണ്ടുകളായി ബഹ്റൈനിൽ മുൻകാല പ്രവാസം നയിച്ചിരുന്നവർക്കും നിലവിൽ പവിഴ ദ്വീപിൽ പ്രവാസം നിലനിറുത്തുന്നവർക്കും മറക്കാൻ കഴിയാത്തതാണന്നും BVK വാർത്താ കുറിപ്പിൽ അറിയിച്ചു .