ദില്ലി: ദേശീയ വിമാനക്കമ്പനിയായ എയര് ഇന്ത്യയുടെ ബിഡ് സമര്പ്പിക്കുന്നതിനുള്ള തീയതി കേന്ദ്ര സര്ക്കാര് നീട്ടിയിരിക്കുകയാണ്. കൂടാതെ താല്പര്യപത്രം സമര്പ്പിക്കുന്നത് സംബന്ധിച്ച മാര്ഗനിര്ദ്ദേശങ്ങളിലും സര്ക്കാര് മാറ്റം വരുത്തിയിട്ടുണ്ട്. വിമാനക്കമ്പനി ലേലത്തില് പങ്കെടുക്കാനുളള ബിഡുകള് സമര്പ്പിക്കാനുളള അവസാന തീയതി ഇപ്പോള് ഡിസംബര് 14 വരെയാണ് സര്ക്കാര് നീട്ടിയിട്ടുള്ളത്. മുന്പ് ഇത് ഒക്ടോബര് 30 വരെയായിരുന്നു. ലേലത്തില് പങ്കെടുക്കാന് താല്പര്യമുള്ളവരെ ഇക്വിറ്റി മൂല്യത്തിന് പകരം എന്റര്പ്രൈസ് മൂല്യം ഉദ്ധരിക്കാന് അനുവദിക്കാനും സര്ക്കാര് തീരുമാനമായി.
മിഡിൽ ഈസ്റ്റ് ഹോസ്പിറ്റൽ ചികിത്സക്കായി www.membh.com ക്ലിക്ക് ചെയ്യുക
വ്യാഴാഴ്ച ആഭ്യന്തരമന്ത്രി അമിത് ഷായുടെ നേതൃത്വത്തില് ചേര്ന്ന മന്ത്രിമാര് ഉള്പ്പെട്ട സമിതിയാണ് തീരുമാനങ്ങള് എടുക്കുകയുണ്ടായത്. വിസ്താര, എയര് ഏഷ്യ ഇന്ത്യ എന്നീ രണ്ട് എയര്ലൈനുകള് പ്രവര്ത്തിക്കുന്ന ടാറ്റ ഗ്രൂപ്പ് ദേശീയ വിമാനക്കമ്പനി സ്വന്തമാക്കുന്നതിന് താല്പര്യം അറിയിച്ച് എത്തിയിരിക്കുകയാണ്.
“ഡിസംബര് അവസാനത്തോടെ ബിഡ്ഡിംഗ് പ്രക്രിയ പൂര്ത്തിയാക്കുമെന്ന് ഞങ്ങള് പ്രതീക്ഷിക്കുന്നു, എന്ന് വ്യോമയാന മന്ത്രി ഹാര്ദീപ് സിംഗ് പുരി പറയുന്നു. ഒരു കമ്പനിയുടെ എന്റര്പ്രൈസ് മൂല്യത്തില് ഇക്വിറ്റി മൂല്യം, ഡെബ്റ്റ്, കമ്പനിയുമായുള്ള പണം എന്നിവ ഉള്പ്പെടുന്നു. ഇക്വിറ്റി മൂല്യം ഒരു കമ്പനിയുടെ ഷെയറുകളുടെ മൂല്യത്തെ മാത്രമാണ് അളക്കുന്നത്. എന്നാല്, സന്നദ്ധനായ ഒരു ബിഡ്ഡര് തന്റെ ഉദ്ധരണിയുടെ 15 ശതമാനം മുന്കൂര് പണമടയ്ക്കല് ആയി നല്കണമെന്ന് സര്ക്കാര് നിര്ദേശം നല്കിയിട്ടുണ്ടെന്ന് ഓഹരി വിറ്റഴിക്കല് സെക്രട്ടറി തുഹിന് കാന്ത പാണ്ഡെ പറയുകയുണ്ടായി.