ന്യൂഡല്ഹി: രാജ്യത്ത് കഴിഞ്ഞ 24 മണിക്കൂറിനിടെ 54,044 പേര്ക്കാണ് പുതുതായി രോഗം ബാധിച്ചത്. 717 പേരുടെ മരണം സ്ഥിരീകരിച്ചു. കഴിഞ്ഞ ഏതാനും ദിവസങ്ങളിലായി കൊറോണ ബാധിതരുടെ എണ്ണം തുടര്ച്ചയായി കുറയുന്നുണ്ട്. രാജ്യത്ത് ആകെ രോഗം ബാധിച്ചവരുടെ എണ്ണം 76 ലക്ഷം കടന്നു. ഇതുവരെ 76,51,107 പേര്ക്കാണ് രോഗം ബാധിച്ചത്.
രോഗമുക്തരുടെ എണ്ണത്തില് വലിയ വര്ധനയാണുണ്ടാകുന്നത്. ഇതുവരെ കോവിഡിൽ നിന്നും മുക്തി നേടിയവരുടെ എണ്ണം 67 ലക്ഷം കടന്നു. 67,95,103 പേരാണ് രോഗമുക്തി നേടി ആശുപത്രി വിട്ടത്. രാജ്യത്തെ കോവിഡ് മുക്തി നിരക്ക് 88.81 ശതമാനമാണ്. 7,40,090 പേരാണ് രാജ്യത്തിന്റെ വിവിധ ഭാഗങ്ങളില് ചികിത്സയില് കഴിയുന്നത്.
മിഡിൽ ഈസ്റ്റ് ഹോസ്പിറ്റൽ ചികിത്സക്കായി www.membh.com ക്ലിക്ക് ചെയ്യുക
1,15,914 പേരാണ് കോവിഡ് ബാധിച്ച് ഇതുവരെ മരണപ്പെട്ടത്. കഴിഞ്ഞ ദിവസം 10,83,608 പേരെയാണ് പരിശോധനയ്ക്ക് വിധേയമാക്കിയത്. രാജ്യത്ത് ഇതുവരെ 9,72,00,379 കോവിഡ് പരിശോധനകളാണ് നടത്തിയിട്ടുള്ളത്.