ദോഹ: ഖത്തർ മുൻ അമീർ ശൈഖ് ഹമദ് ബിൻ ഖലീഫ അൽഥാനിയുടെ നിര്യാണത്തിൽ അനുശോചനം അറിയിക്കുന്നതിനായി ബഹ്റൈൻ കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് അൽ ഖലീഫ ഖത്തറിലെത്തി.
ഖത്തർ അമീർ ശൈഖ് തമീം ബിൻ ഹമദ് അൽഥാനിയെയും രാജകുടുംബാംഗങ്ങളെയും നേരിൽ കണ്ട് ബഹ്റൈൻ നേതൃത്വത്തിന്റെയും ജനങ്ങളുടെയും അനുശോചനം അദ്ദേഹം അറിയിച്ചു.
മുൻ അമീറിന്റെ വിയോഗം ഖത്തറിനും അറബ് ലോകത്തിനും വലിയ നഷ്ടമാണെന്നും രാജ്യം വികസനത്തിന്റെ പുതിയ ഉയരങ്ങളിലെത്തുന്നതിൽ അദ്ദേഹം നൽകിയ സംഭാവനകൾ എന്നും ഓർമിക്കപ്പെടുമെന്നും പ്രിൻസ് സൽമാൻ അനുസ്മരിച്ചു.
ശൈഖ് ഹമദ് ബിൻ ഖലീഫ അൽഥാനിയുടെ നിര്യാണത്തെ തുടർന്ന് ഖത്തർ ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്. വിവിധ രാജ്യങ്ങളിലെ ഭരണാധികാരികളും നേതാക്കളും ദോഹയിലെത്തി അനുശോചനം രേഖപ്പെടുത്തുകയാണ്.
