കോഴിക്കോട്: പാളയം മാര്ക്കറ്റില് 232 പേര്ക്ക് കൊവിഡ് സ്ഥിരീകരിച്ചു. 760 പേരെ ടെസ്റ്റ് ചെയ്തതിലാണ് 232 പേര്ക്ക് കൊവിഡ് പൊസിറ്റിവായത്. കൊവിഡ് കേസുകള് റിപ്പോര്ട്ട് ചെയ്യപ്പെട്ട സാഹചര്യത്തില് മാര്ക്കറ്റ് അടക്കും. പാളയം മാര്ക്കറ്റിലെ വ്യാപാരികള്, തൊഴിലാളികള്, ജീവനക്കാര് എന്നിവരില് നടത്തിയ പരിശോധനയിലാണ് കൊവിഡ് സ്ഥിരീകരിച്ചത്. ജില്ലയിലെ പ്രധാന വ്യാപര കേന്ദ്രമാണ് പാളയം മാര്ക്കറ്റ്.
ഇന്നലെ മാത്രം 394 പേര്ക്കാണ് ജില്ലയില് കൊവിഡ് സ്ഥിരീകരിച്ചത്. ഇതില് 383 പേര്ക്കും സമ്പര്ക്കത്തിലൂടെയായിരുന്നു കൊവിഡ് സ്ഥിരീകരിച്ചത്. രോഗ ലക്ഷണം കാണിക്കാത്തവരെ വീടുകളില് തന്നെ ചികിത്സിക്കാനാണ് തീരുമാനം.