മനാമ: ഐക്യരാഷ്ട്രസഭയുടെ അന്താരാഷ്ട്ര അറബി ഭാഷാ ദിനാഘോഷങ്ങളുടെ ഭാഗമായി, ഇന്ത്യൻ സ്കൂൾ ബഹ്റൈൻ വിദ്യാർത്ഥികൾക്കായി വിദ്യാഭ്യാസപരവും സാംസ്കാരികവുമായ നിരവധി പ്രവർത്തനങ്ങൾ സംഘടിപ്പിച്ചു. അറബിക് വകുപ്പിന്റെ കീഴിൽ അറബി ഭാഷാപരവും സാംസ്കാരികവുമായ പ്രാധാന്യം എടുത്തുകാണിക്കുക എന്ന ലക്ഷ്യത്തോടെയാണ് പരിപാടി നടത്തിയത്.
അവതരണങ്ങൾ, അറബി കഥപറച്ചിൽ, കവിതാ പാരായണം, ഉപന്യാസ രചന തുടങ്ങിയ പ്രവർത്തനങ്ങളിൽ വിദ്യാർത്ഥികൾ ആവേശത്തോടെ പങ്കെടുത്തു. സ്റ്റാഫ് പ്രതിനിധി പാർവതി ദേവദാസ്, ആക്ടിവിറ്റി പ്രധാന അധ്യാപിക ശ്രീകല ആർ, സലോണ പയസ്, വകുപ്പ് മേധാവി സഫ അബ്ദുള്ള ഖംബർ, അറബി അധ്യാപകർ എന്നിവർ ഉദ്ഘാടന ചടങ്ങിൽ പങ്കെടുത്തു. ഫാത്തിമ സൈനബ് വിശുദ്ധ ഖുറാൻ പാരായണം ചെയ്തു. അറബി ഭാഷയുടെ ശ്രദ്ധേയമായ വൈവിധ്യം, വിവിധ സാംസ്കാരിക ആവിഷ്കാര രൂപങ്ങളുമായുള്ള ബന്ധം, ആശയവിനിമയവും സംഭാഷണവും വളർത്തുന്നതിൽ വഹിക്കുന്ന പങ്ക് എന്നിവ ഈ പരിപാടിയിൽ ഉൾപ്പെടുത്തി.
ദൈനംദിന ആശയവിനിമയത്തിൽ അറബിയുടെ ഉപയോഗം, കലാ പാരമ്പര്യങ്ങൾ, കാലിഗ്രാഫി എന്നിവയെക്കുറിച്ചുള്ള അവതരണങ്ങൾ ആഘോഷങ്ങൾക്ക് മിഴിവേറ്റി. വിവിധ ഗ്രേഡ് തലങ്ങളിൽ അറബി ഭാഷാ പഠനത്തിൽ മികവ് പുലർത്തിയ വിദ്യാർത്ഥികളെയും ചടങ്ങിൽ ആദരിച്ചു. മികച്ച പ്രകടനം കാഴ്ചവച്ച വിദ്യാർത്ഥികൾ: ഗ്രേഡ് 4 – ലിന അബ്ദുൽജലീൽ, ജോറി യൂസിഫ്, യൂസിഫ് ഖാമിസ്; ഗ്രേഡ് 5 – അലി റെദ, ലുൽവ മുബാറക് അൽ-സുലൈത്തി, സഹ്‌റ അബ്ദുൽമഹ്ദി, സൈനബ് അബ്ദുൽഷഹീദ്; ഗ്രേഡ് 6 – വാദ് അബ്ദുൽ അസീസ്, മുഹമ്മദ് രാജെ, യാസ്മിൻ അഹമ്മദ്, ഫാത്തിമ അമ്മാർ; ഗ്രേഡ് 7 – അമ്മർ ഹുസൈൻ, മുഹമ്മദ് ഖാസിം, ഹസ്സൻ സാദിഖ്; ഗ്രേഡ് 8 – അലി മുഹമ്മദ്, ഫഹദ് ഹമ്മൂദ്, ഹവ്‌റ അബ്ദുൽഷഹീദ്, സാറ ബാസിം; ഗ്രേഡ് 9 – ഹാദി മുഹമ്മദ്, സൈനബ് ഹുസൈൻ, സൈനബ് അലി; ഗ്രേഡ് 10 – ബനിൻ അബ്ദുല്ല ഫൈസൽ, അൽജവ്ഹറ രാജെ മുഹമ്മദ്, ലാമർ യൂസിഫ് ഖാലിദ്. അറബിക് ക്വിസ് വിഭാഗത്തിൽ മറിയം ഫത്തി,സയ്യിദ് അലി ഹമീദ് ,സാറാ ബാസെം ,അബ്ബാസ് അഹമ്മദ് ,നൂറ,ഫജർ സലാ , സൈനബ് മുഹമ്മദ് , അബ്ബാസ് യൂസഫ് , മുഹമ്മദ് രജാഹ് ,നവാൽ അലി എന്നിവർ വിജയികളായി.
സ്കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി.രാജപാണ്ഡ്യൻ, അസി. സെക്രട്ടറിയും അക്കാദമിക് അംഗവുമായ രഞ്ജിനി മോഹൻ, പ്രിൻസിപ്പൽ വി.ആർ പളനിസ്വാമി, സീനിയർ സ്കൂൾ അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി.സതീഷ്, വകുപ്പ് മേധാവി സഫ അബ്ദുല്ല എന്നിവർ ജേതാക്കളെ അഭിനന്ദിച്ചു.
