ഡെമോക്രറ്റുകളുടെ പ്രസിഡന്റ് സ്ഥാനാർഥിയായ ജോ ബൈഡനെ തീർത്തും അവഗണിച്ചുകൊണ്ട് കമലാ ഹാരിസിനെ അങ്ങേയറ്റം ലിബറലായി ചിത്രികരിച്ചുകൊണ്ടു ട്രംപ് തിരഞ്ഞെടുപ്പു പ്രചാരണം ശക്തിപ്പെടുത്തുന്നു.
തനി നാടൻ ഭാഷയിൽ പറഞ്ഞാൽ കമല ഹാരിസിനു ഇനി ട്രംപിൽ നിന്നും പൊടി പൂരമായിരിക്കും.
പ്രസിഡന്റ് ഡൊണാൾഡ് ട്രംപ് തന്റെ എതിരാളികളെ പരിഹസിക്കുന്നതിലും തന്നെ എതിർക്കുന്നവരിൽ ശത്രുത വളർത്തുന്നതിലും വളരെ മികവ് പുലർത്തുന്നയാളാണ് – പണ്ട് ബ്രിട്ടീഷുകാർ ഇന്ത്യക്കെതിരെ പരീക്ഷിച്ചു വിജയിച്ച ഒരു തന്ത്രം “ഡിവൈഡ് ആൻഡ് റൂൾ” അഥവാ വിഭജിച്ചു ഭരിക്കുക എന്നതായിരുന്നുവല്ലോ. അതുതന്നെയാണ് ട്രംപ് തന്നെ ആവനാഴിയിൽ നിന്നും പൊടിതട്ടിയെടുത്ത് വീണ്ടും പ്രയോഗിക്കാൻ പോകുന്ന അടുത്ത തന്ത്രം. ഡെമോക്രാറ്റിക് പ്രസിഡന്റ് നോമിനി ജോ ബൈഡനെ തീർത്തും അവഗണിച്ചുകൊണ്ട് കമലാ ഹാരിസിനെ കടന്നാക്രമിച്ചു അവർ തമ്മിൽ വിഭജനം സൃഷ്ടിക്കാനുള്ള വഴികളിൽ അവർ ഗവേഷണം നടത്തിവരുന്നു.
ബൈഡൻ തിരിച്ചു പിടിക്കും എന്ന് പ്രതീക്ഷിക്കുന്ന തൊഴിലാളിവർഗ്ഗ വോട്ടുകൾ പലതിലും ഹാരിസിന്റെ നിലപാടുകൾ ഒരു ഗുരുതര ഭീഷണിയായി അവതരിപ്പിക്കാനുള്ള പലതരത്തിലുള്ള വഴികൾ ട്രംപ് ആസൂത്രണം ചെയ്തു കൊണ്ടിരിക്കുന്നു. അതിനായി ഡെമോക്രാറ്റിക് പ്രൈമറിയിലെ ഹാരിസിന്റെ പല പ്രസംഗങ്ങളും സംവാദങ്ങളും അവർ ചികഞ്ഞു തപ്പുകയാണ്. ഇതിലൂടെ രണ്ടു പേരെയും പ്രതിരോധത്തിലാക്കാം എന്നാണ് പ്രതീക്ഷ. അതുകൊണ്ടുതന്നെ ബിഡൻ-സ്റ്റൈൽ സെൻട്രിസത്തെ മറികടന്ന് ഹാരിസിനെ തീവ്ര ഇടതുപക്ഷത്തിന്റെ ചാമ്പ്യനാക്കാനുള്ള വഴികൾ അവർ പരിഗണിക്കുന്നു.
“കമല ഹാരിസ് ഒരു തീവ്ര ഡെമോക്രറ്റായി സ്വയം നിർവചിച്ച ഒരു കാലിഫോർണിയ ലിബറലാണ്, ഗ്രീൻ ന്യൂ ഡീൽ, സോഷ്യലൈസ്ഡ് മെഡിസിൻ, ഫ്രെക്കിംഗ് നിരോധനം, നികുതി വർധന, നികുതിദായകരുടെ ധനസഹായത്തോടെയുള്ള ഗർഭച്ഛിദ്രം എന്നിവയ്ക്കുള്ള പിന്തുണ അവർ നൽകുന്നു.” ട്രംപ് ക്യാംപെയ്ൻ ഡെപ്യൂട്ടി നാഷണൽ പ്രസ് സെക്രട്ടറി കോർട്ട്നി പരെല്ല പറഞ്ഞു.
ഹാരിസിനെതിരെയുള്ള നിരവധിയായുള്ള ആക്രമണങ്ങളിൽ ചിലത് നുണ പ്രചാരണമായോ അതിശയോക്തിപരമോ ആണെന്ന് പറഞ്ഞു തള്ളിക്കളഞ്ഞാലും. ഹാരിസിനെ ഒരു സോഷ്യലിസ്റ്റ് അനുഭാവിയും പുരോഗമന വിഷയത്തിൽ വിട്ടുവീഴ്ചയ്ക്കു തയ്യാറല്ലാത്ത രാഷ്ട്രീയക്കാരിയായി അവതരിപ്പിക്കാനുള്ള നീക്കം അണിയറയിൽ പുരോഗമിക്കുന്നു.
“ജോ ബൈഡൻ ഒരു സോഷ്യലിസ്റ്റ് ആയതിനാൽ നിങ്ങൾ അദ്ദേഹത്തെ തിരഞ്ഞെടുക്കുമ്പോൾ ഭയക്കണം എന്ന് ഈ സമ്മർ മുഴുവൻ പറഞ്ഞിട്ട് ഇപ്പോൾ പെട്ടന്ന് ഹരിസാണ് യഥാർത്ഥ സോഷ്യലിസ്റ് എന്ന് പറയാൻ കഴിയില്ല. ബൈഡൻ ജയിച്ചാൽ ഹരിസായിരിക്കും ഭരണച്ചുമതല.” മുൻ ട്രംപ് പ്രചാരണ ഉദ്യോഗസ്ഥൻ പറഞ്ഞു. “2008 ൽ ബൈഡൻ, സാറാ പാലിനുമായി സംവാദം ചെയ്തപ്പോൾ, ബൈഡൻ വിജയിച്ചതിനു പ്രധാന കാരണം പാലിനോട് വളരെ മാന്യമായി പെരുമാറാൻ അദ്ദേഹം വളരെ ശ്രദ്ധിച്ചിരുന്നു എന്നതാണ്. അതെ സമയം ജോൺ മക്കെയ്നെ ശക്തമായി ആക്രമിക്കുകയും ചെയ്തിരുന്നു.” അദ്ദേഹം കൂട്ടിച്ചേർത്തു.
https://chat.whatsapp.com/JEf6khP6xtT2Jx5H2JdHw8 (FOR US & EUROPE NEWS)
“വൈകി നടത്തുന്ന അബോർഷനാണ് കമലയെ സംബന്ധിച്ചിടത്തോളം ഒരു ദുർബലത, കാരണം കമലയുടെ തട്ടകത്തിലെ ലിബറൽ സ്ത്രീകളെ ഇപ്പോൾ പിണക്കാൻ പറ്റില്ല.,” “ഈ വിഷയങ്ങളിൽ ബിഡന്റെ വിവേചനാധികാരം സ്വീകരിക്കാൻ പോലും ഒരു പക്ഷെ ഹാരിസ് പ്രത്യക്ഷപ്പെട്ടാൽ, ആസൂത്രിതമായി അതിൽ നിന്ന് ഒഴിവാക്കാനായിരിക്കും അവർ ശ്രമിക്കുക.” ട്രംപ് പ്രചാരണത്തിന്റെ മറ്റൊരു ഉപദേഷ്ടാവ് പറഞ്ഞു. ഹാരിസും ബൈഡനും തമ്മിൽ ഉള്ള മറ്റൊരു അഭിപ്രായവ്യത്യാസം മെഡികെയറിലാണ്. എല്ലാവര്ക്കും മെഡിക്കൽ സുരക്ഷാ നൽകുന്നതിന് സ്വകാര്യ കമ്പനികളിൽ നിന്ന് മെഡികെയർ പ്ലാനുകൾ വാങ്ങുന്നതിനുള്ള ഒരു ഓപ്ഷനു വേണ്ടി കമല 2020ന്റെ തുടക്കത്തിൽ വാദിച്ചിരുന്നു. എന്നാൽ ബൈഡൻ അഫൊർഡബിൾ കെയർ ആക്ട് വിപുലീകരിക്കുന്നതിനാണ് ശ്രദ്ധ ചെലുത്തുന്നത്. കാലിഫോർണിയ അറ്റോർണി ജനറലായ ഹാരിസിന്റെ റെക്കാർഡിൽ പാരിസ്ഥിതിക ലംഘനമെന്ന് ആരോപിക്കപ്പെടുന്ന, എണ്ണക്കമ്പനികൾക്കെതിരായ നിരവധി കേസുകൾ ഉൾപ്പെടുന്നു. ഈ വിഷയത്തിലും ബൈഡനുമായി ഹാരിസിന് അഭിപ്രായ വ്യത്യാസമുണ്ട്.
ഒരേ ടിക്കറ്റിൽ വ്യത്യസ്ത നയ കാഴ്ചപ്പാടുകളുള്ള രണ്ട് കാൻഡിഡേറ്റുകൾ ഉണ്ടാകുന്നത് അസാധാരണമല്ല. 2016 ൽ വൈസ് പ്രസിഡന്റ് മൈക്ക് പെൻസ് GOP ടിക്കറ്റിൽ ഒപ്പിട്ടപ്പോൾ, ട്രംപ് ഒരിക്കൽ “ബലാത്സംഗ” മായി താരതമ്യപ്പെടുത്തിയ ട്രാൻസ്-പസഫിക് പങ്കാളിത്തം ഉൾപ്പെടെയുള്ള സ്വതന്ത്ര വ്യാപാര ഇടപാടുകളെ പിന്തുണയ്ക്കുന്നതിന്റെ ഒരു നീണ്ട രേഖ അദ്ദേഹം കൊണ്ടുവന്നു. അധികാരത്തിൽ എത്തിയപ്പോൾ ട്രംപ് നടപ്പാക്കിയ നിർദ്ദിഷ്ട മുസ്ലീം നിരോധനം,ഒരിക്കൽ കുറ്റകരമായതും ഭരണഘടനാവിരുദ്ധവുമാണ് പെൻസ് വിശേഷിപ്പിച്ചത്. എന്നാൽ ഓഗസ്റ്റിൽ ബിഡൻ ഹാരിസിനെ റണ്ണിങ് മേറ്റ് ആയി പ്രഖ്യാപിച്ചതിനു ശേഷം ഇതുവരെ ഹാരിസ് പാർട്ടിക്ക് ഒരു മുതൽക്കൂട്ട് തന്നെയാണ്. ഹാരിസിന്റെ സാനിധ്യം മൂലം റെക്കാർഡ് ധനസമാഹരണമാണ് ബൈഡൻ പ്രചാരണം നേടിയത്. 364.5 മില്യൺ ഡോളർ.
(ന്യൂസ് റിപ്പോർട്ട് : അജു വാരിക്കാട്, ഹൂസ്റ്റൺ)