കരിപ്പൂർ: കരിപ്പൂർ വിമാനാപകടത്തിൽ ഒരു പൈലറ്റും രണ്ടു യാത്രക്കാരും മരിച്ചു. സഹ പൈലറ്റിന് ഗുരുതരമായ പരിക്കേറ്റിട്ടുണ്ട്. വിമാനത്തിലുള്ള എല്ലാ യാത്രക്കാർക്കും പരിക്കേറ്റു എന്നാണ് വിവരം. വിമാനത്തിൽ ജീവനക്കാരുൾപ്പെടെ 191 പേരാണ് ഉണ്ടായിരുന്നത്. 10 കുട്ടികളും ഇവരിൽ ഉൾപ്പെടുന്നു.
ലാൻഡിങ്ങിനിടെ റൺവേയിൽ നിന്ന് തെന്നിമാറുകയായിരുന്നു. റൺവേയിൽ നിന്ന് തെന്നിമാറിയ വിമാനം 30 അടി താഴ്ചയിലേക്ക് വീഴുകയായിരുന്നു. വിമാനത്താവളത്തിലെ മതിലിൽ ഇടിച്ചു വിമാനത്തിന്റെ ചിറകുകൾ തകർന്നു. കോക് പിറ്റ് മുതൽ ആദ്യത്തെ വാതിൽ വരെയുള്ള ഭാഗങ്ങളാണ് തകർന്നത്. രക്ഷാപ്രവർത്തനങ്ങൾ തുടരുകയാണ്.