കണ്ണൂര്: ദക്ഷിണറെയില്വേയിലെ തീവണ്ടി യാത്രയ്ക്കിടെ സ്ത്രീകള് നേരിട്ട ലൈംഗികാതിക്രമക്കേസുകളില് 83.4 ശതമാനവും കേരളത്തില്. 2020 മുതല് 2023 ഓഗസ്റ്റുവരെ ദക്ഷിണ റെയില്വേയുടെ പരിധിയില് രജിസ്റ്റര് ചെയ്ത 313 ഇത്തരം കേസുകളില് 261-ഉം കേരളത്തിലാണ്. തമിഴ്നാട്, കേരളം, പുതുച്ചേരി എന്നിവിടങ്ങളും ആന്ധ്രാപ്രദേശിന്റെയും കര്ണാടകത്തിന്റെയും ചില ഭാഗങ്ങളും ഉള്പ്പെടുന്നതാണ് ദക്ഷിണറെയില്വേയുടെ പരിധി. തീവണ്ടിക്കുള്ളിലും റെയില്വേസ്റ്റേഷനിലും നടന്ന സംഭവങ്ങള് കേസില് ഉള്പ്പെടും.
