മനാമ: കെഎംസിസി ബഹ്റൈൻ മലപ്പുറം ജില്ലാ കമ്മിറ്റിയും വനിതാ വിങ്ങും സംയുക്തമായി അൽ റബീഹ് മെഡിക്കൽ സെൻററുമായി സഹകരിച്ചുകൊണ്ട് മെഗാ മെഡിക്കൽ ക്യാമ്പ് സംഘടിപ്പിച്ചു.
പ്രവാസ ലോകത്തെ തിരക്കുപിടിച്ച ജീവിതത്തിനിടയിൽ സ്വന്തം ശരീരത്തെക്കുറിച്ച് ബോധവാന്മാരാവാതെ ക്ഷണിച്ചു വരുത്തുന്ന രോഗങ്ങളെ കൊണ്ട് ബുദ്ധിമുട്ടുന്നവരാണ് പല പ്രവാസികളും. പ്രവാസ ജീവിതശൈലിയും, രോഗങ്ങളെ കുറിച്ചുള്ള ബോധവൽക്കരണവും
നൽകുന്നതിൻ്റെ ഭാഗമായി ജില്ലാ കമ്മിറ്റിയുടെ പ്രവർത്തന പദ്ധതികളുടെ ഭാഗമായാണ്
ജില്ലാ കമ്മിറ്റി മെഡിക്കൽ ക്യാമ്പ് സംഘടിപ്പിച്ചത്.
കെഎംസിസി സംസ്ഥാന ജനറൽ സെക്രട്ടറി അസൈനാർ സാഹിബ് കളത്തിങ്ങൽ ഔദ്യോഗികമായി ചടങ്ങ് ഉദ്ഘാടനം ചെയ്തു. കെഎംസിസി സംസ്ഥാന ഭാരവാഹികളായ കെ.പി. മുസ്തഫ, ഗഫൂർ കൈപ്പമംഗലം, ഷംസുദ്ദിൻ വെള്ളിക്കുളങ്ങര, നിസാർ ഉസ്മാൻ, സൽമ നിസാർ, മറ്റു ജില്ലാ ഏരിയ കമ്മിറ്റി ഭാരവാഹികൾ തുടങ്ങിയവർ പങ്കെടുത്തു. നിരവധി പ്രവാസി കൾക്ക് ഉപയോഗപ്രദമായ ക്യാമ്പിൽ ഗൈനോക്കോളജി, ഒഫ്താൽമോളജി, പീഡിയാട്രിക്, ഫിസിയോതെറാപ്പി തുടങ്ങിയ സ്പെഷ്യലിസ്റ്റ് ഡോക്ടർമാരുടെ സേവനങ്ങൾ ലഭ്യമായി.
ജില്ലാ കമ്മിറ്റിയുടെ പ്രവർത്തനങ്ങൾക്ക് എല്ലാവിധ സഹായസഹകരണങ്ങളും നൽകിവരുന്ന അൽ റബീഹ് മെഡിക്കൽ സെന്ററിനുള്ള ഉപഹാരം ഭാരവാഹികൾ മാനേജ്മെന്റിന് കൈമാറി. ക്യാമ്പിൽ പങ്കെടുത്ത 250 പരം ആളുകൾക്ക് അൽ റബീഹ് പ്രിവിലേജ് കാർഡ് ജനറൽ മാനേജർ ഷഫീൽ നൽകി. മാനേജ്മെന്റ് ഭാഗത്ത് നിന്നും ഹസൽ ഫർഹാൻ (ബിസിസിന് ടെവേലോപ്മെന്റ്റ് ഓഫീസർ ) ലബീബ് ( അസിസ്റ്റന്റ് മാനേജർ) ഷൈജാസ് അഹമ്മദ് ( മാർക്കറ്റിംഗ് മാനേജർ ) സഹൽ (പേഷ്യന്റ് കെയർ ഹെഡ്) എന്നിവർ പങ്കെടുത്തു.
ക്യാമ്പിന് ജില്ലാ പ്രസിഡൻറ് അബ്ദുൽ ഗഫൂർ അഞ്ചുച്ചവിടി അധ്യക്ഷത വഹിച്ചു, ജനറൽ സെക്രട്ടറി ഉമ്മർ കൂട്ടിലങ്ങാടി സ്വാഗതവും വനിതാ വിങ് പ്രസിഡന്റ് മർഷിദ നൗഷാദ് നന്ദിയും പ്രകാശിപ്പിച്ചു.
ജില്ലാ ഓർഗനൈസിങ് സെക്രട്ടറി റിയാസ് ഒമാനൂർ, മറ്റു ഭാരവാഹികളായ ഷാഫി കോട്ടക്കൽ, അലി അക്ബർ കീഴുപറമ്പ്, വി കെ റിയാസ് പുളിക്കൽ, മുഹമ്മദ് മഹ്റൂഫ്, നൗഷാദ് മുനീർ, ഷഹീൻ താനാളൂർ, മൊയ്തീൻ മീനാർകുഴി, മുജീബ് ആഡ്വെൽ, അനീസ് ബാബു, ഷെഫീഖ് പാലപ്പെട്ടി എന്നിവരും വനിതാ വിങ് ട്രഷറർ ജസീറ അലി, ഓർഗനൈസിങ് സെക്രട്ടറി തസ്നി റിയാസ്, സഹഭാരവഹികളായ അസ്മാബി സൈതലവി, തുഫൈല ഇബ്രാഹിം, ഷമീമ സൈനുൽ ആബിദ്, റഫ്സീന അമീർ, ഷംന ഷഹീൻ, സമീറ സിദ്ദിഖ്, റീമ അഷ്റഫ്, തുടങ്ങിയവർ ചേർന്ന് ക്യാമ്പിന് നേതൃത്വം നൽകി.