മനാമ: അനധികൃതമായി ജോലി ചെയ്യുന്നവർക്കെതിരെ നടപടി എടുക്കാൻ എൽ.എം.ആർ.എ ശക്തമായ പരിശോധന ക്യാമ്പയ്‌നുകളാണ് രാജ്യമെങ്ങും നടത്തിവരുന്നത്. ലേബർ മാർക്കറ്റ് റെഗുലേറ്ററി അതോറിറ്റി (എൽഎംആർഎ) സതേൺ ഗവർണറേറ്റിൽ നിരവധി കടകളിലും വർക്ക് സൈറ്റുകളിലും രണ്ട് സംയുക്ത പരിശോധന കാമ്പെയ്‌നുകൾ നടത്തി. തൊഴിൽ വിപണിയുമായും താമസ നിയമങ്ങളുമായും ബന്ധപ്പെട്ട് നിരവധി ലംഘനങ്ങൾ പരിശോധനയിൽ കണ്ടെത്തി. ഇവർക്കെതിരെ നിയമനടപടി സ്വീകരിക്കുന്നതിന് ബന്ധപ്പെട്ട അധികൃതർക്ക് കൈമാറിയിരിക്കുകയാണ്. നാഷണൽ, പാസ്‌പോർട്ട് ആൻഡ് റസിഡൻസ് അഫയേഴ്സ് (എൻപിആർഎ),ആഭ്യന്തര മന്ത്രാലയത്തിലെ ജനറൽ ഡയറക്ടറേറ്റ് ഓഫ് ക്രിമിനൽ ഇൻവെസ്റ്റിഗേഷൻ ആൻഡ് ഫോറൻസിക് സയൻസ്, ഗവർണറേറ്റുകളുമായി ബന്ധപ്പെട്ട പോലീസ് ഡയറക്ടറേറ്റുകൾ എന്നിവയുടെ ഏകോപനത്തോടെയാണ് പരിശോധനാ കാമ്പയിൻ നടത്തിയത്.