മനാമ: വേൾഡ് മലയാളി ഫെഡറേഷൻ ബഹ്റൈൻ നാഷണൽ കൌൺസിൽ വനിതാ ഫോറത്തിന്റെ നേതൃത്വത്തിൽ ലോക വനിതാ ദിനം ആഘോഷിച്ചു. സൽമാനിയ സെഗയ റെസ്റ്റോറന്റ് ഹാളിൽ വച്ച് നടന്ന പരിപാടിയിൽ ഡബ്ള്യു.എം.എഫ് (WMF) ബഹ്റൈൻ പ്രസിഡന്റ് കോശി സാമുവേൽ അധ്യക്ഷത വഹിച്ചു. ബഹ്റൈനിലെ സാമൂഹ്യ സാംസ്കാരിക രംഗത്തുള്ള പ്രമുഖ വനിതകൾ അതിഥികളായി പങ്കെടുത്തു. ബഹ്റൈനിലെ പ്രമുഖ സാമൂഹിക പ്രവർത്തക ഫാത്തിമ അൽ മൻസൂരി ഉദ്ഘാടനം നിർവഹിച്ച ചടങ്ങിൽ ബഹറിനിൽ ആരോഗ്യ രംഗത്തും സാംസ്കാരിക മേഖലകളിലും സേവനം ചെയ്തു വരുന്ന അഞ്ച് വനിതകളെ ആദരിക്കുകയും, നിരാലംബരായ രണ്ടു പ്രവാസി വനിതകൾക്ക് ധനസഹായം നൽകുകയും ചെയ്തു.
ഡബ്ള്യു.എം.എഫ് ബഹ്റൈൻ കോർഡിനേറ്റർ മുഹമ്മദ് സാലി സ്വാഗത പ്രസംഗവും, ഡബ്ള്യു.എം.എഫ് പ്രസിഡന്റ് കോശി സാമുവേൽ അധ്യക്ഷ പ്രസംഗവും നടത്തി. ഡബ്ള്യു.എം.എഫ് ബഹ്റൈൻ വനിതാ വിഭാഗം ഹെഡ് മിനി മാത്യു, സെക്രട്ടറി പ്രതിഷ് തോമസ്, ട്രെഷറർ അലിൻ ജോഷി, ജോയിന്റ് സെക്രട്ടറി സുമേഷ് മാത്തൂർ എന്നിവർ ആശസ പ്രസംഗം നിർവഹിച്ചു. ഡബ്ള്യു.എം.എഫ് വൈസ് പ്രസിഡന്റ് ഡോ. ഷബാന ഫൈസൽ ചടങ്ങിൽ പങ്കെടുത്ത എല്ലാവർക്കും നന്ദി അറിയിച്ചു. ഡബ്ള്യു.എം.എഫ് ഇവന്റ് കോർഡിനേറ്റർ ശ്രീജിത്ത് ഫറോക് പ്രോഗ്രാമുകൾക്ക് നേതൃത്വം നൽകി. ശീതൾ ജിയോ മാസ്റ്റർ ഓഫ് സെറിമണി ആയി പ്രവർത്തിച്ചു. വിവിധ കലാപരിപാടികളോടെ നിറഞ്ഞ സദസ്സിന് നല്ലൊരു അത്താഴ വിരുന്നോടെ പരിപാടി സമാപിച്ചു.