ഭക്ഷ്യസാധനങ്ങളുടെ മറവില്‍ ലഹരി വസ്തുക്കള്‍ കടത്തൽ രണ്ട് പേര്‍ പിടിയില്‍

മലപ്പുറം: ഭക്ഷ്യസാധനങ്ങളുടെ മറവില്‍ ലഹരി വസ്തുക്കള്‍ കടത്താന്‍ ശ്രമിച്ച പെരിന്തല്‍മണ്ണ കോഡൂര്‍ വടക്കേമണ്ണ കൊളക്കാടന്‍ മൊയ്തീന്‍, പെരിന്തല്‍മണ്ണ മുണ്ടക്കോട് പെരുവന്‍ കുഴിയില്‍ അബ്ദു എന്നിവരാണ് എക്‌സൈസിന്റെ പിടിയിലായത്.ആനമറി എക്സൈസ് ചെക്ക് പോസ്റ്റില്‍ നടത്തിയ പരിശോധനയിലാണ് ഇവര്‍ പിടിയിലായത്.മൈസൂരില്‍ നിന്നും നേന്ത്രക്കായ നിറച്ച വാഹനത്തില്‍ ജില്ലയിലേക്ക് കടത്തുകയായിരുന്ന ലഹരി വസ്തുക്കളാണ് പിടികൂടുയത്. ഇവ പതിനാല് ചാക്കുകളിലാക്കി ഒളിപ്പിച്ച് കടത്താനായിരുന്നു പദ്ധതി. ചാക്കുകൾക്കുള്ളിൽ 12,000 ചെറിയ പാക്കറ്റുകളാക്കിയാണ് ഇവ കടത്താന്‍ ശ്രമിച്ചത്.