സിഡ്നി: ഇന്ത്യൻ ടെന്നീസിന്റെ മുഖമായ സാനിയ മിർസ വിരമിക്കുന്നു. ഓസ്‌ട്രേലിയൻ ഓപ്പൻ വനിതാ ഡബിൾസ് ആദ്യ റൗണ്ടിൽ സാനിയ കഴിഞ്ഞ ദിവസം പരാജയപ്പെട്ടിരുന്നു. ഇതിനു പിന്നാലെയാണ് ആരാധകരെ ഞെട്ടിച്ചുകൊണ്ടുള്ള പ്രഖ്യാപനവുമായി സാനിയ രംഗത്തു വന്നത്. ഇത് തന്റെ കരിയറിലെ അവസാന സീസണാണ് എന്നാണ് സാനിയ പ്രഖ്യാപിച്ചത്.
വിംബിൾഡണിൽ കിരീടം നേടുന്ന ആദ്യ ഇന്ത്യക്കാരിയാണ് ഇതോടെ കളമൊഴിയുന്നത്.
കരിയറിൽ ആറ് ഗ്രാൻഡ്സ്ലാം കിരീടവും സാനിയ നേടിയിട്ടുണ്ട്. ഖേൽ രത്‌ന, അർജുന പുരസ്കാരങ്ങളാൽ രാജ്യവും സാനിയ മിർസ എന്ന പ്രതിഭയെ ആദരിച്ചിട്ടുണ്ട്. സാനിയ ടെന്നീസ് കോർട്ടിലെ തന്റെ ചടുലമായ നീക്കങ്ങൾ കൊണ്ട് ആരാധകരുടെയും ഇന്ത്യൻ കായിക പ്രേമികളുടെയും ശ്രദ്ധാകേന്ദ്രം ആവുകയായിരുന്നു. കളമൊഴിയുന്നത് ഇന്ത്യൻ ടെന്നീസിന്റെ തന്നെ ദിശ മാറ്റിയ മികവുറ്റ ഒരു പ്രതിഭയാണ്.
