കൊച്ചി: കോതമംഗലം മാമലക്കണ്ടത്ത് കാട്ടാനയും കുഞ്ഞും കിണറ്റില് വീണു. കുട്ടമ്പുഴ മാമലക്കണ്ടം എളമ്പ്ലാശ്ശേരിയില് ഇന്നു പുലര്ച്ചെയാണ് സംഭവം. സ്വകാര്യ വ്യക്തിയുടെ പറമ്പില് നനയ്ക്കുന്നതിനായി കുഴിച്ച കുഴിയിലാണ് ആനയും കുഞ്ഞും വീണത്. വെള്ളവും ചെളിയും നിറഞ്ഞ കുഴിയിലാണ് ആനയും കുഞ്ഞും അകപ്പെട്ടത്. നാട്ടുകാര് ഉടന് തന്നെ വിവരം വനം വകുപ്പിനെ അറിയിച്ചു. ജെസിബി ഉപയോഗിച്ച് വശം ഇടിച്ച് കാട്ടാനയെയും കുഞ്ഞിനെയും സുരക്ഷിതമായി രക്ഷപ്പെടുത്തി.
