മനാമ: ഇന്ത്യൻ കമ്മ്യൂണിറ്റി റിലീഫ് ഫണ്ട് (ICRF) 2021 സെപ്റ്റംബറിൽ ആരംഭിച്ച മെഗാ മെഡിക്കൽ ക്യാമ്പ് 2021-22 സമാപനമായി. ഇന്ത്യൻ സ്വാതന്ത്ര്യത്തിന്റെ 75 വർഷത്തെ സ്മരണയ്ക്കായി, ഐ.സി.ആർ.എഫ് വിവിധ ആശുപത്രികളുമായും മെഡിക്കൽ സെന്ററുകളുമായും സഹകരിച്ച് നിരവധി മെഡിക്കൽ ക്യാമ്പുകൾ സംഘടിപ്പിച്ചു.
2022 നവംബർ 24 വ്യാഴാഴ്ച അസ്കറിന് സമീപമുള്ള അൽ നമാൽ ഗ്രൂപ്പിന്റെ ലേബർ ക്യാമ്പിൽ വെച്ചായിരുന്നു സമാപന ചടങ്ങ്. ഏകദേശം 750 തൊഴിലാളികൾ മെഡിക്കൽ ചെക്കപ്പിന് വിധേയരാകുകയും ഡോക്ടറുടെ കൺസൾട്ടേഷനിൽ പങ്കെടുക്കുകയും ചെയ്തു.
ബഹ്‌റൈനിലെ ഇന്ത്യൻ അംബാസഡർ പീയൂഷ് ശ്രീവാസ്തവ ചടങ്ങിന്റെ മുഖ്യാതിഥിയായിരുന്നു. എൽ‌എം‌ആർ‌എയിലെ റിസോഴ്‌സ് ആൻഡ് സർവീസ് സെക്ടർ ഡെപ്യൂട്ടി സിഇഒ മിസ്റ്റർ അഷ്‌റഫ് ഇമാം, ഇന്ത്യൻ എംബസി സെക്കൻഡ് സെക്രട്ടറി രവി ശങ്കർ ശുക്ല , വികെഎൽ ഹോൾഡിംഗ്സ് & അൽ നമൽ ഗ്രൂപ്പ് ചെയർമാൻ വർഗീസ് കുര്യൻ , മിഡിൽ ഈസ്റ്റ് ഹോസ്പിറ്റൽ / വികെഎൽ ഹോൾഡിംഗ്സ് & അൽ നമാൽ ഗ്രൂപ്പ് ഡയറക്ടർ ജീബെൻ വർഗീസ്, വികെഎൽ ഹോൾഡിംഗ്സ് ഡയറക്ടർ വിശാഖ് വർഗീസ് , ക്യുഇഎൽ – ബികെഎൽ ഹോൾഡിംഗ് ചെയർമാൻ കെ ജി ബാബുരാജൻ , ഡോ രമ്യ ബാബുരാജ്, ഐസിആർഎഫ് ചെയർമാൻ ഡോ ബാബു രാമചന്ദ്രൻ, വൈസ് ചെയർമാൻ അഡ്വ വി കെ തോമസ്, ജനറൽ സെക്രട്ടറി പങ്കജ് നല്ലൂർ, ജോയിന്റ് സെക്രട്ടറിമാരായ അനീഷ് ശ്രീധരൻ, നിഷ രംഗരാജൻ, മെഗാ മെഡിക്കൽ ക്യാമ്പ്. ജനറൽ കോർഡിനേറ്റർ മുരളീകൃഷ്ണൻ, മിഡിൽ ഈസ്റ്റ് ഹോസ്പിറ്റൽ ഗ്രൂപ്പ് ബിസിനസ് ഡെവലപ്മെന്റ് മാനേജർ പ്രസാദ്, മെഗാ മെഡിക്കൽ ക്യാമ്പ് നിലവിലെ മാസത്തെ കോ-ഓർഡിനേറ്റർ ചെമ്പൻ ജലാൽ എന്നിവർ ചടങ്ങിൽ പങ്കെടുത്തു.
ഒരു വർഷത്തിലധികം നീണ്ട പരിപാടിയുടെ ഭാഗമായി വിവിധ ലേബർ ക്യാമ്പുകളിൽനിന്നുള്ള 2500ഓളം തൊഴിലാളികൾക്ക് വൈദ്യപരിശോധന നടത്തിയതായി ഐ.സി.ആർ.എഫ് ചെയർമാൻ ഡോ. ബാബു രാമചന്ദ്രൻ പറഞ്ഞു.പ്രോഗ്രാമിന്റെ ഭാഗമായി പ്രധാന സ്പോൺസർ അൽ നമാൽ ഗ്രൂപ്പ്/വികെഎൽ ഗ്രൂപ്പ്, വാർഷിക സ്പോൺസർ എൽ എം ആർ എ, കോ-സ്പോൺസർ ബികെജി ഹോൾഡിംഗ് – ക്യുഇഎൽ എന്നിവരെ ആദരിച്ചു.
അൽ നമാൽ ഗ്രൂപ്പ്/വികെഎൽ ഗ്രൂപ്പ്, മിഡിൽ ഈസ്റ്റ് ഹോസ്പിറ്റൽ വഴി മെഡിക്കൽ ചെക്കപ്പുകൾക്ക് സഹായം നൽകുകയും പങ്കെടുത്ത എല്ലാ തൊഴിലാളികൾക്കും ഭക്ഷണ പാക്കറ്റുകൾ നൽകുകയും ചെയ്‌തിരുന്നു. കൂടാതെ എല്ലാ തൊഴിലാളികൾക്കും കോവിഡ് ബോധവൽക്കരണ പ്രചാരണ സാമഗ്രികൾ ( ഫേസ് മാസ്കുകൾ, ആൻറി ബാക്ടീരിയൽ സോപ്പുകൾ മുതലായവ) നൽകിയത് വാർഷിക സ്പോൺസർ ആയ എൽ.എം.ആർ.എ ആയിരുന്നു. ഐ.സി.ആർ.എഫ് കഴിഞ്ഞ കുറേ വർഷങ്ങളായി എൽ.എം.ആർ.എ ടീമുമായി വളരെ അടുത്ത് പ്രവർത്തിക്കുന്നു.
മിഡിൽ ഈസ്റ്റ് ഹോസ്പിറ്റൽ, അൽ ഹിലാൽ ഹോസ്പിറ്റൽ, കിംസ് ഹെൽത്ത്, ഷിഫ അൽ ജസീറ, ദാർ അൽ ഷിഫ മെഡിക്കൽ സെന്റർ, ആസ്റ്റർ മെഡിക്കൽ സെന്റർ അമേരിക്കൻ മിഷൻ ഹോസ്പിറ്റൽ, അൽ അമാൽ ഹോസ്പിറ്റൽ തുടങ്ങിയ മെഗാ മെഡിക്കൽ ക്യാമ്പ് 2021-22 നെ പിന്തുണച്ച എല്ലാവരെയും ചടങ്ങിൽ ആദരിച്ചു.
ഐസിആർഎഫ് അംഗങ്ങളായ ജോൺ ഫിലിപ്പ്, സുബൈർ കണ്ണൂർ, സുരേഷ് ബാബു, സുനിൽ കുമാർ, സ്പന്ദന കിഷോർ, ഫ്ലോറിൻ മത്യാസ്, മുരളി നോമുല, ക്ലിഫോർഡ് കൊറിയ, പവിത്രൻ നീലേശ്വരം, ഹേമലത സിംഗ്, ദീപ്ഷിക സരോഗി, രാജീവൻ, ശിവകുമാർ, ജവാദ് പാഷ, ഷാഹിദ് ജലാൽ, സുബാസ് ചന്ദ്രനാൻ ക്ലിഫോർഡ്, സയ്യിദ് ഹനീഫ്, ഹരി, നൗഷാദ്, സുനിൽ പാഷാര എന്നിവർ പരിപാടിയിൽ പങ്കെടുത്തു . പരിപാടിയുടെ ഭാഗമായി എല്ലാ തൊഴിലാളികൾക്കും ഡിന്നർ പാക്കറ്റുകളും സമ്മാന ഹാമ്പറുകളും നൽകി.
