മനാമ: ഫ്രൻഡ്‌സ് സോഷ്യൽ അസോസിയേഷൻ വനിതാ വിഭാഗം സിഞ്ചിലെ ഫ്രൻഡ്‌സ് സെന്ററിൽ സൗഹൃദ സംഗമം സംഘടിപ്പിച്ചു. അസോസിയേഷൻ ജനറൽ സെക്രട്ടറി ശൈമില നൗഫൽ സൗഹൃദ സന്ദേശം നൽകി.

വ്യത്യസ്ത സാമൂഹിക വിഭാഗങ്ങളിൽപ്പെട്ടവർ ഒന്നിച്ചിരുന്ന് സന്തോഷവും സ്നേഹവും പങ്കുവെക്കുകയും സഹവർത്തിത്വം ശക്തിപ്പെടുത്തുകയും ചെയ്യേണ്ടത് ഇന്നത്തെ സാഹചര്യത്തിൽ അനിവാര്യമാണെന്ന് ശൈമില നൗഫൽ പറഞ്ഞു. ഒറ്റയ്ക്കു നിൽക്കുമ്പോഴല്ല, ഒന്നിച്ചു നിൽക്കുമ്പോഴാണ് എല്ലാവരും ശക്തരാകുന്നതെന്നും അവർ കൂട്ടിച്ചേർത്തു.

വനിതാ വിഭാഗം പ്രസിഡന്റ് ഷബീഹ ഫൈസൽ അധ്യക്ഷത വഹിച്ചു. എഴുത്തുകാരിയും സാമൂഹിക പ്രവർത്തകയുമായ ഹേമ വിശ്വം, അഭിഭാഷകയും ഗായികയുമായ അഡ്വ. ഇന്ദു, ഏഷ്യ ബഹ്‌റൈൻ പ്രതിനിധിയും മാധ്യമപ്രവർത്തകയുമായ ശുഭ പ്രേം, എഴുത്തുകാരി ഉമ്മു അമ്മാർ എന്നിവർ ആശംസകൾ നേർന്നു. സ്ത്രീകൾക്കിടയിലെ ഇത്തരം കൂട്ടായ്മകൾ മാനസിക സമ്മർദം കുറയ്ക്കാൻ സഹായകമാണെന്ന് അവർ അഭിപ്രായപ്പെട്ടു.

ജമീല അബ്ദുറഹ്മാൻ, മെഹ്റ മൊയ്തീൻ, റഷീദ ബദർ, സക്കിയ ആൻഡ് ടീം എന്നിവർ വിവിധ പരിപാടികൾ അവതരിപ്പിച്ചു. ഹേബ നജീബിന്റെ പ്രാർഥനയോടെ ആരംഭിച്ച സംഗമത്തിന് മുഹറഖ് ഏരിയ ഓർഗനൈസർ സുബൈദ മുഹമ്മദലി നന്ദി പറഞ്ഞു. മനാമ ഏരിയ സെക്രട്ടറി ഷഹീന നൗമൽ പരിപാടി നിയന്ത്രിച്ചു. നദീറ ഷാജി, ലുലു അബ്ദുൽ ഹഖ്, ഷാനി സക്കീർ എന്നിവർ നേതൃത്വം നൽകി.

The post ഫ്രൻഡ്‌സ് സോഷ്യൽ അസോസിയേഷൻ വനിതാ വിഭാഗത്തിൻറെ സൗഹൃദ സംഗമം appeared first on Starvision News Malayalam.

ആങ്കർ നിക്ഷേപകരുടെ അന്തിമ പട്ടിക ഇതുവരെ തീരുമാനിച്ചിട്ടില്ല. ഐപിഒ നടപടികൾ പുരോഗമിക്കുകയാണെന്നും വരും ദിവസങ്ങളിൽ നിക്ഷേപകരുടെ പങ്കാളിത്തവും ഓഹരി വിഹിതവും സംബന്ധിച്ച് തീരുമാനമുണ്ടാകുമെന്നുമാണ് റിപ്പോർട്ടിൽ പറയുന്നത്.

ഐപിഒയിലൂടെ ജിയോ പ്ലാറ്റ്‌ഫോംസ് 10.3 ലക്ഷം കോടി രൂപയോളം, അതായത് ഏകദേശം 108 ബില്യൺ ഡോളർ വരെ, മൂല്യനിർണയമാണ് ലക്ഷ്യമിടുന്നത്. മുൻപ് കമ്പനിയുടെ മൂല്യം 170 ബില്യൺ ഡോളർ വരെ എത്തുമെന്ന കണക്കുകൂട്ടലുകൾ പുറത്തുവന്നിരുന്നു. പുതിയ ലക്ഷ്യം അതിനേക്കാൾ താഴെയാണെങ്കിലും, ഐപിഒ വിജയിച്ചാൽ ഇന്ത്യയിലെ ഏറ്റവും വലിയ ഓഹരി വിൽപനയായി മാറിയേക്കും.

ജിയോ പ്ലാറ്റ്‌ഫോംസ് മാനേജിങ് ഡയറക്ടർ ആകാശ് അംബാനിയാണ് ഐപിഒ ഒരുക്കങ്ങൾക്കും നിക്ഷേപകരുമായുള്ള കൂടിക്കാഴ്ചകൾക്കും നേതൃത്വം നൽകുന്നത്. കഴിഞ്ഞ ആഴ്ചകളിൽ ഹോങ്കോങ്, ലണ്ടൻ, ന്യൂയോർക്ക് തുടങ്ങിയ പ്രധാന സാമ്പത്തിക കേന്ദ്രങ്ങളിൽ അദ്ദേഹം നിക്ഷേപകരുമായി ചർച്ചകൾ നടത്തിയതായി റിപ്പോർട്ടുണ്ട്. ലക്ഷ്യമിടുന്ന മൂല്യനിർണയവും ഡിജിറ്റൽ സേവനങ്ങളിൽ നിന്നുള്ള വരുമാനം വർധിപ്പിക്കാനുള്ള പദ്ധതികളും സംബന്ധിച്ച് നിക്ഷേപകർ ചോദ്യങ്ങൾ ഉന്നയിച്ചതായും റിപ്പോർട്ടുകൾ പറയുന്നു.

ടെലികോം സേവനങ്ങൾക്കൊപ്പം നിരവധി ഡിജിറ്റൽ ആപ്പുകളും പ്ലാറ്റ്‌ഫോമുകളും ഉൾപ്പെടുന്ന ജിയോയുടെ വിപുലമായ ഇക്കോസിസ്റ്റത്തെ സ്ഥിരമായ വരുമാന വളർച്ചയിലേക്കും ലാഭത്തിലേക്കും എങ്ങനെ മാറ്റാനാകുമെന്നതാണ് നിക്ഷേപകർ പ്രധാനമായി വിലയിരുത്തുന്നത്. അന്തിമ ഐപിഒ വലുപ്പം, മൂല്യനിർണയം, ആങ്കർ നിക്ഷേപകരുടെ പങ്കാളിത്തം എന്നിവയാകും ഇനി ശ്രദ്ധാകേന്ദ്രം.

The post ജിയോ ഐപിഒയ്ക്ക് 2,000 കോടി ഡോളറിലധികം ബിഡുകൾ; ആഗോള നിക്ഷേപകർ രംഗത്ത് appeared first on Starvision News Malayalam.

ഇന്ത്യൻ സ്കൂളിൽനിന്ന് അമ്പതോളം വിദ്യാർഥികളാണ് ടൂർണമെന്റിൽ പങ്കെടുത്തത്. പെൺകുട്ടികളുടെ വിഭാഗത്തിൽ അഞ്ച് ടീമുകളും ആൺകുട്ടികളുടെ വിഭാഗത്തിൽ ഒമ്പത് ടീമുകളും മത്സരിച്ചു. യുവതാരങ്ങൾക്ക് ഹോക്കിയിലെ കഴിവുകൾ പ്രകടിപ്പിക്കാനും മത്സരപരിചയം നേടാനും ടൂർണമെന്റ് അവസരമൊരുക്കി.

ആവേശവും അർപ്പണബോധവും ഒത്തിണക്കവും കായികമനോഭാവവും പ്രകടിപ്പിച്ച വിദ്യാർഥികളെ സ്കൂൾ അധികൃതർ അഭിനന്ദിച്ചു. നേട്ടം കൈവരിച്ച ഇരു ടീമുകൾക്കൊപ്പം ഹോക്കി പരിശീലകനും ഫിസിക്കൽ എഡ്യൂക്കേഷൻ വിഭാഗം മേധാവിയുമായ ശ്രീധർ ശിവയ്ക്കും അധികൃതർ അഭിനന്ദനം അറിയിച്ചു.

The post ഇന്റർ സ്കൂൾ ഹോക്കിയിൽ ഇന്ത്യൻ സ്കൂളിന് നേട്ടം; പെൺകുട്ടികളുടെ ടീമിന് മൂന്നാം സ്ഥാനം appeared first on Starvision News Malayalam.

പ്രതിപക്ഷത്തിനിടയിൽ സമാന്തര സമരങ്ങളില്ലെന്നും ജനാധിപത്യം പുനഃസ്ഥാപിക്കുകയെന്ന ഒരേയൊരു ലക്ഷ്യത്തിനായാണ് എല്ലാവരും ഒന്നിച്ചുനിൽക്കുന്നതെന്നും രാഹുൽ വ്യക്തമാക്കി. രാജ്യത്തെ ജനാധിപത്യവും തിരഞ്ഞെടുപ്പ് സംവിധാനവും തകർക്കപ്പെട്ടതായി ആരോപിച്ച അദ്ദേഹം, ഭരണഘടന സംരക്ഷിക്കാനുള്ള പോരാട്ടം തുടരുമെന്നും പറഞ്ഞു.

കഴിഞ്ഞ നാലുദിവസമായി ഇന്ത്യാ മുന്നണി സംഘടിപ്പിച്ച പരിപാടികളിലെ ജനപങ്കാളിത്തം സമരത്തിന്റെ വിജയമാണെന്ന് കോൺഗ്രസ് അധ്യക്ഷൻ മല്ലികാർജുൻ ഖാർഗെ പറഞ്ഞു. യുവാക്കളും സാധാരണക്കാരും സ്വന്തം മുൻകൈയിൽ പ്രതിഷേധങ്ങളിൽ പങ്കെടുക്കുന്നത് ശ്രദ്ധേയമാണ്. ജനങ്ങളുടെ പ്രശ്നങ്ങൾ ഗൗരവത്തോടെയും സമർപ്പണത്തോടെയുമാണ് പ്രതിപക്ഷ നേതാക്കൾ ഉന്നയിച്ചതെന്നും അദ്ദേഹം വ്യക്തമാക്കി.

മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ ആർജെഡി നേതാവ് തേജസ്വി യാദവ് രൂക്ഷവിമർശനം ഉന്നയിച്ചു. ജനാധിപത്യത്തെ തകർക്കാനുള്ള ശ്രമത്തിനു പിന്നിൽ ബിജെപിയുടെയും പ്രധാനമന്ത്രി നരേന്ദ്ര മോദിയുടെയും കേന്ദ്ര ആഭ്യന്തരമന്ത്രി അമിത് ഷായുടെയും ഗൂഢാലോചനയുണ്ടെന്നാണ് അദ്ദേഹത്തിന്റെ ആരോപണം. ജനാധിപത്യം സംരക്ഷിക്കാൻ ആവശ്യമായ ത്യാഗങ്ങൾ സഹിക്കാൻ പ്രതിപക്ഷം തയ്യാറാണെന്നും തേജസ്വി പറഞ്ഞു.

ഇഡി, സിബിഐ, ആദായനികുതി വകുപ്പ് തുടങ്ങിയ കേന്ദ്ര ഏജൻസികളെ നിയന്ത്രണത്തിലാക്കാൻ ശ്രമം നടക്കുന്നതായും അദ്ദേഹം ആരോപിച്ചു. തിരഞ്ഞെടുപ്പ് കമ്മീഷന്റെ പ്രവർത്തനങ്ങളെയും ഗ്യാനേഷ് കുമാറിന്റെ നിലപാടുകളെയും വിമർശിച്ച തേജസ്വി, ഉത്തരവാദികളായവർക്ക് നടപടികളിൽനിന്ന് രക്ഷപ്പെടാനാകില്ലെന്നും അഭിപ്രായപ്പെട്ടു.

ചരിത്രപ്രാധാന്യമുള്ള പ്രതിഷേധവേദിയായ ജന്തർ മന്തറിൽനിന്ന് സമരങ്ങളെ ഡൽഹിയുടെ അതിർത്തികളിലേക്ക് മാറ്റുന്നത് ഭരണാധികാരികളുടെ ഭയമാണ് വ്യക്തമാക്കുന്നതെന്ന് നേതാക്കൾ പറഞ്ഞു. ജന്തർ മന്തറിൽ പ്രതിഷേധിക്കാനുള്ള അവസരം തിരിച്ചുപിടിക്കാൻ സമരം നടത്തുമെന്നും അവർ അറിയിച്ചു.

സിപിഎം ജനറൽ സെക്രട്ടറി എം.എ. ബേബി, സിപിഐ ജനറൽ സെക്രട്ടറി ഡി. രാജ, എൻസിപി–എസ്‌സിപി എംപി സുപ്രിയ സുലെ, സമാജ്‌വാദി പാർട്ടി എംപി ഹരേന്ദ്ര മാലിക്, പ്രശാന്ത് ഭൂഷൺ, ഐസ പ്രസിഡന്റ് നേഹ ബോറ എന്നിവരും വാർത്താസമ്മേളനത്തിൽ സംസാരിച്ചു.

The post ‘പ്രതിപക്ഷം ഒറ്റക്കെട്ട്; അടുത്ത സമരം സർപ്രൈസ്’: രാഹുൽ ഗാന്ധി appeared first on Starvision News Malayalam.

മനാമ: കാനൂ ഗാർഡനിൽ പ്രവർത്തിക്കുന്ന ഗുരുദേവ സോഷ്യൽ സൊസൈറ്റിയുടെ (ജി.എസ്.എസ്.) ഈ വർഷത്തെ നവരാത്രി ആഘോഷങ്ങൾക്ക് വർണാഭമായ തുടക്കമായി. ജി.എസ്.എസ്. കുടുംബാംഗവും ഇന്ത്യൻ സ്കൂൾ ഡയറക്ടർ ബോർഡ് അംഗവുമായ മിഥുൻ മോഹൻ ഭദ്രദീപം കൊളുത്തി ആഘോഷങ്ങൾ ഉദ്ഘാടനം ചെയ്തു.

സൊസൈറ്റി ചെയർമാൻ സനീഷ് കൂറുമുള്ളിലിന്റെ അധ്യക്ഷതയിൽ നടന്ന ചടങ്ങിൽ അസിസ്റ്റന്റ് സെക്രട്ടറി ദേവദത്തൻ സ്വാഗതം ആശംസിച്ചു. വൈസ് ചെയർമാൻ സതീഷ് കുമാറും ജനറൽ സെക്രട്ടറി ബിനുരാജ് രാജനും ആശംസകൾ നേർന്നു. അസിസ്റ്റന്റ് ട്രഷറർ ശിവജി ശിവദാസൻ നന്ദി രേഖപ്പെടുത്തി.

അജിത്ത് പ്രസാദിന്റെ നേതൃത്വത്തിൽ അരങ്ങേറിയ ഭക്തിഗാനസുധയും സൊസൈറ്റി കുടുംബാംഗമായ കുമാരി ആരാധ്യ സതീഷ് അവതരിപ്പിച്ച ഭരതനാട്യവും ഉദ്ഘാടനച്ചടങ്ങിന് മാറ്റുകൂട്ടി.

സൊസൈറ്റിയിൽ പ്രത്യേകം സജ്ജമാക്കിയ നവരാത്രി മണ്ഡപത്തിൽ പത്തുദിവസം നീളുന്ന വിവിധ പരിപാടികളാണ് ഒരുക്കിയിരിക്കുന്നത്. വരും ദിവസങ്ങളിൽ വൈകുന്നേരങ്ങളിൽ ഭക്തിഗാനസുധയും കലാപരിപാടികളും അരങ്ങേറും.

തുടർച്ചയായി 14 വർഷമായി സംഘടിപ്പിച്ചുവരുന്ന ആഘോഷങ്ങളുടെ ഭാഗമായി ഒക്ടോബർ 18 ഞായറാഴ്ച വൈകിട്ട് പൂജവെപ്പും ഒക്ടോബർ 21 ബുധനാഴ്ച രാവിലെ വിദ്യാരംഭവും നടക്കും. പ്രമുഖ വ്യവസായിയും ബി.കെ.ജി. ഹോൾഡിംഗ്സ് ചെയർമാനും മാനേജിങ് ഡയറക്ടറുമായ കെ.ജി. ബാബുരാജൻ കുരുന്നുകൾക്ക് ആദ്യക്ഷരം പകർന്നുനൽകും.

പരിപാടികളുടെ നടത്തിപ്പിനായി എന്റർടൈൻമെന്റ് സെക്രട്ടറി ബിനുമോൻ ചുങ്കപ്പാറ, മെമ്പർഷിപ്പ് സെക്രട്ടറി രഞ്ജിത്ത് വാസപ്പൻ, ട്രഷറർ അജികുമാർ, പബ്ലിക് റിലേഷൻസ് സെക്രട്ടറി രജീഷ് പട്ടാഴി എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിച്ചുവരുന്നു.

വിദ്യാരംഭച്ചടങ്ങിൽ പങ്കെടുക്കാൻ ആഗ്രഹിക്കുന്നവർക്കുള്ള മുൻകൂർ രജിസ്ട്രേഷൻ പുരോഗമിക്കുകയാണെന്നും രജിസ്റ്റർ ചെയ്യാൻ 3434 7514 എന്ന നമ്പറിൽ ബന്ധപ്പെടണമെന്നും ഭാരവാഹികൾ അറിയിച്ചു.

The post ഗുരുദേവ സോഷ്യൽ സൊസൈറ്റിയുടെ നവരാത്രി ആഘോഷങ്ങൾ ഇന്ത്യൻ സ്കൂൾ ഡയറക്ടർ ബോർഡ് അംഗം മിഥുൻ മോഹൻ ഉദ്ഘാടനം ചെയ്തു appeared first on Starvision News Malayalam.

കേസ് റദ്ദാക്കണമെന്ന രാഹുൽ ഗാന്ധിയുടെ ആവശ്യം തള്ളിയ ബോംബെ ഹൈക്കോടതിയുടെ സെപ്റ്റംബർ എട്ടിലെ ഉത്തരവിനെതിരെ അദ്ദേഹം നൽകിയ ഹർജിയിലാണ് നടപടി. ജസ്റ്റിസുമാരായ വിക്രം നാഥ്, അപരേഷ് കുമാർ സിങ് എന്നിവരടങ്ങിയ ബെഞ്ച് എതിർകക്ഷികൾക്ക് നോട്ടീസ് അയച്ചു. നാലാഴ്ചയ്ക്കകം മറുപടി നൽകാനാണ് നിർദേശം. അതുവരെ വിചാരണക്കോടതിയിലെ തുടർനടപടികൾ സ്റ്റേ ചെയ്യാനും കോടതി ഉത്തരവിട്ടു. രാഹുൽ ഗാന്ധിക്കുവേണ്ടി മുതിർന്ന അഭിഭാഷകൻ അഭിഷേക് മനു സിങ്‌വി ഹാജരായി.

നേരത്തെ ബോംബെ ഹൈക്കോടതിയിൽ കേസ് പരിഗണിച്ചപ്പോൾ, ബി.ജെ.പി. പ്രവർത്തകൻ നൽകിയ പരാതി നിലനിൽക്കില്ലെന്ന് രാഹുൽ ഗാന്ധി വാദിച്ചിരുന്നു. പ്രധാനമന്ത്രിയെക്കുറിച്ചുള്ള പരാമർശത്തിൽ താൻ ബി.ജെ.പി.യുടെ പേര് പറഞ്ഞിട്ടില്ലെന്നും തിരിച്ചറിയാവുന്നതോ നിർവചിക്കപ്പെട്ടതോ ആയ ഒരു വിഭാഗത്തെ ലക്ഷ്യമിട്ടിട്ടില്ലെന്നും അദ്ദേഹം ചൂണ്ടിക്കാട്ടി. അത്തരമൊരു വിഭാഗം ഇല്ലാത്തതിനാൽ, കേസ് തുടരാൻ നിയമപരമായ അവകാശമുള്ള വ്യക്തിയോ സംഘമോ പരാതിയിൽ വ്യക്തമല്ലെന്നായിരുന്നു അദ്ദേഹത്തിന്റെ വാദം.

The post പ്രധാനമന്ത്രിക്കെതിരായ പരാമർശം: രാഹുൽ ഗാന്ധിക്കെതിരായ അപകീർത്തിക്കേസ് വിചാരണ സുപ്രീം കോടതി സ്റ്റേ ചെയ്തു appeared first on Starvision News Malayalam.

മനാമ: കേരള കാത്തലിക് അസോസിയേഷൻ (കെസിഎ) സംഘടിപ്പിക്കുന്ന കെസിഎ-ബിഎഫ്‌സി ഇന്ത്യൻ ടാലന്റ് സ്കാൻ2026-ന്റെ ഔപചാരിക ഉദ്ഘാടനവും പതാക ഉയർത്തൽ ചടങ്ങുംഒക്ടോബർ 9 വെള്ളിയാഴ്ച കെസിഎയിൽ നടന്നു. വിശിഷ്ടാതിഥികൾ, സ്പോൺസർമാർ, അസോസിയേഷൻഭാരവാഹികൾ, അംഗങ്ങൾ എന്നിവർ ചടങ്ങിൽ പങ്കെടുത്തു. മുഖ്യാതിഥിയായ ഡോ. രാജു നാരായണസ്വാമി ഐഎഎസ് ഇന്ത്യൻടാലന്റ് സ്കാൻ പതാക ഉയർത്തി പരിപാടിയുടെ ഔപചാരികഉദ്ഘാടനം നിർവഹിച്ചു. കെസിഎ പ്രസിഡന്റ് ജെയിംസ് ജോൺ, ഇന്ത്യൻ ടാലന്റ് സ്കാൻ 2026 ചെയർമാൻ ലിയോ ജോസഫ് എന്നിവർചടങ്ങിൽ സന്നിഹിതരായിരുന്നു.
ടൈറ്റിൽ സ്പോൺസറായ ബിഎഫ്‌സിയുടെ മാർക്കറ്റിംഗ് മാനേജർ, മറ്റു സ്പോൺസർമാരായ ഗാലക്സി അറേബ്യ സിഇഒ ബെന്നിസക്കറിയ, ആർപി കൺസ്ട്രക്ഷൻ സിഇഒ പി. വി. തോമസ്എന്നിവരും പങ്കെടുത്തു. കെസിഎ എക്സിക്യൂട്ടീവ് കമ്മിറ്റിഅംഗങ്ങൾ, മുതിർന്ന അംഗങ്ങൾ, മറ്റ് വിശിഷ്ടാതിഥികൾഎന്നിവരുടെ സാന്നിധ്യത്തിൽ പരമ്പരാഗത നിലവിളക്ക് തെളിയിക്കൽചടങ്ങും നടന്നു.

ബഹ്‌റൈനിലെ കുട്ടികൾക്കും യുവപ്രതിഭകൾക്കും സംഗീതം, നൃത്തം, ചിത്രകല, സാഹിത്യം, പൊതുവിജ്ഞാനം തുടങ്ങി വിവിധമേഖലകളിൽ കഴിവുകൾ പ്രകടിപ്പിക്കാൻ അവസരമൊരുക്കുന്നവാർഷിക മത്സരവേദിയാണ് ഇന്ത്യൻ ടാലന്റ് സ്കാൻ. വ്യക്തിഗത ഇനങ്ങളിലേക്കുള്ള രജിസ്ട്രേഷൻ 2026 ഒക്ടോബർ 11 അർധരാത്രിയോടെ അവസാനിക്കുന്ന രീതിയിലാണ്ക്രമീകരിച്ചിരിക്കുന്നത്. മത്സരാർത്ഥികളുടെ പ്രാഥമിക പട്ടിക വരുംദിവസങ്ങളിൽ പ്രസിദ്ധീകരിക്കും. വശ്യമായപരിശോധനകൾക്കുശേഷം അന്തിമ പട്ടികയും പുറത്തിറക്കും. മത്സരങ്ങളുടെ വിശദമായ സമയക്രമം ഒക്ടോബർ 17-ന്പ്രസിദ്ധീകരിക്കും. മത്സരങ്ങൾ ഒക്ടോബർ 20-ന് ആരംഭിച്ച് ഡിസംബർ ആദ്യവാരത്തിൽസമാപിക്കാനാണ് നിശ്ചയിച്ചിരിക്കുന്നത്.

മത്സരക്രമം, ഫലങ്ങൾ, അറിയിപ്പുകൾ, മത്സരാർത്ഥികളുടെവിവരങ്ങൾ, മറ്റു പ്രധാന അപ്ഡേറ്റുകൾ എന്നിവ പൊതുജനങ്ങൾക്കുംരജിസ്റ്റർ ചെയ്ത മത്സരാർത്ഥികൾക്കും എളുപ്പത്തിൽഅറിയുന്നതിനായി പ്രത്യേക ഇന്ത്യൻ ടാലന്റ് സ്കാൻ ഓൺലൈൻപോർട്ടലും ഒരുക്കിയിട്ടുണ്ട്: https://talentscan.kcabah.com/pwa
മുഖ്യാതിഥിക്കും സ്പോൺസർമാർക്കും എക്സിക്യൂട്ടീവ് കമ്മിറ്റിഅംഗങ്ങൾക്കും സംഘാടകർക്കും രക്ഷിതാക്കൾക്കുംമത്സരാർത്ഥികൾക്കും നൽകിയ പിന്തുണയ്ക്ക് കെസിഎ പ്രസിഡന്റ്ജെയിംസ് ജോണും ടാലന്റ് സ്കാൻ ചെയർമാൻ ലിയോ ജോസഫുംനന്ദി അറിയിച്ചു. ഈ വർഷവും യുവപ്രതിഭകൾക്ക് മികച്ചഅവസരങ്ങളൊരുക്കാൻ കഴിയുമെന്ന പ്രതീക്ഷയും അവർ പങ്കുവച്ചു. കൂടുതൽ വിവരങ്ങൾക്കും അറിയിപ്പുകൾക്കും www.kcabah.com സന്ദർശിക്കാം.

The post ഡോ. രാജു നാരായണസ്വാമി ഐഎഎസ്, KCA – BFC ഇന്ത്യൻ ടാലന്റ്സ്കാൻ 2026 ഉദ്ഘാടനം ചെയ്തു appeared first on Starvision News Malayalam.

2026 ഒക്ടോബർ എട്ടിനാണ് സംഭവം നടന്നത്. മുൻകൂട്ടി ആസൂത്രണം ചെയ്ത് തയ്യാറെടുപ്പുകൾ നടത്തിയ ശേഷം പ്രതി മറ്റുള്ളവരുടെ സഹായത്തോടെ യുവാവ് സഞ്ചരിച്ചിരുന്ന വാഹനം തടയുകയും, ഇയാളെ വാഹനത്തിൽനിന്ന് പുറത്തേക്ക് ഇറക്കിയ ശേഷം ദേഹത്തുകൂടി വാഹനം ഓടിച്ചുകയറ്റുകയുമായിരുന്നു എന്നാണ് അന്വേഷണത്തിൽ കണ്ടെത്തിയത്. സംഭവസ്ഥലത്തുവെച്ചുതന്നെ യുവാവ് മരിച്ചു. കേസുമായി ബന്ധപ്പെട്ട് സംഭവത്തിൽ പങ്കുണ്ടെന്ന് സംശയിക്കുന്ന മറ്റു ചിലരെയും പൊലീസ് അറസ്റ്റ് ചെയ്തിട്ടുണ്ട്.

കേസിന്റെ വിവരങ്ങൾ ലഭിച്ചയുടൻ ക്രിമിനൽ ഇൻവെസ്റ്റിഗേഷൻ ആൻഡ് ഫോറൻസിക് സയൻസ് ജനറൽ ഡയറക്ടറേറ്റും മുഹറഖ് ഗവർണറേറ്റ് പൊലീസ് ഡയറക്ടറേറ്റും സംയുക്തമായി അന്വേഷണം ആരംഭിച്ചു. തുടർന്ന് വിവരങ്ങളും ശാസ്ത്രീയ തെളിവുകളും ശേഖരിച്ചാണ് പ്രധാന പ്രതിയെ തിരിച്ചറിഞ്ഞ് അറസ്റ്റ് ചെയ്തത്. കേസിൽ തുടർ നിയമനടപടികൾ പുരോഗമിക്കുകയാണെന്നും പ്രതിയെ പബ്ലിക് പ്രോസിക്യൂഷന് കൈമാറുന്നതിനുള്ള നടപടികൾ സ്വീകരിച്ചുവരികയാണെന്നും അധികൃതർ അറിയിച്ചു.

The post ബഹ്‌റൈനിൽ വാഹനം ഇടിച്ചുകയറ്റി ഇന്ത്യൻ യുവാവിനെ കൊലപ്പെടുത്തി; 40കാരൻ അറസ്റ്റിൽ appeared first on Starvision News Malayalam.

ഒമാനിൽ ഡോക്യുമെന്റ് കൺട്രോളറായി ജോലി ചെയ്യുന്ന അജിത് കുമാർ വണ്ണാറത്ത് സുഹൃത്തുക്കൾക്കൊപ്പം എടുത്ത ടിക്കറ്റിലൂടെ രണ്ടര ലക്ഷം ദിർഹം നേടി. പത്ത് വർഷമായി ഒമാനിൽ പ്രവാസജീവിതം നയിക്കുന്ന അമ്പത്തിനാലുകാരനായ അജിത്, ഏറെക്കാലമായി സുഹൃത്തുക്കളുമായി ചേർന്ന് ബിഗ് ടിക്കറ്റിൽ പങ്കെടുക്കുന്നുണ്ട്.

അജ്മാനിൽ താമസിക്കുന്ന എഞ്ചിനീയർ സി. മുഹമ്മദ് ഇജാസിനും കൂട്ടായെടുത്ത ടിക്കറ്റിലൂടെയാണ് സമ്മാനം ലഭിച്ചത്. മകന്റെ ജനനത്തീയതിയും ജനനവർഷവും ചേർത്തുള്ള നമ്പരാണ് ഇജാസ് തിരഞ്ഞെടുത്തത്. സമ്മാനത്തുകയിൽ തന്റെ വിഹിതം മകനുവേണ്ടി ചെലവഴിക്കാനാണ് ആഗ്രഹമെന്ന് അദ്ദേഹം പറഞ്ഞു.

ഇന്ത്യക്കാരനായ സുനിൽ കുമാറിന് പത്ത് ലക്ഷം ദിർഹമാണ് സമ്മാനമായി ലഭിച്ചത്. ദുബൈയിലെ ജബൽ അലിയിൽ ട്രക്ക് ഡ്രൈവറായി ജോലി ചെയ്യുന്ന പഞ്ചാബ് സ്വദേശി കുൽവന്ത് സിങ് അഞ്ച് ലക്ഷം ദിർഹവും സ്വന്തമാക്കി.

2008 മുതൽ യുഎഇയിൽ കഴിയുന്ന കുൽവന്ത്, സമ്മാനത്തുക കുടുംബത്തിനും വീടിന്റെ ആവശ്യങ്ങൾക്കുമായി വിനിയോഗിക്കുമെന്ന് അറിയിച്ചു. മറ്റൊരു ഇന്ത്യൻ പ്രവാസിയായ സെത്വാൻ കുമാർ ചൗഹാന് ഒരു ലക്ഷം ദിർഹവും ലഭിച്ചു.

The post ബിഗ് ടിക്കറ്റിൽ വീണ്ടും മലയാളിത്തിളക്കം; അഞ്ച് ഇന്ത്യക്കാർക്ക് 19.5 ലക്ഷം ദിർഹം സമ്മാനം appeared first on Starvision News Malayalam.

ബഹ്‌റൈൻ: പ്രമുഖ വ്യവസായിയും സാമൂഹിക–സാംസ്കാരിക പ്രവർത്തകനുമായ ഗോകുലം ഗോപാലന് വടകര സഹൃദയവേദിയുടെ നേതൃത്വത്തിൽ സ്വീകരണവും ആദരവും നൽകി. ബഹ്‌റൈൻ സന്ദർശനത്തിനെത്തിയ അദ്ദേഹത്തിനായി ഔറ ആർട്സ് സെന്ററിലാണ് ചടങ്ങ് സംഘടിപ്പിച്ചത്.

വടകര സഹൃദയവേദി പ്രസിഡന്റ് എൻ.പി. അഷ്‌റഫ് അധ്യക്ഷത വഹിച്ചു. ജനറൽ സെക്രട്ടറി എം.സി. പവിത്രൻ സ്വാഗതം ആശംസിച്ചു. രക്ഷാധികാരി ശശിധരൻ ചടങ്ങുകൾ നിയന്ത്രിച്ചു.

സംഘടനയുടെ മുഖ്യ രക്ഷാധികാരി ആർ. പവിത്രൻ ഗോകുലം ഗോപാലനെ പൂച്ചെണ്ട് നൽകി സ്വീകരിച്ചു. ജനറൽ സെക്രട്ടറി എം.സി. പവിത്രനും പ്രസിഡന്റ് എൻ.പി. അഷ്‌റഫും ചേർന്ന് പൊന്നാട അണിയിച്ച് ആദരവ് സമർപ്പിച്ചു.

ഔറ ആർട്സ് ചെയർമാൻ മനോജ് മയ്യന്നൂർ, സാമൂഹിക പ്രവർത്തകൻ രാജീവ് ഇ.വി., ചന്ദ്രബോസ്, കൃഷ്ണകുമാർ (എസ്എൻസിഎസ്), അജിത്ത് (കുടുംബ സഹൃദയവേദി), സെവൻ ആർട്സ് പ്രസിഡന്റ് ജേക്കബ് തേക്കുംതോട് എന്നിവർ ആശംസകൾ നേർന്ന് സംസാരിച്ചു.

വടകര സഹൃദയവേദിയുടെ എക്സിക്യൂട്ടീവ് കമ്മിറ്റി അംഗങ്ങളും വനിതാവേദി പ്രവർത്തകരും സ്വീകരണച്ചടങ്ങിൽ പങ്കെടുത്തു. വൈസ് പ്രസിഡന്റ് എം.എം. ബാബു നന്ദി പറഞ്ഞു.

The post ഗോകുലം ഗോപാലന് ബഹ്‌റൈനിൽ സ്വീകരണമൊരുക്കി വടകര സഹൃദയവേദി appeared first on Starvision News Malayalam.