ഇടുക്കി: ഡീന് കുര്യാക്കോസ് എംപിയ്ക്ക് എതിരെ വിവാദ പരാമർശവുമായി സിപിഎം ഇടുക്കി ജില്ലാ സെക്രട്ടറി സി.വി വര്ഗീസ്. അടുത്ത ലോകസഭാ തെരഞ്ഞെടുപ്പില് ഡീന് കുര്യാക്കോസിനെ ഉടുത്ത മുണ്ടില്ലാതെ ഇടുക്കിയില് നിന്ന് തിരിച്ചയക്കുമെന്ന് സി വി വർഗീസ് പറഞ്ഞു.
പാര്ട്ടിയെ സംരക്ഷയിക്കാന് കവല ചട്ടമ്പിയുടെ വേഷമാണ് ചേരുന്നതെങ്കില് അത് അണിയാന് മടിയില്ലെന്നും സി.വി വര്ഗീസ് നെടുങ്കണ്ടത്ത് പറഞ്ഞു. നെടുങ്കണ്ടത്ത് അനീഷ് രാജന്റെ പത്താം രക്തസാക്ഷിത്വ ദിനാചരണവും എകെജി, ഇഎംഎസ് അനുസ്മരണവും ഉദ്ഘാടനം ചെയ്ത് സംസാരിക്കുകയായിരുന്നു വര്ഗീസ്.
ഡീന് കുര്യാക്കോസ് കുരുടനാണെന്ന് സി വി വര്ഗീസ് പറഞ്ഞു. തേരാപ്പാര നടക്കുന്നതല്ലാതെ ഇടുക്കിക്ക് ഒരു റോഡിന്റെ പ്രയോജനം പോലും ഇദ്ദേഹത്തേക്കൊണ്ട് ഇല്ല. തന്നെ കവലച്ചട്ടമ്പിയെന്നാണ് ഡീന് വിളിച്ചത്. ‘സ്വന്തം പാര്ട്ടിക്കാരെ സംരക്ഷിക്കാന് ഞാന് കവലച്ചട്ടമ്പിയാകും,’ സി വി വര്ഗീസ് പറഞ്ഞു. തമിഴ് വംശജരെ സംരക്ഷിക്കാനുള്ള നീക്കത്തിലാണ് അനീഷ് രാജന് കൊല്ലപ്പെട്ടതെന്നും സിപിഎം ജില്ലാ സെക്രട്ടറി പറഞ്ഞു.