ബാംഗ്ലൂർ : കര്ണ്ണാടക മുന് മുഖ്യമന്ത്രിയും പ്രതിപക്ഷ നേതാവുമായ സിദ്ധരാമയ്യക്ക് കോവിഡ് സ്ഥിരീകരിച്ചു. ട്വിറ്ററിലൂടെ അദ്ദേഹം തന്നെയാണ് ഇക്കാര്യം അറിയിച്ചത്. നിലവില് മണിപ്പാല് ആശുപത്രിയില് ചികിത്സയില് കഴിയുകയാണ് അദ്ദേഹം. ശാരീരിക അസ്വസ്ഥതകള് പ്രകടിപ്പിച്ചിരുന്നതിനെ തുടര്ന്ന് ഇന്നലെ രാത്രിയാണ് അദ്ദേഹത്തെ ആശുപത്രിയില് പ്രവേശിപ്പിച്ചത്. താനുമായി സമ്പര്ക്കത്തിലേര്പ്പെട്ടവര് ദയവായി നിരീക്ഷണത്തില് പോകണമെന്നും സിദ്ധരാമയ്യ അഭ്യര്ഥിച്ചു. മുന്പ് കോവിഡ് സ്ഥിരീകരിച്ച മുഖ്യമന്ത്രി യെദ്യൂരപ്പയും മണിപ്പാല് ആശുപത്രിയിലാണുള്ളത്.