കൊറോണയിലും വിളവെടുക്കുന്നവർ

കൊറോണയെ തുടർന്ന് പ്രവാസികൾ ഏറെ പ്രതിസന്ധിയിലായ ഈ കാലഘട്ടത്തിലും ഇതിന്റെ പേരിൽ വിളവെടുപ്പ് നടത്തുകയാണ് ചിലർ. പ്രളയദുരന്തമായാലും കൊറോണയായാലും അതിലൂടെ എങ്ങനെ തൻറെ പോക്കറ്റ് വീർപ്പിക്കാൻ കഴിയുമെന്നും, കഷ്ടപ്പെടാതെ എങ്ങനെ സാമൂഹിക പ്രവർത്തനത്തിൻറെ ക്രെഡിറ്റ് സ്വന്തമാക്കാനുമായി പ്രവർത്തിക്കുന്നവരുമുണ്ട്. ഈ കൊറോണ
പ്രതിസന്ധിഘട്ടങ്ങളിൽ ചില സംഘടനകളും കൂട്ടായ്മകളും മികച്ച ജീവകാരുണ്യപ്രവർത്തനങ്ങൾ കാഴ്ചവയ്ക്കുമ്പോളും ഇതിൻറെ പേരിൽ എങ്ങനെ ബിസിനസ് ചെയ്യാം എന്ന് കാണിക്കുന്ന ചില മലയാളികൾ ഈ സമൂഹത്തിലെ ക്യാൻസറാണ്. പലയിടങ്ങളിൽ നിന്നും സൗജന്യമായി ലഭിക്കുന്ന സാധനങ്ങൾ ബുദ്ധിമുട്ടുള്ളവർക്ക് നൽകുന്നത്തിൻറെ മറവിൽ പണം പിരിച്ചു പോക്കറ്റിലാക്കുന്ന ഇത്തരം കൊറോണകൾ ഓർക്കുക …തെളിവുകളും യഥാർത്ഥ കോറോണയും നിങ്ങളെ വേട്ടയാടാതിരിക്കട്ടെ….