ദേശീയ സുരക്ഷാ ഉപദേഷ്ടാവ് അജിത് ഡോവൽ ഉൾപ്പെടെയുള്ള ഇന്ത്യയുടെ ഉന്നത രാഷ്ട്രീയ–സൈനിക നേതൃത്വത്തിന്റെ പ്രതികരണങ്ങൾ ഡോക്യുമെന്ററിയിൽ ഉൾപ്പെടുത്തിയിട്ടുണ്ട്. എന്നാൽ തെരഞ്ഞെടുത്ത അഭിമുഖങ്ങളും വൈകാരിക വിവരണങ്ങളും നാടകീയമായ പുനരാവിഷ്‌കരണങ്ങളും ഉപയോഗിച്ച് യഥാർഥ സംഭവങ്ങളെ വളച്ചൊടിക്കുകയാണെന്ന് പാക് സൈനിക വക്താവ് എക്സിൽ ആരോപിച്ചു.

2025 ഏപ്രിൽ 22ന് ജമ്മു കശ്മീരിലെ പഹൽഗാമിലുള്ള ബൈസരൻ താഴ്‌വരയിൽ നടന്ന ഭീകരാക്രമണത്തിൽ 26 പേർ കൊല്ലപ്പെട്ടിരുന്നു. ഇതിന് മറുപടിയായി മേയ് ഏഴിനാണ് ഇന്ത്യ ‘ഓപ്പറേഷൻ സിന്ദൂർ’ ആരംഭിച്ചത്. പാകിസ്ഥാനിലെയും പാക് അധീന കശ്മീരിലെയും ഭീകരകേന്ദ്രങ്ങൾ ലക്ഷ്യമിട്ടായിരുന്നു ഇന്ത്യയുടെ സൈനിക നടപടി.

എന്നാൽ ഓപ്പറേഷൻ സിന്ദൂർ പരാജയപ്പെട്ട സൈനിക നീക്കമാണെന്നാണ് പാകിസ്ഥാന്റെ അവകാശവാദം. ഇന്ത്യ സംഭവങ്ങളെ ഏകപക്ഷീയമായി അവതരിപ്പിക്കുകയാണെന്നും സൈനിക നടപടിയുടെ ഫലം സ്വന്തം താൽപ്പര്യത്തിനനുസരിച്ച് മാറ്റിയെഴുതാൻ ശ്രമിക്കുകയാണെന്നും പാക് സൈനിക വക്താവ് ആരോപിച്ചു.

പഹൽഗാം ആക്രമണവുമായി ബന്ധപ്പെട്ട മൂന്ന് ഭീകരരെ 2025 ജൂലൈ 28നാണ് വധിച്ചതെന്ന് ഇന്ത്യ അറിയിച്ചിരുന്നതായി പാക് സൈന്യം ചൂണ്ടിക്കാട്ടി. അങ്ങനെയെങ്കിൽ മേയ് ഏഴിന് നടത്തിയ സൈനിക നടപടിയെ പഹൽഗാം ആക്രമണത്തിന്റെ പ്രതികാരമായി എങ്ങനെ വിശേഷിപ്പിക്കാനാകുമെന്നാണ് പാകിസ്ഥാന്റെ ചോദ്യം.

സംഘർഷത്തിനിടെ എട്ട് ഇന്ത്യൻ സൈനിക വിമാനങ്ങൾ വെടിവെച്ചിട്ടെന്നും 26 സൈനിക ലക്ഷ്യങ്ങൾക്കെതിരെ ‘ഓപ്പറേഷൻ ബുന്യാൻ-ഉൻ-മർസൂസ്’ നടത്തിയെന്നും പാകിസ്ഥാൻ വീണ്ടും അവകാശപ്പെട്ടു. എന്നാൽ ഈ അവകാശവാദങ്ങൾക്ക് സ്വതന്ത്രമായ സ്ഥിരീകരണമില്ല.

പാകിസ്ഥാന്റെ മിസൈൽ, ഡ്രോൺ, വ്യോമാക്രമണങ്ങളെക്കുറിച്ചും നിയന്ത്രണരേഖയിലെ ഏറ്റുമുട്ടലുകളെക്കുറിച്ചും ഇന്ത്യൻ സൈനിക നേതൃത്വം ഡോക്യുമെന്ററിയിൽ പരാമർശിക്കുന്നുണ്ടെന്നും പാക് വക്താവ് പറഞ്ഞു. ഇത് പാകിസ്ഥാൻ പൂർണമായി പരാജയപ്പെട്ടെന്ന ഇന്ത്യയുടെ വാദത്തിന് വിരുദ്ധമാണെന്നാണ് അദ്ദേഹത്തിന്റെ ആരോപണം.

ഇരു രാജ്യങ്ങളിലെയും ഡയറക്ടർ ജനറൽ ഓഫ് മിലിട്ടറി ഓപ്പറേഷൻസ് തമ്മിലുള്ള ആശയവിനിമയത്തിലൂടെയും പരസ്പര ധാരണയിലൂടെയുമാണ് സംഘർഷം അവസാനിച്ചതെന്നും പാകിസ്ഥാൻ വ്യക്തമാക്കി. അതിനാൽ ഓപ്പറേഷൻ സിന്ദൂറിനെ ഇന്ത്യയുടെ ഏകപക്ഷീയമായ സൈനിക വിജയമായി ചിത്രീകരിക്കാനാകില്ലെന്നും പ്രസ്താവനയിൽ പറയുന്നു.

ഡോക്യുമെന്ററി വസ്തുതാപരമായ സൈനിക വിവരണത്തേക്കാൾ ആഭ്യന്തര പ്രചാരണത്തിനായി തയ്യാറാക്കിയ തിരക്കഥയാണെന്നും പാക് സൈന്യം ആരോപിച്ചു. സിനിമാറ്റിക് പുനരാവിഷ്‌കരണങ്ങളിലൂടെ യുദ്ധഭൂമിയിലെ യാഥാർഥ്യങ്ങളോ സൈനികനഷ്ടങ്ങളോ മാറ്റിയെഴുതാനാകില്ലെന്നും പ്രസ്താവനയിൽ പറയുന്നു.

മേഖലയിൽ സമാധാനവും സ്ഥിരതയും നിലനിർത്താൻ പാകിസ്ഥാൻ പ്രതിജ്ഞാബദ്ധമാണെന്ന് വ്യക്തമാക്കിയ സൈനിക വക്താവ്, രാജ്യത്തിന്റെ പരമാധികാരത്തിനും അഖണ്ഡതയ്ക്കുമെതിരായ ഏതൊരു സൈനിക നീക്കത്തിനും ശക്തവും ഉചിതവുമായ മറുപടി നൽകുമെന്നും മുന്നറിയിപ്പ് നൽകി.

The post ‘ഓപ്പറേഷൻ സിന്ദൂർ’ ഡോക്യുമെന്ററിക്കെതിരെ പാകിസ്ഥാൻ; പുലർച്ചെ രണ്ടിന് സൈന്യത്തിന്റെ പ്രതികരണം appeared first on Starvision News Malayalam.

വിവിധ മേഖലകളിലെ പ്രമുഖരുടെ സാന്നിധ്യവും വിദ്യാർഥികളുടെ പങ്കാളിത്തവും ചടങ്ങിന് കൂടുതൽ മികവേകി. അക്കാദമിയുടെ ഉദ്ഘാടനത്തിനെത്തിയ ഡിജിപി എസ്. ശ്രീജിത്ത് ഐപിഎസ്, നടി ഭാമ, ഗായികമാരായ ശ്രേയ, ടീനു ടെലൻസ്, സുഹൃത്തുക്കൾ, മറ്റു വിശിഷ്ട വ്യക്തികൾ, വിദ്യാർഥികൾ എന്നിവർക്ക് എം.ജി. ശ്രീകുമാർ നന്ദി അറിയിച്ചു.

The post എം.ജി. ശ്രീകുമാറിന്റെ മ്യൂസിക് അക്കാദമി ബോൾഗാട്ടിയിൽ പ്രവർത്തനം ആരംഭിച്ചു appeared first on Starvision News Malayalam.

മനാമ: ബഹ്‌റൈനിലെ പാലക്കാട് നിവാസികളുടെ കൂട്ടായ്മയായ പാലക്കാട് ആർട്സ് ആൻഡ് കൾച്ചറൽ തിയേറ്ററും (PAACT) സ്റ്റാർവിഷനും സംയുക്തമായി സംഘടിപ്പിക്കുന്ന ‘PAACT ഒരുമയുടെ ഓണം 2026’ ആഘോഷത്തിന്റെ ടിക്കറ്റിന്റെയും ഫ്ലയറിന്റെയും പ്രകാശനച്ചടങ്ങ് ജുഫൈറിലെ അൽമൊയ്യദ് പ്ലാസയിൽ പ്രൗഢഗംഭീരമായി നടന്നു.

സെപ്റ്റംബർ 18ന് ബഹ്‌റൈൻ ഇന്ത്യൻ ക്ലബ്ബിൽ അരങ്ങേറുന്ന പാക്ടിന്റെ വിപുലമായ ഓണാഘോഷത്തിന് മുന്നോടിയായാണ് വർണാഭമായ പ്രകാശനച്ചടങ്ങ് സംഘടിപ്പിച്ചത്.

‘ഒരുമയുടെ ഓണം–സൗഹൃദത്തിന്റെയും സ്നേഹത്തിന്റെയും പാരമ്പര്യത്തിന്റെയും ആഘോഷം’ എന്ന സന്ദേശം ഉയർത്തിപ്പിടിച്ചാണ് ഇത്തവണത്തെ പരിപാടികൾ ഒരുക്കുന്നത്. ബഹ്‌റൈനിലെ പാലക്കാട്ടുകാരെയും കുടുംബങ്ങളെയും ഒരുമിച്ചണിനിരത്തുന്ന ആഘോഷം, പ്രവാസലോകത്ത് പാലക്കാടിന്റെ തനിമയും സംസ്കാരവും വിളിച്ചോതുന്ന ശ്രദ്ധേയമായ വേദിയായി മാറുമെന്നാണ് സംഘാടകരുടെ പ്രതീക്ഷ.

സെപ്റ്റംബർ 18 വെള്ളിയാഴ്ച ബഹ്‌റൈൻ ഇന്ത്യൻ ക്ലബ്ബിൽ നടക്കുന്ന ആഘോഷത്തിൽ പരമ്പരാഗത ഓണാഘോഷത്തിന്റെ എല്ലാ നിറങ്ങളും പകിട്ടോടെ അവതരിപ്പിക്കും. പാലക്കാടിന്റെ തനത് രുചിയും പാരമ്പര്യവും വിളിച്ചോതുന്ന പാലക്കാടൻ സദ്യ, പാലക്കാട് ആസ്ഥാനമായി പ്രവർത്തിക്കുന്ന പ്രമുഖ കാറ്ററിങ് സ്ഥാപനമായ റൈറ്റ് ചോയ്സ് ഒരുക്കും. പാക്ട് പ്രസിഡന്റ് അശോക് കുമാർ ചടങ്ങിൽ അധ്യക്ഷത വഹിച്ചു. ജനറൽ സെക്രട്ടറി ശിവദാസ് നായർ സ്വാഗതം ആശംസിച്ചു.

സ്റ്റാർവിഷൻ ഇവന്റ്സ് ആൻഡ് മീഡിയ ഗ്രൂപ്പ് ചെയർമാൻ സേതുരാജ് കടയ്ക്കൽ, അൽമൊയ്യദ് പ്രോപ്പർട്ടീസ് ജനറൽ മാനേജർ രാമനുണ്ണി കോടൂർ, ഗ്ലോബൽ ലിഫ്റ്റ് മാനേജിങ് ഡയറക്ടർ സുരേഷ്, മോക്ഷ ഗോൾഡ് മാനേജിങ് ഡയറക്ടർ അജീഷ് എന്നിവർ ചേർന്ന് ‘PAACT ഒരുമയുടെ ഓണം 2026’ പരിപാടിയുടെ ഫ്ലയറും ടിക്കറ്റും പ്രകാശനം ചെയ്തു.

പാക്ട് ചീഫ് കോ-ഓർഡിനേറ്റർ ജ്യോതി മേനോൻ, ലേഡീസ് വിങ് പ്രസിഡന്റ് സജിത സതീഷ് എന്നിവരും ചടങ്ങിൽ സന്നിഹിതരായിരുന്നു. പാക്ട് അംഗങ്ങളായ ബിജു പ്രഭാകർ, ജയപ്രകാശ്, മുഹമ്മദ്, അനിൽകുമാർ, ജഗദീഷ് കുമാർ, സൽമാനുൽ ഫാരിസ്, അനിൽ മാരാർ, ദേവദാസ്, സതീഷ് ഗോപാലകൃഷ്ണൻ, മൂർത്തി, ദീപക്, പ്രസന്ന, ഷീബ, ധന്യ തുടങ്ങിയവർ പങ്കെടുത്തു.

പാക്ട് എക്സിക്യൂട്ടീവ് കമ്മിറ്റി, യങ് ടർക്സ്–പ്രവീൺ ടീം, കോർ കമ്മിറ്റി അംഗങ്ങളും ചടങ്ങിൽ സജീവ സാന്നിധ്യമായി. വരാനിരിക്കുന്ന ഓണാഘോഷം വിജയകരമാക്കുന്നതിനുള്ള ഒരുക്കങ്ങൾക്കും പ്രവർത്തനങ്ങൾക്കും എല്ലാവരും പൂർണ പിന്തുണ പ്രഖ്യാപിച്ചു.

പാക്ടിന്റെ ഇരുപതാം വാർഷികാഘോഷങ്ങളുടെ ഭാഗമായി സംഘടിപ്പിക്കുന്ന ‘ഒരുമയുടെ ഓണം 2026’, ബഹ്‌റൈനിലെ പ്രവാസി സമൂഹത്തിന്റെ ഓർമയിൽ നിറയുന്ന ആഘോഷമായി മാറ്റാനുള്ള ഒരുക്കങ്ങളാണ് പുരോഗമിക്കുന്നത്. സ്നേഹവും സൗഹൃദവും ഒരുമയും പങ്കുവെച്ച് പാലക്കാടിന്റെ ഓണപ്പെരുമ ബഹ്‌റൈനിൽ വീണ്ടും നിറയുന്ന ദിനത്തിനായുള്ള കാത്തിരിപ്പിലാണ് പാക്ട് കുടുംബം. രവി മാരത്ത് നന്ദി രേഖപ്പെടുത്തി. പരിപാടിയുടെ കൂടുതൽ വിവരങ്ങൾക്കായി 3987 1460, +973 3914 3350 എന്നീ നമ്പരിൽ ബന്ധപ്പെടണം.

The post സ്റ്റാർവിഷൻ ഇവന്റ്സ് ഒരുക്കുന്ന പാക്ട് ‘ഒരുമയുടെ ഓണം 2026’; ടിക്കറ്റും ഫ്ലയറും പ്രകാശനം ചെയ്തു, സെപ്റ്റംബർ 18ന് ഇന്ത്യൻ ക്ലബ്ബിൽ ആഘോഷം appeared first on Starvision News Malayalam.

ചെന്നൈ: തമിഴ് സിനിമയും രാഷ്ട്രീയവും വീണ്ടും ചരിത്രനിമിഷത്തിന് സാക്ഷിയാകുന്നു. തമിഴ്‌നാട് മുഖ്യമന്ത്രിയായിരിക്കെ സി. ജോസഫ് വിജയ് നായകനായി അഭിനയിച്ച ‘ജനനായകൻ’ വൻ ആരാധകാഘോഷങ്ങളോടെ വ്യാഴാഴ്ച തിയേറ്ററുകളിലെത്തി. മുഖ്യമന്ത്രിപദം ഏറ്റെടുത്തശേഷം തിയേറ്ററുകളിലെത്തുന്ന വിജയ് ചിത്രം എന്ന പ്രത്യേകതയും ‘ജനനായകനുണ്ട്’.

1977-ൽ എം.ജി. രാമചന്ദ്രൻ തമിഴ്‌നാട് മുഖ്യമന്ത്രിയായി അധികാരമേറ്റതിന് പിന്നാലെ അദ്ദേഹം നായകനായ ‘മീനവ നൻബൻ’ റിലീസ് ചെയ്തിരുന്നു. അതിനുശേഷം ഏകദേശം അഞ്ച് പതിറ്റാണ്ടുകൾ പിന്നിടുമ്പോഴാണ് തമിഴകത്തിന്റെ മുഖ്യമന്ത്രി കേന്ദ്രകഥാപാത്രത്തെ അവതരിപ്പിച്ച മറ്റൊരു ചിത്രം പ്രദർശനത്തിനെത്തുന്നത്. വിജയ് മുഖ്യമന്ത്രിയായി ചുമതലയേറ്റ് രണ്ടുമാസത്തിലേറെ പിന്നിടുമ്പോഴാണ് ‘ജനനായകന്റെ’ റിലീസ്.

വിജയ്‌യുടെ അവസാന സിനിമയെന്ന നിലയിൽ പ്രഖ്യാപിക്കപ്പെട്ട ചിത്രം നേരത്തേ ജനുവരിയിൽ റിലീസ് ചെയ്യാനായിരുന്നു തീരുമാനം. എന്നാൽ സെൻട്രൽ ബോർഡ് ഓഫ് ഫിലിം സർട്ടിഫിക്കേഷനുമായി ബന്ധപ്പെട്ട നടപടികളും തുടർന്നുണ്ടായ നിയമപോരാട്ടങ്ങളും കാരണം റിലീസ് മാസങ്ങളോളം വൈകുകയായിരുന്നു. ആവശ്യപ്പെട്ട മാറ്റങ്ങൾ വരുത്തിയതിനെത്തുടർന്ന് ചിത്രം ‘എ’ സർട്ടിഫിക്കറ്റോടെയാണ് പ്രദർശനാനുമതി നേടിയത്.

എച്ച്. വിനോദ് സംവിധാനം ചെയ്ത പൊളിറ്റിക്കൽ ആക്ഷൻ ചിത്രത്തിൽ വിരമിച്ച പൊലീസ് ഉദ്യോഗസ്ഥനായാണ് വിജയ് എത്തുന്നത്. സാമൂഹികനീതിയും സാധാരണക്കാരുടെ സംരക്ഷണവും ഉൾപ്പെടെയുള്ള വിഷയങ്ങളാണ് ചിത്രത്തിന്റെ പ്രമേയമെന്നാണ് പുറത്തുവരുന്ന വിവരം. പൂജ ഹെഗ്‌ഡെ, ബോബി ഡിയോൾ, മമിത ബൈജു, പ്രകാശ് രാജ് തുടങ്ങിയവരും പ്രധാന വേഷങ്ങളിലുണ്ട്.

റിലീസിന് മുമ്പുതന്നെ ചിത്രത്തിന് വൻതോതിൽ ടിക്കറ്റ് ബുക്കിങ് ലഭിച്ചു. ആദ്യഘട്ട കണക്കുകൾ പ്രകാരം 6.45 ലക്ഷത്തിലധികം ടിക്കറ്റുകൾ മുൻകൂട്ടി വിറ്റഴിഞ്ഞപ്പോൾ, റിലീസ് ദിനത്തോടെ വിൽപ്പന ഏഴുലക്ഷം പിന്നിട്ടതായാണ് റിപ്പോർട്ടുകൾ. ആദ്യദിന ആഗോള കളക്ഷൻ 100 കോടി രൂപയിലെത്തുമെന്ന പ്രതീക്ഷയിലാണ് സിനിമാ വ്യാപാരലോകം.

തമിഴ്‌നാടിന് പുറമെ കേരളം, കർണാടക തുടങ്ങിയ സംസ്ഥാനങ്ങളിലും വിദേശരാജ്യങ്ങളിലും വിപുലമായ റിലീസാണ് ചിത്രത്തിന് ലഭിച്ചിരിക്കുന്നത്. കേരളത്തിൽ പുലർച്ചെ മുതൽ പ്രദർശനങ്ങൾ ആരംഭിച്ചു. തമിഴ്‌നാട്ടിൽ രാവിലെ ഒമ്പതിനായിരുന്നു ആദ്യ ഷോ. പുതുച്ചേരിയിൽ നിശ്ചയിച്ചിരുന്ന ചില പ്രഭാതപ്രദർശനങ്ങൾ ടിക്കറ്റ് വിതരണവുമായി ബന്ധപ്പെട്ട പ്രശ്നങ്ങളെ തുടർന്ന് റദ്ദാക്കിയതായും റിപ്പോർട്ടുണ്ട്.

മുഖ്യമന്ത്രിയായിരിക്കെ വിജയ്‌യുടെ ചിത്രം തിയേറ്ററുകളിലെത്തിയതോടെ സിനിമാ-രാഷ്ട്രീയ രംഗങ്ങളിൽ ‘ജനനായകൻ’ വലിയ ചർച്ചയായി മാറിയിരിക്കുകയാണ്. ആരാധകരെ സംബന്ധിച്ചിടത്തോളം ഇത് ആഘോഷ റിലീസ് മാത്രമല്ല, വിജയ്‌യുടെ ദീർഘമായ സിനിമാ ജീവിതത്തിനുള്ള വികാരനിർഭരമായ വിടവാങ്ങൽ കൂടിയാണ്.

The post എം.ജി.ആറിന് ശേഷം വിജയ്; അഞ്ച് പതിറ്റാണ്ടിനിപ്പുറം തമിഴകത്ത് ചരിത്രമെഴുതി ‘ജനനായകൻ’ appeared first on Starvision News Malayalam.

കാലാവസ്ഥാ വ്യതിയാനം ഇന്ന് ഏതെങ്കിലും ഒരു രാജ്യത്തെയോ ജനവിഭാഗത്തെയോ മാത്രം ബാധിക്കുന്ന പ്രശ്നമല്ല. അത് എപ്പോൾ, എങ്ങനെ, ആരെയെല്ലാം ബാധിക്കുമെന്ന ഗൗരവമേറിയ ചോദ്യങ്ങൾക്കുള്ള ഉത്തരവും, ഒരു സാധാരണ പൗരന് ഇതിനെതിരെ എന്ത് ചെയ്യാൻ കഴിയുമെന്ന സന്ദേശവുമാണ് ഈ ഡോക്യുമെന്ററി പങ്കുവെക്കുന്നത്.

“ജോയ് കെ. മാത്യുവിന്റെ ഡോക്യുമെന്ററി പരമ്പരയിലെ അഞ്ചാമത്തെ ഡോക്യുമെന്ററിയാണ് ‘എ ത്രെറ്റ് ടു ലൈഫ്’. ലോക റെക്കോർഡ് നേടിയ രണ്ട് ഡോക്യുമെന്ററികളുടെ ക്യാമറാമാനായി പ്രവർത്തിച്ച ജോയ് കെ. മാത്യു തന്നെയാണ് ഈ ഡോക്യുമെന്ററിയുടെയും ഛായാഗ്രഹണം നിർവ്വഹിക്കുന്നത്.”
മികച്ച സാങ്കേതിക പ്രവർത്തകരാണ് ഈ ഡോക്യുമെന്ററിക്കായി അണിനിരക്കുന്നത്. സെക്കൻഡ് യൂണിറ്റ് ക്യാമറാമാനായി ആദം കെ.അന്തോണിയും സഞ്ജു സുകുമാരൻ സംഗീതവും, ലിൻസൺ റാഫേൽ എഡിറ്റിംഗും കൈകാര്യം ചെയ്യുന്നു. ജുബിൻ രാജ് (സൗണ്ട് മിക്സിങ്), സി.ആർ. സജയ് (കളറിസ്റ്റ്), ഫിലിപ്പ് ഹ്യൂബ് (പ്രൊഡക്ഷൻ കൺട്രോളർ), ക്ലെയർ (പ്രൊഡക്ഷൻ എക്സിക്യൂട്ടീവ്), ഷിബിൻ സി. ബാബു (പോസ്റ്റർ ഡിസൈൻ), നിതിൻ നന്ദകുമാർ (അനിമേഷൻ) പി.ആർ. സുമേരാൻ (പി. ആർ. ഒ.)
എന്നിവരാണ് മറ്റ് അണിയറ പ്രവർത്തകർ. ‘ആംഫി’ തന്നെയാണ് ക്യാമറ & ലൈറ്റ്സ് യൂണിറ്റ് ഒരുക്കുന്നത്. മനുഷ്യരാശിയുടെ നിലനിൽപ്പിനായുള്ള വലിയൊരു സന്ദേശവുമായാണ് ‘എ ത്രെറ്റ് ടു ലൈഫ്’ പ്രേക്ഷകരിലേക്ക് എത്തുവാൻ ഒരുങ്ങുന്നത്.

The post ജോയ് കെ. മാത്യുവിന്റെ ഡോക്യുമെന്ററി പരമ്പരയിലെ അഞ്ചാമത്തെ ഡോക്യുമെന്ററിയായ ‘എ ത്രെറ്റ് ടു ലൈഫ്’. ആരംഭിച്ചു appeared first on Starvision News Malayalam.

ന്യൂഡൽഹി: 72-ാമത് ദേശീയ ചലച്ചിത്ര പുരസ്‌കാരങ്ങൾ പ്രഖ്യാപിച്ചപ്പോൾ മലയാള സിനിമയ്ക്ക് അഭിമാന നേട്ടം. മികച്ച നടനുള്ള ദേശീയ പുരസ്‌കാരം മമ്മൂട്ടി സ്വന്തമാക്കി. കാർത്തിക് ആര്യനൊപ്പമാണ് മമ്മൂട്ടി മികച്ച നടനുള്ള പുരസ്‌കാരം പങ്കിട്ടത്.

രാഹുൽ സദാശിവൻ സംവിധാനം ചെയ്ത ‘ഭ്രമയുഗം’ എന്ന ചിത്രത്തിലെ അതുല്യമായ പ്രകടനത്തിനാണ് മമ്മൂട്ടിക്ക് പുരസ്‌കാരം ലഭിച്ചത്. ചിത്രത്തിലെ കൊടുമൺ പോറ്റി എന്ന കഥാപാത്രത്തിലൂടെ മമ്മൂട്ടി പ്രേക്ഷകരെയും നിരൂപകരെയും ഒരുപോലെ ഞെട്ടിച്ചിരുന്നു.

ഇത് നാലാം തവണയാണ് മമ്മൂട്ടി ദേശീയ ചലച്ചിത്ര പുരസ്‌കാരം നേടുന്നത്. നേരത്തെ ‘മതിലുകൾ’, ‘ഒരു വടക്കൻ വീരഗാഥ’, ‘പൊന്തൻമാട’, ‘വിധേയൻ’, ‘ഡോ. ബാബാസാഹേബ് അംബേദ്കർ’ എന്നീ ചിത്രങ്ങളിലെ പ്രകടനങ്ങളിലൂടെ മമ്മൂട്ടി ദേശീയ തലത്തിൽ അംഗീകാരം നേടിയിരുന്നു.

34 ഭാഷകളിൽ നിന്നായി 400 ചിത്രങ്ങളാണ് ഇത്തവണ ദേശീയ ചലച്ചിത്ര പുരസ്‌കാരത്തിനായി മത്സരിച്ചത്. ശക്തമായ മത്സരത്തിനിടയിലാണ് ‘ഭ്രമയുഗം’ മമ്മൂട്ടിക്ക് വീണ്ടും ദേശീയ അംഗീകാരം നേടിക്കൊടുത്തത്.

മമ്മൂട്ടിയുടെ പ്രകടനത്തിന് പുറമെ ‘ഭ്രമയുഗം’ മികച്ച ഛായാഗ്രഹണത്തിനുള്ള പുരസ്‌കാരവും നേടി. ചിത്രത്തിലെ അഭിനയത്തിന് മമ്മൂട്ടിക്ക് നേരത്തെ സംസ്ഥാന ചലച്ചിത്ര പുരസ്‌കാരവും ലഭിച്ചിരുന്നു.

ദേശീയ പുരസ്‌കാര പ്രഖ്യാപനത്തോടെ മലയാള സിനിമക്കും മമ്മൂട്ടി ആരാധകർക്കും ഇത് അഭിമാന നിമിഷമായി മാറി.

The post 72-ാമത് ദേശീയ ചലച്ചിത്ര പുരസ്‌കാരം: മമ്മൂട്ടി മികച്ച നടൻ; പുരസ്‌കാരം കാർത്തിക് ആര്യനൊപ്പം പങ്കിട്ടു appeared first on Starvision News Malayalam.

മനാമ : ബഹ്‌റൈനിലെ കലാ-സാംസ്കാരിക രംഗത്ത് നാല് ദശകത്തിലേറെയായി നവീന സങ്കേതങ്ങളിലൂടെയും മികച്ച സംഘാടനത്തിലൂടെയും ബഹ്‌റൈൻ നാടകലോകത്തിന് പുതിയ അനുഭവങ്ങൾ സമ്മാനിക്കുന്ന പുരോഗമന കലാ-സാംസ്കാരിക-ജീവകാരുണ്യ സംഘടനയായ ബഹ്‌റൈൻ പ്രതിഭ ഏർപ്പെടുത്തുന്ന ‘പ്രതിഭ അന്താരാഷ്ട്ര നാടക പുരസ്കാരം 2026’നുള്ള രചനകൾ ക്ഷണിച്ചു.
ലോകത്തെവിടെയും താമസിക്കുന്ന ഇന്ത്യൻ പൗരന്മാർക്ക് പങ്കെടുക്കാവുന്ന ഈ മത്സരത്തിൽ വിജയി ആകുന്നയാൾക്ക് 25,000 രൂപ ക്യാഷ് അവാർഡ്, പപ്പൻ ചിരന്തന സ്മാരക ഫലകം, കീർത്തിപത്രം എന്നിവ ഉൾപ്പെടുന്ന പുരസ്കാരമാണ് നൽകുന്നത്.. ഇന്ത്യയിലെ നാടകരംഗത്തെ പ്രമുഖ വ്യക്തിത്വങ്ങൾ അടങ്ങുന്ന ജൂറി സമിതിയാണ് രചനകൾ തിരഞ്ഞെടുക്കുക.

പുരസ്കാരത്തിന് പരിഗണിക്കുന്ന രചനകൾ പുരോഗമനാശയങ്ങൾ ഉൾക്കൊള്ളുന്നതും ഒരു മണിക്കൂർ വരെ അവതരണ ദൈർഘ്യമുള്ളവയും
2025 ജനുവരി 1-ന് ശേഷം പ്രസിദ്ധീകരിച്ചതോ അപ്രസിദ്ധീകൃതമോ ആയ മൗലിക രചനകൾ ആയിരിക്കണം. നാടകരചനകൾ 2026 ആഗസ്റ്റ് 31നകം bpdramaawards@gmail.com എന്ന ഇമെയിൽ വിലാസത്തിൽ പി.ഡി. എഫ് ഫോർമാറ്റിൽ ലഭിക്കണം. രചനയിൽ രചയിതാവിന്റെ പേരോ മറ്റ് സൂചനകളോ ഉൾപ്പെടുത്തരുതെന്നും രചയിതാവിന്റെ വ്യക്തിഗത വിവരങ്ങൾ (പേര്, മേൽവിലാസം, മൊബൈൽ നമ്പർ, ഇമെയിൽ) പ്രത്യേക അനുബന്ധമായി അയക്കണമെന്നും ബഹ്‌റൈൻ പ്രതിഭ ജനറൽ സെക്രട്ടറി സുലേഷ്, പ്രസിഡന്റ് മഹേഷ് കെ.വി, നാടകവേദി കൺവീനർ ലിജിത്ത് എന്നിവർ പത്രക്കുറിപ്പിലൂടെ അറിയിച്ചു.

The post “ബഹ്‌റൈൻ പ്രതിഭ അന്താരാഷ്ട്ര നാടക പുരസ്കാരം 2026”: നാടകരചനകൾ ക്ഷണിക്കുന്നു appeared first on Starvision News Malayalam.

കൊച്ചി: നടനും നിരവധി കവര്‍ സോങ്ങുകളിലൂടെ ശ്രദ്ധേയനുമായ അക്ഷയ് അജിത്ത് സംവിധാനം ചെയ്ത് നായകനായി എത്തുന്ന ചിത്രം ‘ദില്‍’ ഈ മാസം 6 ന് ബാംഗ്ലൂരില്‍ ചിത്രീകരണം ആരംഭിക്കും. പ്രണയത്തിനും പ്രതികാരത്തിനുമിടയിലെ മനശാസ്ത്രപരമായ പോരാട്ടമാണ് ചിത്രം പറയുന്നത്. മനുഷ്യബന്ധങ്ങളിലെ വിശ്വാസവും അവിശ്വാസവുമൊക്കെ പ്രമേയമായി വരുന്ന ‘ദില്‍’ഒരു ഇമോഷണല്‍ സസ്പെന്‍സ് ത്രില്ലറാണ്. വിശ്വസിച്ച ഒരാളില്‍ നിന്നുള്ള വഞ്ചന മറ്റൊരാളുടെ ജീവിതത്തെ എത്രമാത്രം തീവ്രമായി ബാധിക്കുമെന്ന യാഥാര്‍ത്ഥ്യമാണ് ചിത്രം ചൂണ്ടിക്കാട്ടുന്നതെന്ന് സംവിധായകനും നായകനുമായ അക്ഷയ് അജിത്ത് പറഞ്ഞു. മലയാളത്തിലെ ഒട്ടുമിക്ക ചിത്രങ്ങളിലും നിരവധി കഥാപാത്രങ്ങള്‍ക്ക് ജീവന്‍ പകര്‍ന്ന അക്ഷയ് അജിത്ത് മലയാളം, തമിഴ് ഗാനങ്ങളുടെ കവര്‍ സോങ്ങുകള്‍ ഒരുക്കി ദക്ഷിണേന്ത്യയില്‍ അറിയപ്പെടുന്ന ഗായകനാണ്.

മലയാളത്തിലെ പ്രമുഖ താരങ്ങള്‍ക്കു പുറമെ ഒട്ടേറെ നടീനടന്മാരെയും ഉള്‍പ്പെടുത്തിയാണ് ചിത്രം ഒരുങ്ങുന്നത്. ബാംഗ്ലൂരും കേരളവുമാണ് പ്രധാന ലൊക്കേഷനുകള്‍.
ബാനർ – സിനി സൗത്ത് പ്രൊഡക്ഷൻസ്, നിർമ്മാണം – സിനി സൗത്ത് പ്രൊഡക്ഷൻസ്,
സംവിധാനം – അക്ഷയ് അജിത്,
കഥ – സജി ബേബി
ഛായാഗ്രഹണം – അജിത് തോമസ്,
അസോസിയേറ്റ് സംവിധായകർ – ജിൻസ് & മാർട്ടിൻ ,
സഹസംവിധായകർ – എൽദോസ്, ജെയിംസ്, ശരത്.
കലാസംവിധാനം – ജീവമോൻ ,
വസ്ത്രാലങ്കാരം – സൂര്യ.
മേക്ക്‌അപ്പ് – റൊണക്സ് ,
നൃത്തസംവിധാനം – പ്രമേഷ്,
ആക്ഷൻ സംവിധാനം – കലൈ കിങ്സ്റ്റൺ ,
സംഗീതം – ഗോപി സുന്ദർ & സിവിൻ
എഡിറ്റർ,അസിസ്റ്റന്റ് – ടൈറ്റസ്,
പ്രൊഡക്ഷൻ കൺട്രോളർ – സജി പുതുപ്പള്ളി,
പി.ആർ.ഒ. – പി.ആർ .സുമേരൻ ,
സ്റ്റിൽസ് – സന്തോഷ്
ലൊക്കേഷൻ മാനേജർമാർ – സുനിൽ & ബാബു. തുടങ്ങായവരാണ് ചിത്രത്തിന്റെ അണിയറ പ്രവർത്തികർ.

The post അക്ഷയ് അജിത്തിന്‍റെ ‘ദില്‍’ഒരുങ്ങി,ചിത്രീകരണം ബാംഗ്ലൂരില്‍ 6 ന് ആരംഭിക്കും appeared first on Starvision News Malayalam.

ന്യൂഡൽഹി: റിപ്പബ്ലിക് ദിനത്തോടനുബന്ധിച്ച് പ്രഖ്യാപിച്ച പത്മഭൂഷൺ ബഹുമതി മലയാളത്തിന്റെ പ്രിയതാരം മമ്മൂട്ടി രാഷ്ട്രപതി ഭവനിൽ നടന്ന ചടങ്ങിൽ ഏറ്റുവാങ്ങി. രാഷ്ട്രപതി ദ്രൗപതി മുർമുവാണ് പുരസ്‌കാരം സമ്മാനിച്ചത്.

ചടങ്ങിനായി കുടുംബസമേതം ഡൽഹിയിലെത്തിയ മമ്മൂട്ടി, പുരസ്‌കാരം സ്വീകരിക്കുന്നതിന് മുമ്പ് പ്രധാനമന്ത്രി നരേന്ദ്ര മോദി, ആഭ്യന്തരമന്ത്രി അമിത് ഷാ, ലോക്‌സഭാ സ്പീക്കർ ഓം ബിർള എന്നിവരെ കൈകൂപ്പി അഭിവാദ്യം ചെയ്തു. തുടർന്ന് രാഷ്ട്രപതിക്കരികിലെത്തി ബഹുമതി സ്വീകരിച്ചു.

എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശനും ചടങ്ങിൽ പത്മഭൂഷൺ പുരസ്‌കാരം ഏറ്റുവാങ്ങി. കൂടാതെ, കെ.ടി. തോമസ്, പി. നാരായണൻ എന്നിവർ രാഷ്ട്രപതിയിൽ നിന്ന് പത്മവിഭൂഷൺ ബഹുമതി സ്വീകരിച്ചു. രാജ്യത്തിന്റെ വിവിധ മേഖലകളിൽ മികച്ച സംഭാവനകൾ നൽകിയ വ്യക്തികൾക്കാണ് പത്മ പുരസ്‌കാരങ്ങൾ നൽകുന്നത്.

The post മോദിയെയും അമിത് ഷായെയും കൈകൂപ്പി അഭിവാദ്യം ചെയ്ത് മമ്മൂട്ടി; പത്മഭൂഷൺ ഏറ്റുവാങ്ങി appeared first on Starvision News Malayalam.

കൊച്ചി: താരസംഘടനയായ ‘അമ്മ’യിൽ വൻ നാടകീയ സംഭവവികാസങ്ങൾ. വാർഷിക ജനറൽ ബോഡി യോഗത്തിൽ ഉണ്ടായ രൂക്ഷമായ തർക്കങ്ങൾക്ക് പിന്നാലെ പ്രസിഡൻ്റ് ശ്വേത മേനോൻ ഉൾപ്പെടെ മുഴുവൻ ഭരണസമിതിയും രാജിവെച്ചു.

ഇന്ന് രാവിലെ ആരംഭിച്ച വാർഷിക ജനറൽ ബോഡി യോഗത്തിൽ വാർഷിക റിപ്പോർട്ടും വരവ്-ചെലവ് കണക്കുകളും അവതരിപ്പിച്ചതോടെയാണ് തർക്കം ആരംഭിച്ചത്. റിപ്പോർട്ടിലെ സാമ്പത്തിക കണക്കുകളിൽ വ്യക്തതയില്ലെന്ന് ആരോപിച്ച് നിരവധി അംഗങ്ങൾ എതിർപ്പ് രേഖപ്പെടുത്തി.

യോഗത്തിനിടെ സംസാരിച്ച പ്രസിഡൻ്റ് ശ്വേത മേനോൻ, തനിക്കെതിരെ ബോധപൂർവമായ പ്രചാരണങ്ങൾ നടക്കുന്നുവെന്ന് ആരോപിക്കുകയും അധ്യക്ഷ സ്ഥാനത്ത് നിന്ന് രാജിവെക്കുന്നതായി പ്രഖ്യാപിക്കുകയും ചെയ്തു. തുടർന്ന് മുതിർന്ന അംഗങ്ങൾ അനുനയിപ്പിക്കാൻ ശ്രമിച്ചെങ്കിലും സാഹചര്യം കൂടുതൽ സങ്കീർണ്ണമാവുകയായിരുന്നു.

സിദ്ധിഖ്, ബാബുരാജ്, ഇടവേള ബാബു, രഞ്ജി പണിക്കർ തുടങ്ങിയ പ്രമുഖർ റിപ്പോർട്ടിലെ സാമ്പത്തിക വിവരങ്ങളിൽ വ്യക്തത വേണമെന്ന് ആവശ്യപ്പെട്ടു. വിഷയത്തിൽ കൂടുതൽ പരിശോധന ആവശ്യപ്പെട്ട് 45 ദിവസത്തെ സമയം നൽകണമെന്ന് ശ്വേത മേനോൻ നിർദേശിച്ചെങ്കിലും തർക്കം അവസാനിച്ചില്ല.

The post ‘അമ്മ’യിൽ നാടകീയ സംഭവവികാസങ്ങൾ; ഭരണസമിതി കൂട്ടരാജി, പുതിയ അഡ്ഹോക്ക് കമ്മിറ്റി appeared first on Starvision News Malayalam.