കൊല്ക്കത്ത: ബംഗാളില് അനധികൃത പടക്ക നിര്മ്മാണശാലയിലുണ്ടായ സ്ഫോടനത്തില് ഏഴ് മരണം. നിരവധി പേര്ക്ക് ഗുരുതരമായി പരിക്കേറ്റു. ഈസ്റ്റ് മിഡ്നാപുര് ജില്ലയില് പ്രവര്ത്തിച്ചിരുന്ന പടക്ക നിര്മ്മാണശാലയിലാണ് സ്ഫോടനമുണ്ടായത്.
സ്ഫോടനത്തില് കെട്ടിടം പൂര്ണമായും നശിച്ചു. അനധികൃത പടക്ക നിര്മ്മാണശാലയുടെ ഉടമയെ മുന്പ് അറസ്റ്റ് ചെയ്തിരുന്നു. എന്നാല് ഇയാള് ജാമ്യത്തിലിറങ്ങി വീണ്ടും സ്ഥാപനം പുനരാരംഭിക്കുകയായിരുന്നെന്ന് പൊലീസ് പറഞ്ഞു. മരിച്ചവരുടെ കുടുംബാംഗങ്ങള്ക്ക് രണ്ടരലക്ഷം രൂപ വീതം അടിയന്തര ധനസഹായം നല്കുമെന്ന് മുഖ്യമന്ത്രി മമത ബാനര്ജി അറിയിച്ചു.