മനാമ: ബഹ്‌റൈനിൽ ഒക്ടോബർ 12 ന് നടത്തിയ 13,622 കോവിഡ് ടെസ്റ്റുകളിൽ 69 പുതിയ കേസുകൾ സ്‌ഥിരീകരിച്ചു. ഇവരിൽ 16 പേർ പ്രവാസി തൊഴിലാളികളാണ്. 48 പുതിയ കേസുകൾ സമ്പർക്കം മൂലവും 5 എണ്ണം യാത്രയുമായി ബന്ധപ്പെട്ടുമാണ് രോഗബാധിതരായത്. 0.51% ആണ് ടെസ്റ്റ് പോസിറ്റിവിറ്റി നിരക്ക്.
കോവിഡ്-19ൽ നിന്ന് 39 പേർ പുതുതായി രോഗമുക്തരായി. ഇതോടെ രാജ്യത്ത് ഇതുവരെ ആകെ രോഗം ഭേദമായവർ 2,73,787 ആയി വർദ്ധിച്ചു. ഇന്ന് മരണങ്ങൾ ഒന്നും റിപ്പോർട്ട് ചെയ്യപ്പെട്ടിട്ടില്ല. രാജ്യത്തെ ആകെ മരണം 1,390 ആണ്.
നിലവിൽ രാജ്യത്തിന്റെ വിവിധ ഭാഗങ്ങളിൽ ചികിത്സയിൽ കഴിയുന്നവർ 626 പേരാണ്. ഇതിൽ 3 പേർ ഗുരുതരാവസ്ഥയിലാണ്. 623 പേരുടെ നില തൃപ്തികരമാണ്.
ബഹ്‌റൈനിൽ ഇതുവരെ 66,25,936 പേരാണ് പരിശോധനയ്ക്ക് വിധേയരായിട്ടുള്ളത്. ഇതുവരെയുള്ള കണക്ക് പ്രകാരം 11,69,414 പേർ ഓരോ ഡോസും 11,30,624 പേർ രണ്ട് ഡോസും 3,77,035 പേർ ബൂസ്റ്റർ ഡോസും വാക്സിൻ സ്വീകരിച്ചിട്ടുണ്ട്.
