Author: News Desk

മനാമ: സനദ് പെൺകുട്ടിയെ കൊലപ്പെടുത്തിയ കേസിലെ കൊലയാളിയെ  28 വർഷം തടവിന് ഹൈ ക്രിമിനൽ കോടതി ശിക്ഷിച്ചു. ആസൂത്രിതമല്ലാത്ത കൊലപാതകത്തിന് ജീവപര്യന്തം തടവിന് ശിക്ഷിക്കുകയും ലൈംഗികാതിക്രമ ആരോപണങ്ങളിൽ അധികമായി മൂന്ന് വർഷത്തെ തടവ് ശിക്ഷയും വിധിച്ചു. https://youtu.be/VoLh7iM7yIk?si=hh0C6GDXdO2kXgbS&t=73

മനാമ: അറബ് മേഖലയിലെ ഇന്റർനാഷണൽ ടെലികമ്മ്യൂണിക്കേഷൻ യൂണിയൻ (ഐടിയു) റീജിയണൽ ഡെവലപ്‌മെന്റ് ഫോറത്തിന് ബഹ്‌റൈൻ ആതിഥേയത്വം വഹിക്കും. നവംബർ 6-8 തീയതികളിൽലാണ് ഫോറം നടക്കുക. ഇന്റർനാഷണൽ ടെലികമ്മ്യൂണിക്കേഷൻ യൂണിയന്റെ ടെലികമ്മ്യൂണിക്കേഷൻ ഡെവലപ്‌മെന്റ് ബ്യൂറോ (BDT) ആണ് ഫോറം സംഘടിപ്പിക്കുന്നത്. ഗതാഗത ടെലികമ്മ്യൂണിക്കേഷൻ മന്ത്രാലയമാണ് ആതിഥേയത്വം വഹിക്കുന്നത്. ആശയവിനിമയ, വിവരസാങ്കേതിക രംഗത്തെ നയരൂപകർത്താക്കൾ, അക്കാദമിക് സ്ഥാപനങ്ങൾ, പ്രാദേശിക, അന്തർദേശീയ വികസന ഏജൻസികൾ, ഓർഗനൈസേഷനുകൾ എന്നിവയ്ക്കിടയിൽ ഉയർന്ന തലത്തിലുള്ള ചർച്ചകൾക്കും സഹകരണത്തിനും പങ്കാളിത്തത്തിനും ഇത് അവസരം നൽകുന്നു. https://youtu.be/VoLh7iM7yIk?si=qUJnLtcQp-iSE8n1&t=2 ടെലികമ്മ്യൂണിക്കേഷൻ മേഖല വികസിപ്പിക്കുന്നതിലെ നേട്ടങ്ങൾ ചർച്ച ചെയ്യുന്നതിനും അറബ് മേഖലയിലെ ഡിജിറ്റൽ വികസനം, നവീകരണം, സംരംഭകത്വം എന്നിവയെ അഭിസംബോധന ചെയ്യുന്നതിനുമായി റീജിയണൽ ഡെവലപ്‌മെന്റ് ഫോറം ഫോർ അറബ് റീജിയൻ (RDF-ARB) ആനുകാലികമായി നടത്തപ്പെടുന്നു. ഫോറത്തിന്റെ അവസാന പതിപ്പ് 2020 നവംബറിലാണ് നടന്നത്. ബഹ്‌റൈൻ ആതിഥേയത്വം വഹിക്കുന്ന ഫോറത്തിന്റെ ആദ്യ വ്യക്തിഗത പതിപ്പാണിത്.

മനാമ: തൊഴിൽ സാമൂഹിക വികസന മന്ത്രിയും ലേബർ മാർക്കറ്റ് റെഗുലേറ്ററി അതോറിറ്റി (എൽഎംആർഎ) ഡയറക്ടർ ബോർഡ് ചെയർമാനുമായ ജമീൽ ബിൻ മുഹമ്മദ് അലി ഹുമൈദാൻ ബഹ്റൈനിലെ ഇന്ത്യൻ അംബാസഡർ വിനോദ് കുര്യൻ ജേക്കബുമായി കൂടിക്കാഴ്ച നടത്തി. ബഹ്‌റൈൻ-ഇന്ത്യ ബന്ധങ്ങളെക്കുറിച്ചും അവ വികസിപ്പിക്കാനുള്ള വഴികളെക്കുറിച്ചും യോഗം ചർച്ച ചെയ്തു. അന്താരാഷ്‌ട്ര മാനദണ്ഡങ്ങൾക്കനുസൃതമായി തൊഴിൽ നിയമനിർമ്മാണം നവീകരിക്കുന്നതും സാമൂഹിക സംരക്ഷണം വർദ്ധിപ്പിക്കുന്നതും ഉൾപ്പെടെ തൊഴിൽ വിപണി മെച്ചപ്പെടുത്തുന്നതിനുള്ള ദേശീയ ശ്രമങ്ങളെക്കുറിച്ച് ഹുമൈദാൻ അംബാസഡറോട് വിശദീകരിച്ചു. ഇന്ത്യൻ തൊഴിലാളികളെയും ബഹ്‌റൈനിലെ വികസന പ്രക്രിയയിലെ പങ്കാളിത്തത്തെയും അദ്ദേഹം പ്രശംസിച്ചു. https://youtu.be/VoLh7iM7yIk?si=miPM_hBr5u8OU1eM&t=36 നിക്ഷേപ സൗഹൃദ അന്തരീക്ഷം സ്ഥാപിക്കുന്നതിനും തൊഴിലാളികളുടെ അവകാശങ്ങൾ സംരക്ഷിക്കുന്നതിനും രാജ്യത്തെ അംബാസഡർ പ്രശംസിച്ചു. സഹകരണം ശക്തിപ്പെടുത്താനുള്ള തന്റെ രാജ്യത്തിന്റെ താൽപ്പര്യവും അദ്ദേഹം ഊന്നിപ്പറഞ്ഞു.

മനാമ: ബഹ്‌റിനിൽ പുതുതായി നിയമിതനായ ഇന്ത്യൻ സ്ഥാനപതിയുമായി ബഹ്‌റൈൻ സെന്റ്. പീറ്റേഴ്സ് യാക്കോബായ സുറിയാനി പള്ളി മാനേജിങ് കമ്മറ്റി ഭാരവാഹികൾ കൂടികാഴ്ച നടത്തി . റവ. ഫാ. സഞ്ജയ്‌ ബാബു, സെക്രട്ടറി സന്തോഷ്‌ ആൻഡ്രൂസ് ഐസക്ക്, ട്രഷറർ ബൈജു പി. എം., ജോയിന്റ് സെക്രട്ടറി മനോഷ് കോര, മാനേജിങ് കമ്മറ്റി മെമ്പർ പ്രതീഷ് മാത്യു എന്നിവർ ഇന്ത്യൻ അംബാസിഡർ വിനോദ് കെ ജേക്കബിനെ സന്ദർശിക്കുകയും ആശംസകൾ അറിയിക്കുകയും ചെയ്തു. https://youtu.be/VoLh7iM7yIk?si=d_SN4682p7D1Qwnu&t=92

ന്യൂഡൽഹി: ഐ.സി.സി.യുടെ ആഭിമുഖ്യത്തിൽ നടത്തുന്ന ഏകദിന ക്രിക്കറ്റ് ലോകകപ്പിന്റെ പതിമൂന്നാമത് പതിപ്പാണ് ക്രിക്കറ്റ് ലോകകപ്പ് 2023. 2013-ൽ ലണ്ടനിൽ ചേർന്ന യോഗത്തിൽ ആണ് ഇന്ത്യയെ 2023 ലോകകപ്പിന്റെ ആതിഥേയരായി അന്താരാഷ്ട്ര ക്രിക്കറ്റ് സമിതി പ്രഖ്യാപിച്ചത്. ഇന്ത്യയിൽ മാത്രമായി നടക്കുന്ന രണ്ടാമത് ഏകദിന ക്രിക്കറ്റ് ലോകകപ്പാണിത്. 2023 ഐസിസി പുരുഷ ക്രിക്കറ്റ് ലോകകപ്പ് 2023 ഒക്ടോബർ 5 മുതൽ നവംബർ 19 വരെയാണ് ഇന്ത്യയിൽ നടക്കുന്നത്. ആകെ 10 ടീമുകൾ ആണ് വരാനിരിക്കുന്ന ലോകകപ്പിൽ പങ്കെടുക്കുന്നത്. ലോകകപ്പിൽ ആതിഥേയരായ ഇന്ത്യയ്ക്കൊപ്പം അഫ്ഗാനിസ്ഥാൻ, ഓസ്‌ട്രേലിയ, ഇംഗ്ലണ്ട്, ബംഗ്ലാദേശ്, ന്യൂസിലാൻഡ്, പാകിസ്ഥാൻ, ദക്ഷിണാഫ്രിക്ക എന്നീ രാജ്യങ്ങളും നേരിട്ട് യോഗ്യത നേടിയിട്ടുണ്ട്. 2020-2023 ഐസിസി ക്രിക്കറ്റ് ലോകകപ്പ് സൂപ്പർ ലീഗിലെ പ്രകടനത്തിലൂടെയാണ് ഈ ടീമുകൾ തങ്ങളുടെ സ്ഥാനങ്ങൾ നേടിയത്. ശേഷിക്കുന്ന രണ്ട് ടീമുകളെ സിംബാബ്‌വെയിൽ നടക്കുന്ന ലോകകപ്പ് യോഗ്യതാ മത്സരത്തിലൂടെ തീരുമാനിക്കും. ലോകകപ്പിലെ 48 മത്സരങ്ങളും 10 വേദികളിലായിട്ടാണ് നടക്കുന്നത്‌. ഏകദിന ക്രിക്കറ്റിന്റെ മുൻനിര ടൂർണമെന്റ് നാലാം…

മനാമ: സൗദി അറേബ്യയുടെ തെക്കൻ അതിർത്തിയിൽ പട്രോളിംഗ് നടത്തുന്ന ബഹ്‌റൈൻ സംഘത്തിന് നേരെ യെമൻ വിമതർ നടത്തിയ ആക്രമണത്തെത്തുടർന്ന് ബുധനാഴ്ച മൂന്നാമത്തെ സൈനികനും മരണപ്പെട്ടതായി ബഹ്‌റൈൻ സൈന്യം അറിയിച്ചു. ഫസ്റ്റ് വാറന്റ് ഓഫീസർ ആദം സലേം നസീബാണ് വീരമൃത്യു വരിച്ചത്. അറബ് സഖ്യസേനയിലെ ഓപ്പറേഷൻ ഡിസിസിവിന്റെ ഭാഗമായിരുന്നു നസീബ്. തിങ്കളാഴ്ചത്തെ ആക്രമണത്തിൽ രണ്ടു സൈനികർ വീരമൃത്യു വരിക്കുകയും നിരവധി സൈനികർക്ക് പരിക്കേൽക്കുകയും ചെയ്തു. സൈനികർക്ക് നേരെ പ്രകോപനമില്ലാതെ വിമതർ ഡ്രോൺ ആക്രമണം നടത്തുകയായിരുന്നു.

പരാതി നൽകാനെത്തിയ ദളിത് യുവതിയെ പൊലീസുകാരൻ ബലാത്സംഗം ചെയ്തു. ഉത്തർപ്രദേശിലെ പ്രയാഗ്‌രാജിലാണ് സംഭവം. പെൺകുട്ടിയെ മയക്കുമരുന്ന് നൽകി അബോധാവസ്ഥയിലാക്കിയ ശേഷം കാറിൽ വെച്ച് പീഡിപ്പിക്കുകയായിരുന്നു. പ്രതിയായ എസ്.ഐയെ സസ്‌പെൻഡ് ചെയ്തിട്ടുണ്ട്. സെപ്റ്റംബർ 21നാണ് കേസിനാസ്പദമായ സംഭവം. തന്നെ ചിലർ ശല്യപ്പെടുത്തുന്നുണ്ടെന്നും വധഭീഷണി ഉണ്ടെന്നും ആരോപിച്ച് പരാതി നൽകാനെത്തിയതായിരുന്നു പെൺകുട്ടി. ജങ്ഹായ് പൊലീസ് ഔട്ട്‌പോസ്റ്റ് ഇൻചാർജ് സബ് ഇൻസ്‌പെക്ടർ സുധീർ കുമാർ പാണ്ഡെയ്ക്കാണ് പരാതി നൽകിയത്. സെപ്തംബർ 21ന് വൈകുന്നേരം ഇയാൾ പെൺകുട്ടിയെ വിളിച്ചു വരുത്തി. പ്രതികളെ പിടികൂടാനെന്ന വ്യാജേന പരാതിക്കാരിയെ കാറിൽ കയറ്റി കൊണ്ടുപോകുകയായിരുന്നു. വഴിയിൽ വെച്ച് പെൺകുട്ടിക്ക് മയക്കുമരുന്ന് കലർത്തിയ ശീതളപാനീയം കുടിക്കാൻ നൽകി. തുടർന്ന് അബോധാവസ്ഥയിലായ പെൺകുട്ടിയെ കാറിൽ വെച്ച് തന്നെ സബ് ഇൻസ്‌പെക്ടർ പീഡിപ്പിക്കുകയായിരുന്നു. ഇരയുടെ പരാതിയിൽ സബ് ഇൻസ്‌പെക്ടറെ സസ്‌പെൻഡ് ചെയ്തതായി മുതിർന്ന പൊലീസ് ഉദ്യോഗസ്ഥൻ സുധീർ കുമാർ പറഞ്ഞു. യുവതിയുടെ പരാതിയുടെ അടിസ്ഥാനത്തിൽ സരായ് മാമ്‌റേജ് പൊലീസ് സ്‌റ്റേഷനിലെ സബ് ഇൻസ്‌പെക്ടറായ പാണ്ഡെയ്‌ക്കെതിരെ ഐപിസി…

അഭിനയ മികവിനുള്ള അന്തര്‍ദേശീയ പുരസ്‍കാരത്തിന് അര്‍ഹനായി ടൊവിനോ തോമസ്. നെതര്‍ലന്‍ഡ്‍സിലെ ആംസ്റ്റര്‍ഡാമില്‍ നിന്നുള്ള സെപ്റ്റിമിയസ് അവാര്‍ഡ്സില്‍ മികച്ച ഏഷ്യന്‍ നടനുള്ള പുരസ്കാരമാണ് ടൊവിനോ സ്വന്തമാക്കിയിരിക്കുന്നത്. കേരളത്തിന്‍റെ പ്രളയം പശ്ചാത്തലമാക്കിയ 2018 എന്ന ചിത്രത്തിലെ പ്രകടനമാണ് ടൊവിനോയെ പുരസ്കാരത്തിന് അര്‍ഹനാക്കിയത്. ഇന്ത്യയില്‍ നിന്ന് മറ്റൊരു നടന്‍ മാത്രമാണ് മികച്ച ഏഷ്യന്‍ നടനുള്ള നോമിനേഷനില്‍ ടൊവിനോയ്ക്കൊപ്പം ഇടംപിടിച്ചിരുന്നത്. യുട്യൂബര്‍ കൂടിയായ ഭുവന്‍ ബാം ആയിരുന്നു അത്. തെന്നിന്ത്യയില്‍ നിന്നുള്ള ഒരു അഭിനേതാവിന് ആദ്യമായാണ് ഈ പുരസ്കാരം ലഭിക്കുന്നത്. ഒരിക്കലും വീഴാതിരിക്കുന്നതിലല്ല നമ്മുടെ മഹത്വം. മരിച്ച് വീണുപോകുന്ന ഓരോ തവണയും ഉയര്‍ത്തെഴുന്നേല്‍ക്കുന്നതിലാണ്. 2018 ല്‍ അപ്രതീക്ഷിതമായെത്തിയ പ്രളയം നമ്മുടെ വാതിലുകളില്‍ മുട്ടിയപ്പോള്‍ കേരളം വീഴാന്‍ തുടങ്ങിയതാണ്. പക്ഷേ നമ്മളെന്താണെന്ന് പിന്നീട് ലോകം കണ്ടു. മികച്ച ഏഷ്യന്‍ നടനായി എന്നെ തെരഞ്ഞെടുത്തതിന് സെപ്റ്റിമിയസ് അവാര്‍ഡ്‍സിന് നന്ദി. ഇത് എപ്പോഴും എന്‍റെ ഹൃദയത്തോട് ചേര്‍ന്നിരിക്കും. 2018 എന്ന ചിത്രത്തിലെ പ്രകടനത്തിനാണ് ഈ നേട്ടം എന്നതാണ് ഈ പുരസ്കാരത്തെ പ്രത്യേകതയുള്ളതാക്കുന്നത്.…

റിയാദ്: ഒറ്റ വിസയിൽ ആറ് ഗൾഫ് രാജ്യങ്ങളും സന്ദർശിക്കാൻ സൗകര്യമൊരുങ്ങുന്നു. ഏകീകൃത ടൂറിസ്റ്റ് വിസ ഉടൻ പ്രാബല്യത്തിൽ വരും. സൗദി അറേബ്യ, യു.എ.ഇ, കുവൈത്ത്, ഖത്തർ, ബഹ്റൈന്‍, ഒമാൻ എന്നീ രാജ്യങ്ങൾ സന്ദർശിക്കാനുള്ള ഏകീകൃത ടൂറിസ്റ്റ് വിസ ഉടൻ നടപ്പിലാക്കാൻ അബൂദാബിയിൽ ചേർന്ന ഫ്യൂച്ചർ ഹോസ്പിറ്റാലിറ്റി ഉച്ചകോടിയിലാണ് തീരുമാനമുണ്ടായത്. ഒറ്റ വിസ കൊണ്ട് ടൂറിസ്റ്റുകൾക്ക് ആറ് ഗൾഫ് രാജ്യങ്ങളും സന്ദർശിക്കാനുള്ള അവസരം ഉടനുണ്ടാകുമെന്ന് യു.എ.ഇ സാമ്പത്തിക കാര്യമന്ത്രി അബ്ദുല്ല ബിൻ തൗഖ് അറിയിച്ചു. ടൂറിസം മേഖലയിൽ സൗദി അറേബ്യക്കുണ്ടായ കുതിപ്പ് ഉച്ചകോടിയിൽ ചർച്ചയായി. നടപ്പാക്കാനുദ്ദേശിക്കുന്ന പുതിയ ടൂറിസ്റ്റ് വിസ പ്രകാരം ഗൾഫ് രാജ്യങ്ങളിലെ സ്വദേശി പൗരന്മാർക്കും വിദേശികൾക്കും സ്വതന്ത്രമായി ആറ് ഗൾഫ് രാജ്യങ്ങളിൽ സന്ദർശനം നടത്താമെന്നും ഇത് സംബന്ധിച്ച് ഉടൻ പ്രഖ്യാപനമുണ്ടാകുമെന്നും അദ്ദേഹം വ്യക്തമാക്കി. വിസ നിലവിൽ വരുന്നതോടെ ട്രാൻസിറ്റ് വിസ ആവശ്യമുണ്ടാകില്ല.

മനാമ: ഹൂത്തികൾ നടത്തിയ  ഭീകരാക്രമണത്തിൽ വീരമൃത്യു വരിച്ച സൈനികരായ ലെഫ്റ്റനന്റ് മുബാറക് ഹഷെൽ സായിദ് അൽ കുബൈസി, കോർപ്പറൽ യാഖൂബ് റഹ്മത്ത് മൗലായ് മുഹമ്മദ് എന്നിവരുടെ മൃതദേഹങ്ങൾ ബഹ്‌റൈൻ ഡിഫൻസ് ഫോഴ്‌സിന്റെ (ബിഡിഎഫ്) കമാൻഡർ-ഇൻ-ചീഫ് ഫീൽഡ് മാർഷൽ ഷെയ്ഖ് ഖലീഫ ബിൻ അഹമ്മദ് അൽ ഖലീഫ ഏറ്റുവാങ്ങി. സൈനികരുടെ മൃതദേഹങ്ങൾ റോയൽ ബഹ്‌റൈൻ എയർഫോഴ്‌സ് സൈനിക വിമാനത്തിൽ തിങ്കളാഴ്ചയാണ്  ഇസ എയർ ബേസിൽ എത്തിയത്. സൗദി അറേബ്യയുടെ തെക്കൻ അതിർത്തിയിൽ  നിലയുറപ്പിച്ച ബഹ്‌റൈൻ സേനയ്ക്ക് നേരെ ആളില്ലാ യുദ്ധ വ്യോമ വാഹനങ്ങൾ (യുസിഎവി) ഉപയോഗിച്ച് ഹൂത്തികൾ നടത്തിയ  ഭീകരാക്രമണത്തിലാണ് സൈനികർക്ക് ജീവൻ നഷ്ടമായത്. https://youtu.be/5mLvoVt8qWM?si=LFCPUgKccBD_el-z&t=2 രാജാവിന്റെ മിലിട്ടറി ഓഫീസ് മേധാവി ഷെയ്ഖ് അബ്ദുല്ല ബിൻ സൽമാൻ അൽ ഖലീഫ, സായുധ സേനയുടെ സുപ്രീം കമാൻഡർ ലെഫ്റ്റനന്റ് ജനറൽ അബ്ദുല്ല ബിൻ ഹസൻ അൽ നുഐമി, പ്രതിരോധ കാര്യ മന്ത്രി ലെഫ്റ്റനന്റ് ജനറൽ തിയാൻ ബിൻ സഖർ അൽ നുഐമി, ചീഫ് ഓഫ്…