Author: News Desk

kerala kovid-update ocober 6

മനാമ: കോവിഡ്​ കാരണം പ്രതിസന്ധിയിലായ പ്രവാസികളെ നാട്ടിലെത്തിക്കുന്നതിനായി ​ ആരംഭിച്ച വന്ദേഭാരത്​ ദൗത്യത്തിന്​ കീഴിൽ ബഹ്​റൈനിൽനിന്ന്​ ഇന്ത്യയിലേക്ക്​ ഇതുവരെ സർവിസ്​ നടത്തിയ വിമാനങ്ങളുടെ എണ്ണം 100 കടന്നു. ഞായറാഴ്​ചയാണ് വന്ദേഭാരത്​ ദൗത്യത്തിന്റെ 100 മത് വിമാനം 120 യാത്രക്കാരുമായി പറന്നത്. ഇതുവരെ 29000ത്തിലേറെ പ്രവാസികളാണ്​ ബഹ്​റൈനിൽനിന്ന്​ ഇന്ത്യയിലെത്തിയത്.​ ഇതിൽ 87 ഗൾഫ്​ എയർ വിമാനങ്ങളും സർവിസ്​ നടത്തിയിട്ടുണ്ട്. എയർ ബബിൾ കരാർ പ്രാബല്യത്തിൽ വന്നതിന് ശേഷം ഇതുവരെ 5000ത്തിലേറെ ​ഇന്ത്യക്കാർ ബഹ്​റൈനിലേക്ക്​ തിരിച്ചെത്തി. ലുലു എക്സ്ചേഞ്ചിലൂടെ പണം അയക്കാനായി lulu.app.link/LuLuMoneyApp ക്ലിക്ക് ചെയ്യുക മെയ് 8 ന് വന്ദേഭാരത്​ ദൗത്യം ആരംഭിച്ചതിന് ശേഷം നിരവധി പ്രവാസി സംഘടനകളുടെ നേതൃത്വത്തിൽ നിരവധി ചാർട്ടേർഡ് വിമാന സർവ്വീസുകളും ആരംഭിച്ചിരുന്നു. ഇതുവഴിയും നിരവധി പ്രവാസികൾ ഇന്ത്യയിലെത്തി.

ന്യൂഡൽഹി : ഒക്ടോബർ 15 മുതൽ സംസ്ഥാനങ്ങളുടെ തീരുമാനം അനുസരിച്ച് സിനിമ തിയറ്ററുകൾ തുറക്കാമെന്നും കേന്ദ്രമന്ത്രി ജാവ്ദേക്കർ വ്യക്തമാക്കി.കണ്ടെയ്ന്മെന്റ് സോണുകളിൽ സിനിമ പ്രദർശനം നടത്താൻ അനുവാദമില്ല. തീയറ്ററുകൾക്കുള്ളിലേക്ക് കയറുന്നിടത്തും ഇറങ്ങുന്നിടത്തും കൈകൾ തൊടാതെയുള്ള സാനിട്ടൈസർ ഉണ്ടായിരിക്കണം. തിയറ്ററിനുള്ളിൽ 24-30 ഡിഗ്രീ സെൽഷ്യസ് ആയിരിക്കണം താപനില. ആൾക്കൂട്ടം ഉണ്ടാകുന്ന തരത്തിൽ സിനിമ പ്രദർശിപ്പിക്കാൻ പാടില്ല. ലുലു എക്സ്ചേഞ്ചിലൂടെ പണം അയക്കാനായി lulu.app.link/LuLuMoneyApp ക്ലിക്ക് ചെയ്യുക തിയറ്ററുകളിൽ അൻപത് ശതമാനത്തിൽ കൂടുതൽ ആളുകളെ കയറ്റാൻ പാടില്ല. എല്ലാവരേയും തെർമൻ സ്ക്രീനിംഗ് നടത്തിയതിനു ശേഷമേ ഉള്ളിലേക്ക് പ്രവേശിപ്പിക്കാവൂ. ക്യൂ നിൽക്കാൻ സാമൂഹ്യ അകലം പാലിക്കുന്നവിധത്തിൽ അടയാളപ്പെടുത്തൽ നിർബന്ധമാണ്. ആറടി അകലത്തിൽ മാത്രമേ ആളുകളെ ഇരുത്താവൂ എന്നും നിബന്ധനകളിൽ പറയുന്നു. മാസ്കുകൾ നിർബന്ധമാണ്. എന്നിവയാണ് പ്രധാന നിബന്ധനകൾ. നിയന്ത്രണങ്ങൾ കൂടുതൽ ആവശ്യമെങ്കിൽ സംസ്ഥാനങ്ങളുടെ തീരുമാനമനുസരിച്ച് നടപ്പിലാക്കാം എന്ന് മന്ത്രി വ്യക്തമാക്കി.

മനാമ: ബഹറിനിൽ കഴിഞ്ഞ ദിവസം മരണപ്പെട്ട 2 പ്രവാസികളുടെ മൃതദേഹം ഗൾഫ് എയർ വിമാനത്തിൽ തിരുവനന്തപുരത്തേക്ക് കൊണ്ടുപോയി. അർജുൻ ഉദയകുമാർ എന്ന തമിഴ്നാട് സ്വദേശിയുടെയും മനാമ സെൻട്രൽ മാർക്കറ്റിലെ മട്ടൻ മാർക്കറ്റിൽ ജോലി ചെയ്തിരുന്ന പത്തനാപുരം സ്വദേശി അൻസാരി റാവുത്തറിന്റെയും മൃതദേഹമാണ് കൊണ്ട് പോയത്. നിരവധി സാമൂഹിക പ്രവർത്തകർ ഇതിനായി സഹായം ചെയ്തിരുന്നു. ലുലു എക്സ്ചേഞ്ചിലൂടെ പണം അയക്കാനായി lulu.app.link/LuLuMoneyApp ക്ലിക്ക് ചെയ്യുക

തെന്നിന്ത്യൻ താരം കാജൽ അഗർവാൾ വിവാഹിതയാകുന്നു. ബിസിനസുകാരനായ ഗൗതം കിച്ച്‌ലുവാണ് വരൻ. ഒക്ടോബർ 30 ന് മുംബൈയിൽ വച്ചാണ് വിവാഹം.നടി തന്റെ ഇൻസ്റ്റഗ്രാം അക്കൗണ്ടിലൂടെയാണ് ആരാധകരെ വിവാഹക്കാര്യം അറിയിച്ചിരിക്കുന്നത്. കൊവിഡ് സാഹചര്യമായതുകൊണ്ട് അടുത്ത ബന്ധുക്കൾ മാത്രമടങ്ങുന്ന സ്വകാര്യ ചടങ്ങിലാകും ഇരുവരും വിവാഹിതരാകുക. രണ്ട് ദിവസമായി നടക്കുന്ന വിവാഹാഘോഷത്തിൽ സിനിമാ രംഗത്ത് നിന്നുള്ള അടുത്ത സുഹൃത്തുക്കളും പങ്കെടുക്കും. ഇരുവരുടേതും വീട്ടുകാർ പറഞ്ഞു നിശ്ചയിച്ച വിവാഹമാണ്. കഴിഞ്ഞ മാസമായിരുന്നു വിവാഹനിശ്ചയം. മുംബൈ സ്വദേശിയാണ് കാജൽ. എൻ.ഇ.സി റെമിറ്റിലൂടെ പണം അയക്കാനായി www.necremit.com/ ക്ലിക്ക് ചെയ്യുക 2004ൽ പുറത്തിറങ്ങിയ ക്യൂം! ഹോ ഗയാ നാ എന്ന ഹിന്ദി സിനിമയിലൂടെയാണ് കാജൽ അഗർവാൾ അഭിനയരംഗത്ത് അരങ്ങേറ്റം കുറിച്ചത്.

ന്യൂഡൽഹി : രാജ്യത്ത് കഴിഞ്ഞ 24 മണിക്കൂറിനിടെ 61,267 പേർക്കാണ് രോഗം സ്ഥിരീകരിച്ചത്. രാജ്യത്തെ ആകെ കോവിഡ് ബാധിതർ 66 ലക്ഷം കടന്നു. ആകെ കോവിഡ് ബാധിതരുടെ എണ്ണം 66,85,083 ആണ്. ആകെ രോഗബാധിതരിൽ 56,62,491 പേർ രോഗമുക്തി നേടിയിട്ടുണ്ട്. നിലവിൽ 9,19,023 പേരാണ് വിവിധയിടങ്ങളിൽ ചികിത്സയിൽ കഴിയുന്നത്. കോവിഡ് ബാധയെ തുടർന്ന് കഴിഞ്ഞ ദിവസം 884 പേർ മരണപ്പെട്ടു.. ഇതുവരെ 1,03,569 മരണങ്ങളാണ് രാജ്യത്ത് സ്ഥിരീകരിച്ചത്. മിഡിൽ ഈസ്റ്റ് ഹോസ്‌പിറ്റൽ ചികിത്സക്കായി www.membh.com/ ക്ലിക്ക് ചെയ്യുക രാജ്യത്തിന് ആശ്വസിക്കാൻ വക നൽകുന്നതാണ് ഇന്നത്തെ കോവിഡ് കണക്കുകൾ. മുൻദിനങ്ങളെ അപേക്ഷിച്ച് വലിയ കുറവാണ് പുതുതായി രോഗം സ്ഥിരീകരിച്ചവരുടെ എണ്ണത്തിലും മരണ നിരക്കിലും ഉണ്ടായിരിക്കുന്നത്. കഴിഞ്ഞ ഏതാനും ദിവസങ്ങളായി 80,000 ലധികം പേർക്കാണ് പുതുതായി രോഗബാധ റിപ്പോർട്ട് ചെയ്തിരുന്നത്. 10,89,403 പേരിലാണ് കഴിഞ്ഞ ദിവസം പരിശോധന നടത്തിയത്.

മനാമ: ബഹ്‌റൈൻ ഇന്ത്യൻ എംബസ്സി  ലേബർ ഡിപ്പാർട്മെന്റ് ഉദ്യോഗസ്ഥനായ മുരളീധരൻ  ആർ  കർത്തയ്ക്കും ഭാര്യ പ്രസന്ന മുരളീധരനും,  മാതാ അമൃതാന്ദമയി സേവാ സമിതി യാത്രയയപ്പു നൽകി. കഴിഞ്ഞ 26 വർഷത്തെ സ്തുത്യർഹമായ  സേവനത്തിനു ശേഷം മുരളിധരൻ  ജന്മനാട്ടിലേക്ക് മടങ്ങുകയാണ്. https://youtu.be/3ct93CH6hrY മാസ്സ് ബഹ്‌റൈൻ കോർഡിനേറ്റർ, സുധീർ തിരുനിലത്ത്, പൊന്നാട അണിയിക്കുകയും സ്റ്റീയറിങ് കമ്മിറ്റി മെമ്പർ ശ്രീ കൃഷ്ണകുമാർ മൊമെന്റോ നൽകിയും ആദരിച്ചു. പ്രസന്ന മുരളീധരനെ ലേഖ കൃഷ്ണകുമാർ  പൊന്നാട നൽകി ആദരിച്ചു.  ഡോ. മനോജ്‌, പവിത്രൻ നീലേശ്വരം, മാധവൻ കല്ലത്ത്, സതീഷ്കുമാർ  ഡോ.ബീന മനോജ്‌ എന്നിവർ പങ്കെടുത്തു.

മനാമ: ബഹ്‌റൈനിൽ ഒക്ടോബർ 5 ന് നടത്തിയ 10540 കോവിഡ് -19 പരിശോധനകളിൽ 454 പുതിയ കേസുകൾ സ്‌ഥിരീകരിച്ചു. ഇവരിൽ 127 പേർ പ്രവാസി തൊഴിലാളികളാണ്. 324 പേർക്ക് സമ്പർക്കത്തിലൂടെയാണ് രോഗം പിടിപെട്ടത്. 3 എണ്ണം യാത്രയുമായി ബന്ധപ്പെട്ടതാണ്. പുതുതായി 458 പേർ രോഗമുക്തരായി. ഇതോടെ രാജ്യത്തെ മൊത്തം രോഗമുക്തി 67,933 ആയി ഉയർന്നു. മിഡിൽ ഈസ്റ്റ് ഹോസ്‌പിറ്റൽ ചികിത്സക്കായി www.membh.com/ ക്ലിക്ക് ചെയ്യുക നിലവിൽ രാജ്യത്തിന്റെ വിവിധയിടങ്ങളിൽ 4922 പേർ ചികിത്സയിലുണ്ട്. ഇവരിൽ 61 പേരുടെ നില ഗുരുതരമായി തുടരുന്നു. 4861 പേരുടെ നില തൃപ്തികരമാണ്. കോവിഡ് ബാധിച്ചുള്ള ആകെ മരണം 261 ആണ്. രാജ്യത്ത് ഇതുവരെ 14,88,703 പേരെ പരിശോധനയ്ക്ക് വിധേയമാക്കിയിട്ടുണ്ട്.

തിരുവനന്തപുരം : സെക്രട്ടറിയേറ്റ് തീപിടുത്തം ഷോട്ട് സർക്യൂട്ടല്ലെന്ന് ഫോറൻസിക് കോടതിയിൽ നൽകിയ റിപ്പോർട്ടിൽ വ്യക്തമാക്കി. തീപിടുത്തം നടന്ന മുറിയിലെ 24 വസ്തുക്കൾ പരിശോധിച്ചു. മുറിയിലെ സാനിറ്റൈസർ പോലും കത്തിയില്ല. കത്തിയത് ഫയലുകൾ മാത്രമാണെന്നും ഫോറൻസിക് റിപ്പോർട്ടിൽ പറയുന്നു. ചീഫ് സെക്രട്ടറി അടക്കമുള്ളവരുടെ വിശദീകരണം തള്ളിയാണ് ഫോറൻസിക് റിപ്പോർട്ട്.

തിരുവനന്തപുരം : വ്യവസായ മന്ത്രി ഇ.പി ജയരാജനെ ആശുപത്രിയിൽ പ്രവേശിപ്പിച്ചു. ദേഹാസ്വാസ്ഥ്യം അനുഭവപ്പെട്ടതിനെ തുടർന്നാണ് അദ്ദേഹത്തെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. നിലവിൽ തീവ്രപരിചരണ വിഭാഗത്തിൽ ചികിത്സയിലാണ് മന്ത്രി. ആരോഗ്യനില തൃപ്തികരമാണെന്നാണ് വിവരം. ഏതാനും ദിവസങ്ങൾക്കു മുൻപ് ജയരാജനും, ഭാര്യയ്ക്കും കൊറോണ ബാധിച്ചിരുന്നു.