Author: News Desk

ന്യൂഡല്‍ഹി: ഓഗസ്റ്റ് 2 മുതൽ 15 വരെ എല്ലാവരും തങ്ങളുടെ സോഷ്യൽ മീഡിയ അക്കൗണ്ടുകളുടെ പ്രൊഫൈൽ ചിത്രം ത്രിവര്‍ണ്ണമാക്കണമെന്ന് പ്രധാനമന്ത്രി നരേന്ദ്ര മോദി. 75-ാമത് സ്വാതന്ത്ര്യദിനത്തോടനുബന്ധിച്ചുള്ള ‘ഹർ ഖർ തിരംഗ’ ക്യാംമ്പെയിന്റെ ഭാഗമായാണ് മോദിയുടെ നിർദേശം. പ്രധാനമന്ത്രിയുടെ പ്രതിമാസ റേഡിയോ പരിപാടിയായ ‘മൻ കീ ബാത്തി’ലൂടെയാണ് അദ്ദേഹം ഈ ആവശ്യം ഉന്നയിച്ചത്. “ഓഗസ്റ്റ് 2ന് ത്രിവർണ്ണ പതാകയുമായി ഒരു പ്രത്യേക ബന്ധമുണ്ട്. നമ്മുടെ ദേശീയപതാക രൂപകൽപ്പന ചെയ്ത പിംഗളി വെങ്കയ്യയുടെ ജന്‍മദിനമാണ് അന്ന്. അദ്ദേഹത്തിന് ആദരമര്‍പ്പിക്കുന്നു. ഈ അവസരത്തിൽ മാഡം കാമ എന്ന മഹാനായ വിപ്ലവകാരിയെയും ഞാൻ ഓർക്കുന്നു,” മോദി പറഞ്ഞു. സ്വാതന്ത്ര്യദിനത്തോടനുബന്ധിച്ച് ഓഗസ്റ്റ് 13 മുതൽ 15 വരെ വീടുകളിൽ ത്രിവർണപതാക ഉയർത്താൻ പ്രധാനമന്ത്രി നേരത്തെ എല്ലാവർക്കും നിർദേശം നൽകിയിരുന്നു. ഇതിന് പിന്നാലെയാണ് സോഷ്യൽ മീഡിയയിൽ പ്രൊഫൈൽ ചിത്രം മാറ്റാൻ മോദി നിർദ്ദേശിച്ചത്.

വരും ദിവസങ്ങളിൽ സംസ്ഥാനത്ത് ശക്തമായ മഴയ്ക്ക് സാധ്യത. ഇന്ന് 10 ജില്ലകളിൽ യെല്ലോ അലർട്ടും നാളെ 7 ജില്ലകളിൽ ഓറഞ്ച് അലർട്ടും പ്രഖ്യാപിച്ചിട്ടുണ്ട്. ഇന്ന് വൈകുന്നേരത്തോടെ മഴ ശക്തമാകുമെന്നാണ് പ്രവചനം. തിരുവനന്തപുരം മുതൽ മലപ്പുറം വരെയുള്ള 10 ജില്ലകളിൽ ആണ് ഇന്ന് യെല്ലോ അലർട്ട് പ്രഖ്യാപിച്ചിട്ടുള്ളത്. വ്യാഴാഴ്ച വരെ കനത്ത മഴയ്ക്ക് സാധ്യതയുണ്ട്. ഇന്നും നാളെയും മധ്യകേരളത്തിലും തെക്കൻ കേരളത്തിലും കൂടുതൽ മഴ ലഭിക്കും. പിന്നീട് വടക്കൻ കേരളത്തിലും മഴ ശക്തമാകും. നാളെ വയനാടും കാസർകോടും ഒഴികെയുള്ള എല്ലാ ജില്ലകളിലും മുന്നറിയിപ്പുണ്ട്. ഇതിൽ തിരുവനന്തപുരം മുതൽ ഇടുക്കി വരെയുള്ള ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. ചൊവ്വാഴ്ച തിരുവനന്തപുരം മുതൽ തൃശ്ശൂർ വരെയുള്ള 8 ജില്ലകളിലും ബുധൻ, വ്യാഴം ദിവസങ്ങളിൽ 10 ജില്ലകളിലും കനത്ത മഴയ്ക്ക് സാധ്യതയുണ്ട്. തീരദേശ മലയോര മേഖലകളിൽ പ്രത്യേക ജാഗ്രതാ നിർദേശം നൽകിയിട്ടുണ്ട്. ബംഗാൾ ഉൾക്കടലിൽ നിലനില്കുന്ന ചക്രവാതചുഴിയാണ് മഴ സജീവമാകാൻ കാരണം. ശക്തമായ കാറ്റിന് സാധ്യതയുള്ളതിനാൽ മത്സ്യത്തൊഴിലാളികൾക്ക്…

തൃശൂർ: കരുവന്നൂർ ബാങ്ക് ക്രമക്കേട് നടത്തിയത് സി.പി.എമ്മിന്‍റെ അറിവോടെയാണെന്ന് പതിമൂന്നാം പ്രതി ജോസ് ചക്രമ്പള്ളി. ഏരിയാ സെക്രട്ടറി പ്രേമരാജിന് എല്ലാം അറിയാമായിരുന്നു. 14 വർഷം മുമ്പാണ് തട്ടിപ്പ് ആരംഭിച്ചത്. 2019 ൽ അദ്ദേഹം നേതൃത്വത്തിന് പരാതി നൽകിയെങ്കിലും യോഗം വിളിക്കുകയല്ലാതെ മറ്റ് നടപടികളൊന്നും ഉണ്ടായില്ല. മുൻ സെക്രട്ടറി സുനിൽ കുമാറിനും ക്രമക്കേടിൽ പങ്കുണ്ടെന്ന് ജോസ് പറഞ്ഞു. 2006 മുതൽ 2016 വരെയാണ് തട്ടിപ്പ് നടന്നത്. പിന്നീട് അടവുകള്‍ കുറഞ്ഞു. 2017 ൽ പുതുക്കൽ വന്നപ്പോൾ സംശയം തോന്നി. ഞാൻ ബാങ്ക് പ്രസിഡന്‍റിനോട് ഇക്കാര്യം പറഞ്ഞപ്പോൾ, ഇത് ഇങ്ങനെയാണ് നടക്കൂ എന്നാണ് അദ്ദേഹം പറഞ്ഞത്. സുനിൽകുമാറിന്‍റെ പെരുമാറ്റം മോശമാണ്. അദ്ദേഹത്തിന് താൽപ്പര്യമുള്ളവരെ മാത്രമേ ഹെഡ് ഓഫീസിൽ നിർത്തൂ. ബാക്കിയുള്ളവരെ സ്ഥലംമാറ്റും. മോശം പെരുമാറ്റത്തെ തുടർന്ന് വനിതാ ഉദ്യോഗസ്ഥർ പലപ്പോഴായി കരയുന്നത് കണ്ടിട്ടുണ്ടെന്നും ജോസ് പറഞ്ഞു. കരുവന്നൂർ ബാങ്കിലെ നിക്ഷേപങ്ങളിൽ മാത്രമല്ല പ്രതിമാസ നിക്ഷേപ പദ്ധതിയിലും വൻ തിരിമറി നടന്നതായി കണ്ടെത്തിയിരുന്നു. ബാങ്കുകൾക്ക് നേരിട്ട്…

ബംഗാൾ: അധ്യാപക തട്ടിപ്പിൽ സർക്കാരിന്റെ മുഖം രക്ഷിക്കാൻ അടിയന്തര നീക്കവുമായി ബംഗാൾ മുഖ്യമന്ത്രി മമതാ ബാനർജി. മന്ത്രിസഭ പുനഃസംഘടിപ്പിക്കാനാണ് നീക്കം. എല്ലാ മന്ത്രിമാരോടും രാജിവയ്ക്കാൻ ആവശ്യപ്പെടും. അടുത്ത മാസം നാലിന് മുമ്പ് പുനഃസംഘടന നടക്കുമെന്ന് തൃണമൂൽ കോൺഗ്രസ് വ്യക്തമാക്കിയിട്ടുണ്ട്. യുവാക്കൾക്ക് പാർട്ടിയെ നയിക്കാൻ അവസരം നൽകും. അധ്യാപകരുടെ നിയമന അഴിമതിയുടെയോ പാർത്ഥ ചാറ്റർജിയുടെയോ സഹായി അർപിത ബാനർജിയുടെയോ പേര് പരാമർശിക്കാതെ, അഴിമതിക്ക് തനിക്ക് യാതൊരു പിന്തുണയുമില്ലെന്നും അവർ കുറ്റക്കാരാണെങ്കിൽ ശിക്ഷിക്കപ്പെടണമെന്നും മമത ബാനർജി പറഞ്ഞു. തനിക്കെതിരെ ബിജെപി കിംവദന്തികൾ പ്രചരിപ്പിക്കുകയാണെന്നും പശ്ചിമ ബംഗാൾ മുഖ്യമന്ത്രി ആരോപിച്ചു.

ജമ്മുകശ്മീരിലെ ഭീകരർക്ക് സൈന്യം ചുട്ടമറുപടി നൽകി. രണ്ട് ലഷ്കർ-ഇ-ത്വയ്ബ ഭീകരരെ സോപോരയിൽ അറസ്റ്റ് ചെയ്തു. ബാരാമുള്ളയിൽ നടന്ന ഏറ്റുമുട്ടലിൽ സൈന്യം ഒരു ഭീകരനെ വധിച്ചു. ജമ്മു കശ്മീരിലെ ഹാദിപോര, റാഫിയബാദ് മേഖലകളിൽ ഭീകരരുടെ സാന്നിധ്യമുണ്ടെന്ന രഹസ്യവിവരത്തെ തുടർന്ന് നടത്തിയ തെരച്ചിലിനൊടുവിൽ രണ്ട് ലഷ്കർ-ഇ-തൊയ്ബ ഭീകരരെ സൈന്യം പിടികൂടി. താരിഖ് വാനി, ഇഷ്ഫാഖ് വാനി എന്നിവരാണ് അറസ്റ്റിലായത്. രണ്ട് പിസ്റ്റളുകളും വെടിക്കോപ്പുകളും പിടിച്ചെടുത്തു. ഇരുവരെയും ചോദ്യം ചെയ്തു വരികയാണ്. അതേസമയം, ബാരാമുള്ളയിലെ ബിന്നർ മേഖലയിൽ ഇന്നലെ രാത്രി ആരംഭിച്ച ഏറ്റുമുട്ടലിൽ ഒരു ഭീകരനെ വധിച്ചു. പത്താൻ സ്വദേശിയായ ഇർഷാദ് അഹമ്മദ് ഭട്ടാണ് മരിച്ചത്. ആയുധങ്ങളും വെടിക്കോപ്പുകളും കണ്ടെടുത്തു. ഈ വർഷം മെയ് മുതൽ ഇർഷാദ് ലഷ്കർ-ഇ-ത്വയ്ബയുടെ തീവ്രവാദ പ്രവർത്തനങ്ങളിൽ ഏർപ്പെട്ടിട്ടുണ്ട്. പ്രദേശത്ത് ഭീകരരുമായ ഏറ്റുമുട്ടൽ തുടരുകയാണ്.

കോഴിക്കോട്: കോഴിക്കോട് കസബ പൊലീസ് സ്റ്റേഷനിലെ എസ്ഐക്ക് നേരെ വാഹന പരിശോധനയ്ക്കിടെ ആക്രമണം. എസ്.ഐ എസ്.അഭിഷേക്, ഡ്രൈവർ മുഹമ്മദ് സക്കറിയ എന്നിവർക്കാണ് പരിക്കേറ്റത്. കോട്ടപ്പറമ്പ് സ്വദേശി വിപിൻ പത്മനാഭൻ, പുതിയാപ്പ സ്വദേശി ഷിഹാബ് എന്നിവരാണ് അറസ്റ്റിലായത്. പാളയത്ത് പുലർച്ചെ മൂന്ന് മണിയോടെയായിരുന്നു സംഭവം. വാഹന പരിശോധനയ്ക്കിടെ സംശയാസ്പദമായ സാഹചര്യത്തിൽ ഇവരെ കണ്ടെത്തിയതിനെ തുടർന്ന് പൊലീസ് കാര്യം അന്വേഷിച്ചിരുന്നു. തുടർന്ന് വാഹനത്തിന്‍റെ പേപ്പറുകൾ ഹാജരാക്കാൻ ആവശ്യപ്പെട്ടു. മദ്യലഹരിയിലായിരുന്ന പ്രതികൾ ഈ സമയം ആക്രമിക്കുകയായിരുന്നു. എസ്ഐയുടെ കൈക്കും ഡ്രൈവറുടെ തലയ്ക്കും പരിക്കേറ്റു. കൃത്യനിർവഹണം തടസ്സപ്പെടുത്തിയത് ഉൾപ്പെടെയുള്ള വകുപ്പുകൾ ചുമത്തിയാണ് ഇവർക്കെതിരെ കേസെടുത്തിരിക്കുന്നത്. ഇവരെ വൈദ്യപരിശോധനയ്ക്ക് ശേഷം കോടതിയിൽ ഹാജരാക്കും.

കെ.എസ്.ആർ.ടി.സി സിറ്റി സർക്കുലർ ഇലക്ട്രിക് ബസുകൾ നാളെ നിരത്തിലിറങ്ങും. സർവീസ് ആരംഭിക്കുന്നതിന് മുന്നോടിയായി 14 ബസുകൾ തിരുവനന്തപുരത്ത് ട്രയൽ റൺ ആരംഭിച്ചു. അരമണിക്കൂർ ഇടവേളകളിൽ ബസുകൾ സർവീസ് നടത്തും. തിരുവനന്തപുരം വിമാനത്താവളം, ബസ് സ്റ്റാൻഡ്, റെയിൽവേ സ്റ്റേഷൻ എന്നിവയെ ബന്ധിപ്പിക്കുന്ന എയർ റെയിൽ സർക്കുലർ സർവീസും നാളെ ആരംഭിക്കും. ഇത്തരത്തിൽ രണ്ട് ബസുകൾ സർവീസ് നടത്തും. രണ്ട് മണിക്കൂർ ചാർജിൽ 120 കിലോമീറ്റർ ഓടാൻ ബസുകൾക്ക് ശേഷിയുണ്ട്. ഓരോ ബസിലും 30 സീറ്റുകളുണ്ടാകും. ആദ്യ ഘട്ടത്തിൽ സിറ്റി സർക്കുലർ സർവീസിന്‍റെ ഭാഗമായി 23 ബസുകൾ സർവീസ് നടത്തും. 50 ബസുകൾ ഓർഡർ ചെയ്തെങ്കിലും 25 ബസുകൾ മാത്രമാണ് ആദ്യ ഘട്ടത്തിൽ എത്തിയത്. ബാക്കിയുള്ള ബസുകൾ ഓഗസ്റ്റ് പകുതിയോടെ എത്തും. കൂടുതൽ ബസുകൾ എത്തുന്നതോടെ ജൻറം ബസുകൾ പിൻവലിക്കാനാണ് തീരുമാനം.

മഹാബലിപുരം: ഒന്നാം സീഡായ യു.എസ് വിജയത്തോടെ കഷ്ടിച്ച് രക്ഷപ്പെട്ട ദിവസമായിരുന്നു അത്. ലോക ചാമ്പ്യൻ മാഗ്നസ് കാൾസൺ ആദ്യമായി ഇറങ്ങിയ ദിവസം. ഇന്ത്യയുടെ മൂന്ന് ടീമുകളും ഓപ്പൺ, വനിതാ വിഭാഗങ്ങളിൽ അവരുടെ വിജയങ്ങൾ ആവർത്തിച്ച ദിവസം – ലോക ചെസ്സ് ഒളിമ്പ്യാഡിന്‍റെ രണ്ടാം ദിനം മഹാബലിപുരത്തെ കൂടുതൽ ചൂടു പിടിപ്പിക്കുന്നതായിരുന്നു. സ്വീഡന്‍റെ വനിതാ താരം പിയ ക്രാംലിംഗ് 9 നീക്കങ്ങളിൽ എതിരാളിയെ തോൽപിച്ചതും സമനില പൊസിഷനിൽ നിന്ന് ലോക ചാംപ്യൻ മാഗ്നസ് കാൾസൻ വിജയം ഉറപ്പിച്ചതുമായിരുന്നു ശ്രദ്ധേയമായ കളികൾ. ഉറുഗ്വേ മേയർ ജോർജിനെതിരെയാണ് മാഗ്നസ് വിജയിച്ചത്. സൂപ്പർ ഗ്രാൻഡ് മാസ്റ്റർമാരായ വെസ്ലി സോ, സാം ഷങ്ക്ലാൻഡ്, ഫാബിയാനോ കരുവാന എന്നിവർ പരാഗ്വേയ്ക്കെതിരെ സമനില നേടിയപ്പോൾ, കരുത്തരായ യുഎസിന്‍റെ ഏക വിജയം ഡൊമിനിഗസ് പെരസ് ലീനിയറിൽ നിന്നാണ്. മോൾഡോവയ്ക്കെതിരെ മൂന്ന് ജയവും ഒരു സമനിലയുമായി ഇന്ത്യ എ ടീം മുന്നേറി. എസ്.എൽ. നാരായണൻ, പി.ഹരികൃഷ്ണ, കെ.ശശികിരൺ എന്നിവർ വിജയിച്ചപ്പോൾ അർജുൻ എരിഗാസി സമനിലയിൽ…

സംസ്ഥാനത്ത് പ്ലസ് വൺ പ്രവേശനത്തിനുള്ള ട്രയൽ അലോട്ട്മെന്‍റ് സമയം നീട്ടി. നാളെ വൈകുന്നേരം 5 മണി വരെയാണ് സമയം നീട്ടിയിരിക്കുന്നത്. വിദ്യാർത്ഥികളുടെയും രക്ഷിതാക്കളുടെയും ആവശ്യപ്രകാരമാണ് നടപടിയെന്ന് മന്ത്രി വി ശിവൻകുട്ടി പറഞ്ഞു. ട്രയൽ അലോട്ട്മെന്‍റുമായി ബന്ധപ്പെട്ട് വെബ്സൈറ്റ് ആക്സസ് ചെയ്യാൻ കഴിയാത്തത് വലിയ പ്രതിഷേധത്തിന് ഇടയാക്കിയിരുന്നു. എല്ലാവരും ഒരുമിച്ച് സൈറ്റിലേക്ക് പ്രവേശിക്കാൻ ശ്രമിച്ചതാണ് പ്രശ്നത്തിന് കാരണമെന്ന മന്ത്രിയുടെ പരാമർശം വിവാദമായിരുന്നു. ട്രയൽ അലോട്ട്മെന്‍റ് പരിശോധിക്കാൻ സജ്ജമാക്കിയ പോർട്ടലിന്‍റെ നാലു സെർവറുകളിൽ ഒരേ സമയം ഒരു ലക്ഷത്തിലധികം ആളുകൾ പ്രവേശിച്ചതായി മന്ത്രിയുടെ ഓഫീസ് അറിയിച്ചു.

കരുവന്നൂര്‍: കരുവന്നൂർ അഴിമതിയിൽ തനിക്ക് പങ്കില്ലെന്ന് മുൻ സെക്രട്ടേറിയറ്റ് അംഗം സി കെ ചന്ദ്രൻ. താൻ ഒരു തെറ്റും ചെയ്തിട്ടില്ല. ഭരണസമിതിയാണ് എല്ലാത്തിനും ഉത്തരവാദി. ക്രമക്കേട് കാണിച്ചവർക്കെതിരെ നടപടിയെടുത്തു. ബാങ്കിന്‍റെ കാര്യങ്ങളിൽ ഞാൻ ഇടപെടാറില്ല. ബാങ്കിന്‍റെ കാര്യങ്ങളുടെ പൂർണ്ണ ഉത്തരവാദിത്തം സെക്രട്ടറിക്കാണെന്നും താൻ പാർട്ടി പ്രവർത്തകൻ മാത്രമാണെന്നും സി.കെ ചന്ദ്രൻ പറഞ്ഞു. അതേസമയം, കരുവന്നൂർ ബാങ്ക് തട്ടിപ്പ് കേസിലെ പത്താം പ്രതി ലളിതകുമാരൻ സി.പി.എം, സി.പി.ഐ നേതൃത്വങ്ങൾക്കെതിരെ രംഗത്തെത്തി. ബാങ്കിൽ ക്രമക്കേട് നടന്നതായി ബോർഡ് അംഗങ്ങൾക്ക് അറിയില്ലായിരുന്നു. ബോർഡ് മീറ്റിംഗിന് സെക്കൻഡുകൾക്ക് മുമ്പ് മാത്രമാണ് മിനിറ്റ്സ് ബുക്ക് വന്നിരുന്നത്. വേണ്ടത്ര സമയമില്ലെന്ന പേരിൽ തീരുമാനങ്ങളിൽ ഒപ്പിടുക എന്നതായിരുന്നു രീതി. അതിൽ എന്താണ് എഴുതിയിരിക്കുന്നതെന്ന് എനിക്കറിയില്ലായിരുന്നു. ക്രൈംബ്രാഞ്ച് മിനിറ്റ്സ് ബുക്ക് കാണിച്ചപ്പോഴാണ് കാര്യങ്ങൾ അറിഞ്ഞതെന്നും അദ്ദേഹം പറഞ്ഞു. സെക്രട്ടറി സുനിൽകുമാറാണ് മുഴുവൻ കൃത്രിമത്വവും കാണിച്ചത്. സുനിൽ കുമാർ ഒറ്റയ്ക്ക് ചെയ്യില്ല. ഇതിന് പിന്നിൽ പാർട്ടി പ്രവർത്തകരുടെ പങ്കാളിത്തമുണ്ട്. മുൻ ബാങ്ക് സെക്രട്ടറി സുനിൽകുമാറിന്…