Author: News Desk

സീതത്തോട്: സംസ്ഥാനത്തെ രണ്ടാമത്തെ വലിയ ജലവൈദ്യുത പദ്ധതിയായ ശബരിഗിരിയിലെ കക്കി-ആനത്തോട് ഡാമിന്‍റെ ഷട്ടർ തിങ്കളാഴ്ച രാവിലെ 11 മണിക്ക് തുറക്കും. റിസർവോയറുകളിലെ ജലനിരപ്പ് റൂൾ കർവിൽ എത്തിയതോടെയാണ് ഷട്ടറുകൾ തുറക്കുന്നത്. ഇതു സംബന്ധിച്ച ഉത്തരവ് റൂൾ കർവ് കമ്മിറ്റി ഞായറാഴ്ച ഉച്ചയോടെ അണക്കെട്ട് സുരക്ഷാ വിഭാഗം കക്കാട് ഡിവിഷനു നൽകി. 975.75 മീറ്ററാണ് ആനത്തോട് ഡാമിന്‍റെ റൂൾ കർവ്. ഞായറാഴ്ച വൈകുന്നേരത്തോടെ ജലനിരപ്പ് 975.70 മീറ്ററിലെത്തി. ആനത്തോട് ഡാമിന്‍റെ 4 ഷട്ടറുകളിലൂടെ 100 ക്യുമെക്സ് വെള്ളം തുറന്നുവിടും. ഷട്ടറുകൾ 2 അടി ഉയർത്താൻ അനുവാദമുണ്ട്. നിലവിലെ ജലനിരപ്പ് അനുസരിച്ച്, ഏകദേശം 50 ക്യുമെക്സിൽ കൂടുതൽ വെള്ളം പുറത്തേക്ക് ഒഴുകാൻ കഴിയില്ല. 100 ക്യുമെക്സ് തുറന്നുവിട്ടാലും പമ്പാനദിയിലെ ജലനിരപ്പ് പരമാവധി 30 സെന്‍റീമീറ്ററിൽ കൂടുതൽ ഉയരില്ല. തുറന്നുവിടുന്ന വെള്ളം ആനത്തോട് കക്കയാർ വഴി 2 മണിക്കൂറിനുള്ളിൽ പമ്പ ത്രിവേണിയിലെത്തും. പമ്പാ നദി വഴി ജനവാസ മേഖലയായ അട്ടത്തോട്ടിലും തുടർന്ന് പെരുനാട് പഞ്ചായത്തിലെ മൂലക്കയത്തും…

കോഴിക്കോട്: മുസ്ലിം ലീഗ് എൽഡിഎഫിലേക്ക് പോകില്ലെന്ന് പറയാനാവില്ലെന്ന് എം.കെ. മുനീർ. ആശയപരമായി വ്യത്യസ്തരായവർ ഒരു മുന്നണിയിൽ പ്രവർത്തിക്കുന്നതിൽ തടസ്സമില്ലെന്നും തനിക്ക് അന്ധമായ സി.പി.ഐ(എം) വിരോധമില്ലെന്നും എം.കെ. മുനീർ പറഞ്ഞു. “രാഷ്ട്രീയ സാഹചര്യം മാറുകയാണ്, അതിനാൽ നാളെ എന്ത് സംഭവിക്കുമെന്ന് ഇപ്പോൾ പറയാൻ കഴിയില്ല,” അദ്ദേഹം പറഞ്ഞു. ലീഗ് എൽ.ഡി.എഫിലേക്ക് വന്നാൽ നന്നായിരിക്കും എന്ന് കരുതുന്നവർ സി.പി.ഐ(എം)ൽ ഉണ്ട്. അതാണ് ഇ.പി.ജയരാജൻ പറഞ്ഞത്, വ്യത്യസ്ത പ്രത്യയശാസ്ത്രങ്ങൾ ഉണ്ടെങ്കിലും മുന്നണിയായി മുന്നോട്ട് പോകുന്നതിൽ ഒരു പ്രശ്നവുമില്ലെന്ന്. അതാണ് ഇന്ത്യയിൽ തന്നെ സംഭവിക്കുന്നത്. വ്യത്യസ്തമായ പ്രത്യയശാസ്ത്രങ്ങൾ ഒന്നിച്ചുളള ഒരു പ്രതിപക്ഷത്തെ കുറിച്ചാണ് എല്ലാവരും ചിന്തിക്കുന്നതെന്നും മുനീർ പറഞ്ഞു.

ജില്ലയിൽ ദുരിതാശ്വാസ ക്യാമ്പുകളായി പ്രവർത്തിക്കുന്ന സ്കൂളുകൾക്ക് തൃശൂർ ജില്ലാ കളക്ടർ നാളെ അവധി പ്രഖ്യാപിച്ചു. കുട്ടനാട് താലൂക്കിലെ പ്രൊഫഷണൽ കോളേജുകളും അങ്കണവാടികളും ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും മറ്റ് താലൂക്കുകളിലെ ദുരിതാശ്വാസ ക്യാമ്പുകൾ പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്കും ആലപ്പുഴ ജില്ലാ കളക്ടർ വി ആർ കൃഷ്ണ തേജ നാളെ അവധി പ്രഖ്യാപിച്ചു. സംസ്ഥാനത്ത് ദുരിതാശ്വാസ ക്യാമ്പുകളായി പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്ക് നാളെ അവധിയായിരിക്കുമെന്ന് എറണാകുളം ജില്ലാ കളക്ടർ രേണു രാജും അറിയിച്ചു. ഇടുക്കി ജില്ലയിലെ ദേവികുളം, പീരുമേട് താലൂക്കുകളിലെയും ഉടുമ്പൻചോല താലൂക്കിലെ ബൈസൺവാലി, ചിന്നക്കനാൽ പഞ്ചായത്തുകളിലെ എല്ലാ വിദ്യാഭ്യാസ സ്ഥാപനങ്ങൾക്കും കൂടാതെ ജില്ലയിലെ ദുരിതാശ്വാസ ക്യാംപുകൾ പ്രവർത്തിക്കുന്ന സ്കൂളുകൾക്കും തിങ്കളാഴ്ച ജില്ലാകലക്ടർ അവധി പ്രഖ്യാപിച്ചു. മുൻകൂട്ടി നിശ്ചയിച്ച പരീക്ഷകൾക്കും ഇന്റർവ്യൂകൾക്കും മാറ്റമില്ല അതേസമയം, നീരൊഴുക്ക് ശക്തമായി തുടരുന്നതിനാൽ ഇടുക്കി ഡാമിന്‍റെ കൂടുതൽ ഷട്ടറുകൾ തുറന്നു. 2, 4 ഷട്ടറുകൾ 40 സെന്‍റീമീറ്റർ വീതം ഉയർത്തിയിട്ടുണ്ട്. 100 ക്യുമെക്സ് വെള്ളം പുറത്തേക്ക് ഒഴുകും.…

ബർമിങ്ങാം: കോമൺവെൽത്ത് ഗെയിംസ് ബോക്സിംഗിൽ ഇന്ത്യ മൂന്നാം സ്വർണം നേടി. വനിതകളുടെ 50 കിലോഗ്രാം വിഭാഗത്തിൽ നിഖാത് സരീൻ ആണ് സ്വർണം നേടിയത്. ഫൈനലിൽ നോർത്തേൺ അയർലണ്ടിന്‍റെ കാർലി മക്ന്യുലിനെയാണ് നിഖാത് പരാജയപ്പെടുത്തിയത്. ഇതോടെ ഇന്ത്യയുടെ സ്വർണമെഡൽ നേട്ടം 17 ആയി. പുരുഷൻമാരുടെ (51 കിലോഗ്രാം) ബോക്സിങ്ങിൽ അമിത് പംഘലും ഇന്ത്യക്കായി സ്വർണം നേടി. ഇംഗ്ലണ്ടിന്‍റെ കിയാരൻ മക്ഡൊണാൾഡിനെ 5-0നാണ് അമിത് പരാജയപ്പെടുത്തിയത്. വനിതാ ബോക്സിംഗിൽ നിതു ഗൻഗാസും സ്വർണം നേടി. 48 കിലോഗ്രാം വിഭാഗത്തിൽ ഇംഗ്ലണ്ടിന്‍റെ ഡെമി ജേഡിനെ 5-0ന് നീതു തോൽപ്പിച്ചു.

ന്യൂ ഡൽഹി: പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ ചേരുന്ന നീതി ആയോഗ് യോഗത്തിൽ ബി.ജെ.പിയുടെ സഖ്യകക്ഷിയായ ജെ.ഡി.യുവിൽ നിന്ന് മുഖ്യമന്ത്രി നിതീഷ് കുമാർ പങ്കെടുത്തില്ല. ബി.ജെ.പിയുമായുള്ള പ്രശ്നങ്ങൾ രൂക്ഷമായി നില്‍ക്കുന്ന സാഹചര്യത്തിൽ താൻ ഉണ്ടാകില്ലെന്ന് നിതീഷ് കുമാർ പ്രഖ്യാപിച്ചിരുന്നു. തെലങ്കാന മുഖ്യമന്ത്രി കെ ചന്ദ്രശേഖർ റാവുവും യോഗം ബഹിഷ്കരിച്ചു. ബി.ജെ.പിയും മോദി സർക്കാരും തെലങ്കാനയെ നിരന്തരം അവഗണിക്കുകയാണെന്ന് കെ.സി.ആർ ആരോപിച്ചു. ഇതിന് പിന്നാലെയാണ് കെസിആർ മോദിയുടെ നീതി ആയോഗ് യോഗം ബഹിഷ്കരിച്ചത്. നീതി ആയോഗിന്റെ ഏഴാമത് ഗവേണിംഗ് കൗണ്‍സില്‍ യോഗമാണ് നടന്നത്. നഗരവികസനവും ദേശീയ വിദ്യാഭ്യാസ നയം നടപ്പാക്കലുമാണ് പ്രധാന അജണ്ട. 2019 ജൂലൈക്ക് ശേഷം ആദ്യമായാണ് ഇത്തരമൊരു യോഗം നേരിട്ട് ചേരുന്നത്.

കുട്ടനാട്: കനത്ത മഴയുടെ പശ്ചാത്തലത്തിൽ കുട്ടനാട് താലൂക്കിലെ പ്രൊഫഷണൽ കോളേജുകളും അങ്കണവാടികളും ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും മറ്റ് താലൂക്കുകളിലെ ദുരിതാശ്വാസ ക്യാമ്പുകളിൽ പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ വി ആർ കൃഷ്ണതേജ നാളെ അവധി പ്രഖ്യാപിച്ചു. അതേസമയം, നീരൊഴുക്ക് ശക്തമായി തുടരുന്നതിനാൽ ഇടുക്കി ഡാമിന്‍റെ കൂടുതൽ ഷട്ടറുകൾ തുറന്നു. 2, 4 ഷട്ടറുകൾ 40 സെന്‍റീമീറ്റർ വീതം ഉയർത്തിയിട്ടുണ്ട്. 100 ക്യുമെക്സ് വെള്ളം പുറത്തേക്ക് ഒഴുകും. ഈ സാഹചര്യത്തിൽ ചെറുതോണി ടൗൺ മുതൽ പെരിയാറിന്‍റെ ഇരുകരകളിലുമുള്ളവർ അതീവ ജാഗ്രത പാലിക്കണമെന്ന് ജില്ലാ കളക്ടർ നിർദേശം നൽകിയിട്ടുണ്ട്. ഇടുക്കി ഡാമിന്‍റെ വൃഷ്ടിപ്രദേശത്ത് കനത്ത മഴ പെയ്യുകയും മുല്ലപ്പെരിയാർ ഡാമിൽ നിന്ന് സ്പിൽവേയിലൂടെ ഒഴുകുന്ന വെള്ളത്തിന്‍റെ അളവ് വർദ്ധിപ്പിക്കുകയും ചെയ്തതോടെ ഇടുക്കി ഡാമിലെ ജലനിരപ്പ് ഉയരുകയാണ്. പൊതുജനങ്ങൾ പരിഭ്രാന്തരാകേണ്ടതില്ല. ജില്ലാ ഭരണകൂടം ആവശ്യമായ മുൻകരുതലുകൾ സ്വീകരിച്ചിട്ടുണ്ടെന്നും കളക്ടർ പറഞ്ഞു. ഇടുക്കി ജലസംഭരണിയുടെ സംഭരണ ശേഷി 2403 അടിയാണ്. 2384.46 അടിയാണ് ഇടുക്കി…

കോമൺവെൽത്ത് ഗെയിംസിൽ ചരിത്രനേട്ടം കൈവരിച്ച മലയാളി കായികതാരങ്ങളെ കായിക മന്ത്രി വി അബ്ദുറഹിമാൻ അഭിനന്ദിച്ചു. ട്രിപ്പിൾ ജമ്പിൽ സ്വർണവും വെള്ളിയും നേടിയ എൽദോസ് പോളിനും അബ്ദുള്ള അബൂബക്കറിനും ഹൃദയംഗമമായ അഭിനന്ദനങ്ങൾ. രാജ്യത്തിനാകെ അഭിമാനം പകരുന്ന പ്രകടനമാണ് ഇരുവരും കാഴ്ചവച്ചതെന്ന് മന്ത്രി പറഞ്ഞു. “ട്രിപ്പിൾ ജംപിൽ എൽദോസ് നേടിയ സ്വർണവും അബ്ദുള്ള നേടിയ വെള്ളിയും വളരെയധികം തിളക്കമാർന്നതാണ്. അത്ലറ്റിക്സിൽ കേരളത്തിന്‍റെ ശക്തമായ തിരിച്ചുവരവിന്‍റെ സൂചനയാണിത്. ഇത് കേരളത്തിലെ മുഴുവൻ കായിക മേഖലയ്ക്കും പ്രചോദനമാണ്. എൽദോസും അബ്ദുള്ളയും സ്കൂൾ തലം മുതൽ മികച്ച പ്രകടനമാണ് കാഴ്ചവയ്ക്കുന്നത്. ഇരുവരും ഈ സീസണിൽ മികച്ച ഫോമിലാണ്.”മന്ത്രി പറഞ്ഞു. ഈ യുവ കളിക്കാരിൽ നിന്ന് ഇനിയും നേട്ടങ്ങൾ പ്രതീക്ഷിക്കാം. നേരത്തെ ലോംഗ് ജംപിൽ ശ്രീശങ്കർ വെള്ളി നേടിയിരുന്നു. ഈ കോമൺവെൽത്ത് ഗെയിംസ് കേരളത്തെ സംബന്ധിച്ചിടത്തോളം വളരെ സന്തോഷകരമായ വേദിയാണ്. കൂടുതൽ മലയാളി താരങ്ങൾക്കും ഇന്ത്യക്കും മികച്ച പ്രകടനം തുടരാൻ കഴിയട്ടെയെന്നും മന്ത്രി ആശംസിച്ചു.

സംസ്ഥാന പാതയിലെ കുഴികളിൽ സർക്കാരിനെ രൂക്ഷമായി വിമർശിച്ച് മുസ്ലീം ലീഗ് നേതാവ് പി കെ കുഞ്ഞാലിക്കുട്ടി എം എൽ എ. ഇത്രയും മോശം ഭരണം മുമ്പൊരിക്കലും ഉണ്ടായിട്ടില്ലെന്നും പി.കെ കുഞ്ഞാലിക്കുട്ടി പറഞ്ഞു. ലിംഗസമത്വത്തിന്‍റെ പേരിൽ അനാവശ്യ പരിഷ്കാരങ്ങൾ നടപ്പാക്കുകയാണ്. ഇത്തരം പരിഷ്കാരങ്ങൾ നടപ്പാക്കുന്നതിനുപകരം റോഡിലെ കുഴികൾ അടയ്ക്കണമെന്നും കുഞ്ഞാലിക്കുട്ടി പറഞ്ഞു. രാഷ്ട്രീയ പാർട്ടികൾ പറഞ്ഞാൽ മാത്രം പോര, അവർ അത് ചെയ്യണം. മുസ്ലിം ലീഗ് അത്തരത്തിലൊരു പാർട്ടിയാണ്. ലീഗിന് തളർച്ചയില്ല. അതുകൊണ്ടാണ് ജീവകാരുണ്യ പ്രവർത്തനങ്ങളിൽ ലീഗ് മുൻപന്തിയിൽ നിൽക്കുന്നത്. രാഷ്ട്രീയ സാഹചര്യം മുസ്ലിം ലീഗിന് പ്രതികൂലമല്ല. കേന്ദ്രസർക്കാരിൽ നിന്നുള്ള നിയമ പരിരക്ഷ ഇല്ലാതാകുകയാണെന്നും കുഞ്ഞാലിക്കുട്ടി പറഞ്ഞു.

ന്യൂഡൽഹി: കോമൺവെൽത്ത് ഗെയിംസിൽ ട്രിപ്പിൾ ജമ്പിൽ സ്വർണം നേടിയ എൽദോസ് പോളിനെയും വെള്ളി മെഡൽ നേടിയ അബ്ദുള്ള അബൂബക്കറിനെയും പ്രസിഡന്‍റ് ദ്രൗപദി മുർമു അഭിനന്ദിച്ചു. ‘ചരിത്രം പിറന്നു’, ദ്രൗപദി മുർമു ട്വിറ്ററിൽ കുറിച്ചു. ഇരുവരുടെയും അപൂർവ്വ നേട്ടം ദീർഘകാലത്തേക്കുളളതാണെന്നും രാഷ്ട്രപതി പറഞ്ഞു. മെഡൽ നേട്ടത്തിന് പിന്നാലെ എൽദോസ് പോളിന്‍റെ ജന്മ നാടായ എറണാകുളം കോലഞ്ചേരിയിലും അബ്ദുള്ള അബൂബക്കറിന്‍റെ ജന്മനാടായ കോഴിക്കോട്ടെ നാദാപുരത്തും ആഘോഷങ്ങൾക്ക് തുടക്കമായി. കോലഞ്ചേരിയിൽ എൽദോസ് പോളിന്‍റെ ഫ്ലെക്സുമായി നാട്ടുകാർ ആഹ്ലാദപ്രകടനം നടത്തി. ബന്ധുക്കൾ മധുരപലഹാരങ്ങൾ വിതരണം ചെയ്തു. പടക്കം പൊട്ടിച്ചാണ് നാട്ടുകാർ എൽദോസിന്‍റെ വിജയം ആഘോഷിച്ചത്.

തിരുവനന്തപുരം: റോഡിലെ കുഴികളിൽ കാലാവസ്ഥയെ പഴിചാരി രക്ഷപ്പെടുന്നില്ലെന്ന് പൊതുമരാമത്ത് മന്ത്രി പി എ മുഹമ്മദ് റിയാസ്. റോഡായാൽ തകരുമെന്ന ന്യായവും പറയുന്നില്ല. ഒഴികഴിവുകൾ പറയുന്നതല്ല സർക്കാരിന്റെ സമീപനം. നെടുമ്പാശേരിയിൽ കുഴിയിൽ വീണ് യാത്രക്കാരൻ മരിച്ചത് ദൗർഭാഗ്യകരമാണെന്നും മന്ത്രി പറഞ്ഞു. മരണത്തിൽ പോലും രാഷ്ട്രീയ മുതലെടുപ്പ് നടത്താനാണ് പ്രതിപക്ഷ നേതാവ് ശ്രമിക്കുന്നത്. അടിസ്ഥാനരഹിതമായ പ്രസ്താവനകളാണ് പ്രതിപക്ഷ നേതാവ് നടത്തുന്നത്. മഴക്കാലത്തിന് മുമ്പുള്ള പ്രവർത്തനങ്ങളൊന്നും നടന്നിട്ടില്ലെന്ന് പ്രതിപക്ഷ നേതാവ് പറഞ്ഞു. ഈ വർഷം പൊതുമരാമത്ത് വകുപ്പ് 322.16 കോടി രൂപയാണ് മഴക്കാലപൂർവ പ്രവർത്തനങ്ങൾക്കായി ചെലവഴിച്ചത്. പ്രീ മൺസൂണിന് പുറമേ ചരിത്രത്തിലാദ്യമായി സംസ്ഥാനത്ത് റണ്ണിങ് കോൺട്രാക്ട് സംവിധാനം നടപ്പാക്കുകയാണ്. ഇത് നമ്മൾ ചർച്ച ചെയ്യുന്ന പ്രശ്നങ്ങൾക്ക് പരിഹാരം കാണും. അതായത് റോഡ് നിർമ്മാണം കഴിഞ്ഞ് ഏകദേശം രണ്ട് വർഷത്തോളമുളള പരിപാലന കാലയളവിൽ റോഡിന് അറ്റകുറ്റപ്പണി വന്നാൽ ബന്ധപ്പെട്ട കരാറുകാർ സ്വന്തം ചെലവിൽ റോഡ് നന്നാക്കണം. ഈ പരിപാലന കാലാവധി കഴിഞ്ഞ റോഡുകളാണ് കേരളത്തിൽ പലയിടത്തും പ്രശ്നങ്ങൾ…