Author: News Desk

തിരുവനന്തപുരം: മുള്ളറംകോട് ഗവ.എൽ.പി സ്കൂളിലെ വിദ്യാർത്ഥികൾക്കൊപ്പം വിദ്യാഭ്യാസ മന്ത്രി വി.ശിവൻകുട്ടി ഓണം ആഘോഷിച്ചു. സ്കൂളിലെ രണ്ടാം ക്ലാസ് വിദ്യാർത്ഥിനിയായ മീനാക്ഷി ‘മന്ത്രി അപ്പൂപ്പൻ ഞങ്ങൾക്കൊപ്പം ഓണമുണ്ണാൻ വരാമോ’ എന്ന് ചോദിച്ച് കത്തെഴുതിയപ്പോൾ മന്ത്രിക്ക് പോകാതിരിക്കാൻ കഴിഞ്ഞില്ല. മന്ത്രിയെത്തിയപ്പോൾ കുഞ്ഞു മിഴികളിൽ കൗതുകമേറ്റി അവർ ഓടിച്ചെന്നു. പിന്നെ വിഭവസമൃദ്ധമായ ഓണസദ്യ. തന്‍റെ അടുത്ത് വന്ന എല്ലാവരോടും അദ്ദേഹം കുശലാന്വേഷണം നടത്തി. മന്ത്രി അപ്പൂപ്പന് സമ്മാനങ്ങൾ നൽകാനും കുട്ടികൾ മറന്നില്ല. പുതിയ സ്കൂൾ കെട്ടിടം വേണമെന്ന കുട്ടികളുടെ ആവശ്യം അനുഭാവപൂർവം പരിഗണിക്കുമെന്നും മന്ത്രി ഉറപ്പുനൽകി. കുട്ടികൾ എഴുതിയ കത്ത് ഉൾപ്പെടെ മന്ത്രിയുടെ ഫേസ്ബുക്ക് പോസ്റ്റ് വൈറലായിരുന്നു. ഒ.എസ് അംബിക എം.എൽ.എ അടക്കമുള്ളവരും ഓണാഘോഷത്തിനായി സ്കൂളിലെത്തിയിരുന്നു.

തിരുവനന്തപുരം: സംസ്ഥാനത്ത് ഭക്ഷ്യസുരക്ഷാ വകുപ്പ് പുറപ്പെടുവിച്ച ഷവർമ്മ മാർഗനിർദേശങ്ങൾ പാലിക്കാത്തവർക്കെതിരെ കർശന നടപടി സ്വീകരിക്കുമെന്ന് ആരോഗ്യമന്ത്രി വീണാ ജോർജ്. സുരക്ഷിതമായ ഭക്ഷണം ഉറപ്പാക്കാനാണ് ശ്രമിക്കുന്നത്. വൃത്തിഹീനമായ സാഹചര്യങ്ങളിൽ ഷവർമ പാചകം ചെയ്യുകയോ വിൽക്കുകയോ ചെയ്യരുത്. മാർഗനിർദേശങ്ങൾ പാലിക്കുന്നുണ്ടെന്ന് ഉറപ്പാക്കാൻ സംസ്ഥാന വ്യാപകമായി പരിശോധനകൾ ഊർജിതമാക്കാൻ ഭക്ഷ്യസുരക്ഷാ കമ്മീഷണർക്ക് നിർദ്ദേശം നൽകിയിട്ടുണ്ട്. ഷവർമ തയ്യാറാക്കുന്നതിലും വിൽക്കുന്നതിലും ഏർപ്പെട്ടിരിക്കുന്ന എല്ലാ ഹോട്ടലുകളും റെസ്റ്റോറന്‍റുകളും വഴിയോര ഭക്ഷണ വിൽപ്പനക്കാരും മാർഗ്ഗനിർദ്ദേശങ്ങൾ കർശനമായി പാലിക്കണമെന്നും മന്ത്രി പറഞ്ഞു. ഷവർമ തയ്യാറാക്കുന്ന സ്ഥലം, ശവർമ്മയ്ക്ക് ഉപയോഗിക്കുന്ന ഉപകരണങ്ങൾ, വ്യക്തി ശുചിത്വം, ഷവർമ തയ്യാറാക്കൽ എന്നിവ സംബന്ധിച്ച് വിശദമായ മാർഗ്ഗനിർദ്ദേശങ്ങൾ പുറപ്പെടുവിച്ചിട്ടുണ്ട്. മാർഗ്ഗനിർദ്ദേശങ്ങൾ പാലിക്കാത്ത ഒരു സ്ഥാപനവും അനുവദിക്കില്ല. മാർഗനിർദേശങ്ങൾക്ക് വിരുദ്ധമായി പ്രവർത്തിക്കുന്ന സ്ഥാപനങ്ങൾക്കെതിരെ ഉടൻ കർശന നടപടി സ്വീകരിക്കും. എഫ്എസ്എസ് ആക്ട് പ്രകാരം, ലൈസൻസോ രജിസ്ട്രേഷനോ ഇല്ലാതെ ഒരു വ്യക്തിക്കും ഏതെങ്കിലും ഭക്ഷണ ബിസിനസ്സ് ആരംഭിക്കാനോ കൊണ്ടുപോകാനോ കഴിയില്ല. നിയമം ലംഘിക്കുന്നവർക്ക് അഞ്ച് ലക്ഷം രൂപ വരെ പിഴയോ…

ന്യൂഡൽഹി: ഔദ്യോഗിക കണക്കുകൾ പ്രകാരം, കോവിഡ് -19 നെതിരായ പോരാട്ടത്തിൽ കേന്ദ്ര സർക്കാർ സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും 201.36 കോടിയിലധികം വാക്സിനുകൾ നൽകിയിട്ടുണ്ട്, അതിൽ 5.47 കോടിയിലധികം ഡോസുകൾ ഇപ്പോഴും ലഭ്യമാണ്. രാജ്യവ്യാപകമായ വാക്സിനേഷൻ യജ്ഞത്തിന്‍റെ ഭാഗമായി, സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും കോവിഡ് വാക്സിനുകൾ സൗജന്യമായി നൽകിക്കൊണ്ട് കേന്ദ്ര സർക്കാർ അവരെ പിന്തുണയ്ക്കുന്നു. കോവിഡ് -19 വാക്സിനേഷൻ യജ്ഞത്തിന്‍റെ സാർവത്രികവൽക്കരണത്തിന്‍റെ പുതിയ ഘട്ടത്തിൽ, രാജ്യത്തെ വാക്സിൻ നിർമ്മാതാക്കൾ ഉൽപ്പാദിപ്പിക്കുന്ന വാക്സിനുകളിൽ 75% കേന്ദ്ര സർക്കാർ സംഭരിച്ച് സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കും സൗജന്യമായി വിതരണം ചെയ്യുമെന്ന് കേന്ദ്രം പ്രസ്താവനയിൽ പറഞ്ഞു. 2021 ജനുവരി 16 നാണ് രാജ്യവ്യാപകമായി കോവിഡ്-19 വാക്സിനേഷൻ ഡ്രൈവ് ആരംഭിച്ചത്. 2021 ജൂൺ 21 മുതൽ കോവിഡ് -19 വാക്സിനേഷൻ സാർവത്രികമാക്കുന്നതിനുള്ള ഒരു പുതിയ ഘട്ടം ആരംഭിച്ചു. ദേശീയ കോവിഡ് വാക്സിനേഷൻ യജ്ഞത്തിന്‍റെ ഭാഗമായി മുൻകരുതൽ ഡോസുകൾക്ക് ഉത്തേജനം നൽകുന്നതിനായി 2022 ജൂലൈ 15 നാണ് “കോവിഡ് വാക്സിൻ അമൃത്…

കൊച്ചി: മകൻ മയക്കുമരുന്നിന് അടിമയാണെന്നും പൊലീസ് അറസ്റ്റ് ചെയ്തെന്നുമുള്ള സോഷ്യൽ മീഡിയ പ്രചാരണങ്ങൾക്ക് മറുപടിയുമായി തൃക്കാക്കര എം.എൽ.എ ഉമ തോമസ്. പൊലീസ് പിടികൂടിയെന്ന് പറയുന്ന മകൻ കഴിഞ്ഞ ദിവസത്തെ മഴയിൽ വെള്ളം കയറിയ തങ്ങളുടെ വീട് വൃത്തിയാക്കുന്ന ജോലിയിലാണെന്ന് മകന്റെ ഫോട്ടോ പങ്കുവെച്ച് കൊണ്ട് ഉമ തോമസ് ഫേസ്ബുക്കിൽ കുറിച്ചു. “മരണശേഷവും ചില ആളുകൾക്ക് പി.ടിയോടുള്ള പക തീർന്നിട്ടില്ലെന്ന് എനിക്കറിയാം. എന്‍റെ പോരാട്ടം പാതിവഴിയിൽ അവസാനിപ്പിക്കാൻ ആര് ആഗ്രഹിച്ചാലും നടക്കില്ല. പി.ടി ആരംഭിച്ചതെല്ലാം ഞാൻ പൂർത്തിയാക്കും,” ഉമ തോമസ് പറഞ്ഞു. സത്യവുമായി യാതൊരു ബന്ധവുമില്ലാത്ത ഫേസ്ബുക്ക് പോസ്റ്റ് ഇട്ടവർക്കെതിരെയും, ഷെയർ ചെയ്തവർക്കെതിരെയും മുഖ്യമന്ത്രിക്കും ഡി.ജി.പിക്കും പരാതി നൽകുമെന്നും ഉമ തോമസ് കൂട്ടിച്ചേർത്തു.

തിരുവനന്തപുരം: കെ-റെയിൽ പദ്ധതിയുടെ സാമൂഹിക ആഘാത പഠനം തുടരാമെന്ന് സർക്കാരിന് നിയമോപദേശം. നിയമോപദേശം അടങ്ങുന്ന കുറിപ്പ് എ.ജി.റവന്യൂ വകുപ്പിന് കൈമാറി. സാമൂഹികാഘാത പഠനം പുനരാരംഭിക്കുന്ന കാര്യത്തിൽ മുഖ്യമന്ത്രിയുടെ അനുമതിയോടെ സർക്കാർ തീരുമാനമെടുക്കും. ഇതോടൊപ്പം കെ-റെയിൽ പദ്ധതി റെയിൽവേ ഭൂമിയിലൂടെ കടന്നുപോകുന്നത് സംബന്ധിച്ച പഠനവും പൂർത്തിയായി. തൃക്കാക്കര ഉപതിരഞ്ഞെടുപ്പ് സമയത്താണ് പദ്ധതിയുടെ സാമൂഹികാഘാത പഠനവും മഞ്ഞ കോൺക്രീറ്റ് കുറ്റി സ്ഥാപിക്കുന്നതും നിർത്തിവച്ചത്. കേന്ദ്ര സർക്കാരിന്റെ അനുമതിയില്ലാതെ പദ്ധതി മുന്നോട്ട് പോകില്ലെന്ന് പിന്നീട് സർക്കാർ പ്രഖ്യാപിച്ചിരുന്നു. ഇതേതുടർന്ന് സാമൂഹികാഘാത പഠനം നിർത്തിവെച്ചതോടെ സർക്കാർ ഇക്കാര്യത്തിൽ നിയമോപദേശം തേടി. ഇക്കാര്യത്തിൽ അഡ്വക്കേറ്റ് ജനറൽ കെ.ഗോപാലകൃഷ്ണക്കുറുപ്പ് സർക്കാരിന് അനുകൂലമായ നിയമോപദേശം നൽകിയിട്ടുണ്ട്. റവന്യൂവകുപ്പാണ് ഇതുസംബന്ധിച്ച് നിയമോപദേശം തേടിയത്. അനുകൂലമായ നിയമോപദേശം അടങ്ങിയ ഫയൽ മുഖ്യമന്ത്രിക്ക് സമർപ്പിച്ചിട്ടുണ്ട്. സാമൂഹികാഘാത പഠനം പുനരാരംഭിക്കുന്ന കാര്യത്തിൽ മുഖ്യമന്ത്രിയുടെ അനുമതിയോടെ സർക്കാർ തീരുമാനമെടുക്കും.

പഞ്ചാബ്: പരസ്യമായി ആംആദ്മി എം.എൽ.എയുടെ മുഖത്തടിച്ച് ഭർത്താവ്. പഞ്ചാബ് എംഎൽഎ ബൽജിന്ദർ കൗറിന്‍റെ മുഖത്താണ് ഭർത്താവ് സുഖ്രാജ് സിംഗ് അടിച്ചത്. സുഖ്രാജും ആം ആദ്മി പാർട്ടി പ്രവർത്തകനാണ്. സംഭവത്തിന്‍റെ വീഡിയോ പുറത്തുവന്നതോടെ സംസ്ഥാന വനിതാ കമ്മീഷൻ ഇടപെട്ടിട്ടുണ്ട്. ഇയാൾക്കെതിരെ നടപടിയെടുക്കുമെന്ന് ചെയർപേഴ്സൺ മനീഷ ഗുലാത്തി പറഞ്ഞു. ഇരുവരും തമ്മിൽ തർക്കിക്കുന്നത് വീഡിയോയിൽ കാണാം. ഇതിന് പിന്നാലെയാണ് ഭർത്താവ് എം.എൽ.എയുടെ മുഖത്തടിച്ചത്. സമീപത്ത് നിൽക്കുന്ന ചിലർ ഇയാളെ പിടിച്ചു മാറ്റുന്നതും വീഡിയോയിൽ കാണാം. ഇരുവരുടെയും വീട്ടിലാണ് സംഭവം നടന്നത്. സമീപത്തെ സി.സി.ടി.വി.യിൽ പതിഞ്ഞ ദൃശ്യങ്ങളാണ് ഇപ്പോൾ പ്രചരിക്കുന്നത്. ജൂലൈ 10നാണ് കേസിനാസ്പദമായ സംഭവം നടന്നതെന്നാണ് വിവരം.

കൊച്ചി: നിയമസഭാ കയ്യാങ്കളി കേസ് സ്റ്റേ ചെയ്യാനാവില്ലെന്ന് ഹൈക്കോടതി വ്യക്തമാക്കി. കേസിൽ നേരിട്ട് ഹാജരാകുന്നത് ഒഴിവാക്കണമെന്ന വിദ്യാഭ്യാസ മന്ത്രി വി ശിവൻകുട്ടി ഉൾപ്പെടെയുള്ള പ്രതികളുടെ ആവശ്യം കോടതി തള്ളി. കുറ്റപത്രം വായിക്കുന്നത് മാറ്റിവയ്ക്കണമെന്നും പ്രതികൾ ആവശ്യപ്പെട്ടിരുന്നു. സാങ്കേതിക കാരണങ്ങൾ പറഞ്ഞ് കേസ് ഒഴിവാക്കാൻ ഒരു ശ്രമവും പാടില്ലെന്നും കുറ്റപത്രം വായിക്കുന്നത് മാറ്റിവയ്ക്കാനാവില്ലെന്നും കോടതി വ്യക്തമാക്കി. സെപ്റ്റംബർ 14ന് കോടതിയിൽ നേരിട്ട് ഹാജരാകാനും കോടതി നിർദേശിച്ചു. 2015 മാർച്ച് 13ന് അന്നത്തെ ധനമന്ത്രി കെ.എം മാണി ബജറ്റ് അവതരിപ്പിക്കുന്നത് തടയാൻ ശ്രമിച്ച പ്രതിപക്ഷ നേതാക്കൾ 2.20 ലക്ഷം രൂപയുടെ നഷ്ടമുണ്ടാക്കിയെന്നാണ് ക്രൈംബ്രാഞ്ച് കേസ്. മന്ത്രി വി ശിവൻകുട്ടി, എൽഡിഎഫ് കൺവീനർ ഇ പി ജയരാജൻ, കെ ടി ജലീൽ എംഎൽഎ, കെ അജിത്ത്, കെ കുഞ്ഞഹമ്മദ്, സി കെ സദാശിവൻ എന്നിവരാണ് കേസിലെ പ്രതികൾ.

ന്യൂഡൽഹി: ഉയർന്ന സുരക്ഷയ്ക്കായി ക്രെഡിറ്റ് കാർഡുകളിൽ എസ്ബിഐ ഏർപ്പെടുത്തുന്ന ടോക്കണൈസേഷൻ ഒക്ടോബർ മുതൽ പ്രാബല്യത്തിൽ വരും. ഡാറ്റാ ചോർച്ചയും തട്ടിപ്പും തടയുന്നതിനുള്ള സംവിധാനമാണിതെന്ന് എസ്ബിഐ കാർഡ് എംഡി രാമമോഹൻ റാവു അമാറ പറഞ്ഞു. ക്രെഡിറ്റ്, ഡെബിറ്റ് കാർഡുകൾ ഉപയോഗിച്ചുള്ള പണമിടപാടുകൾക്ക് കാർഡ് വിവരങ്ങൾ നൽകുന്നതിന് പകരം കോഡുകൾ നൽകുന്ന സംവിധാനമായ ടോക്കണൈസേഷൻ ഒക്ടോബർ മുതൽ രാജ്യത്തുടനീളം നടപ്പാക്കുമെന്ന് റിസർവ് ബാങ്ക് ഓഫ് ഇന്ത്യ (ആർബിഐ) അറിയിച്ചു. യഥാർത്ഥ കാർഡ് വിവരങ്ങൾ ട്രാൻസാക്ഷൻ എന്‍റിറ്റിയുമായി പങ്കിടാതെ തന്നെ നിങ്ങൾക്ക് മുന്നോട്ട് പോകാൻ കഴിയുമെന്നതാണ് ടോക്കണൈസേഷന്‍റെ നേട്ടം. ഉപയോക്താക്കളുടെ താൽപ്പര്യ സംരക്ഷണവും ഡാറ്റാ ചോർച്ചയിൽ നിന്നുള്ള പരിരക്ഷയും ഇത് ഉറപ്പാക്കുമെന്നും എംഡി കൂട്ടിച്ചേർത്തു. ഓൺലൈൻ തട്ടിപ്പുകാരിൽ നിന്ന് കാർഡ് വിശദാംശങ്ങൾ സംരക്ഷിക്കുക എന്നതാണ് ടോക്കണൈസേഷന്‍റെ പ്രധാന ലക്ഷ്യം. കാർഡ് വിശദാംശങ്ങൾ ഇനിമുതൽ ഓൺലൈൻ ഷോപ്പിംഗ് വെബ്സൈറ്റുകളിൽ സംരക്ഷിക്കാൻ കഴിയില്ല. ടോക്കണൈസേഷന്‍റെ അവസാന തീയതി ഈ മാസം 30 ആണ്.

ന്യൂഡല്‍ഹി: കണ്ണമ്മൂല സ്വദേശി സുനിൽ ബാബുവിനെ കൊലപ്പെടുത്തിയ കേസിലെ പ്രതി കാരി ബിനുവിന്‍റെ ജീവപര്യന്തം തടവ് റദ്ദാക്കണമെന്ന് ആവശ്യപ്പെട്ട് സമർപ്പിച്ച ഹർജിയിൽ സുപ്രീം കോടതി നോട്ടീസ് അയച്ചു. ജസ്റ്റിസുമാരായ ഹേമന്ത് ഗുപ്ത, സുധാൻഷു ദുലിയ എന്നിവരടങ്ങിയ ബെഞ്ചാണ് സംസ്ഥാന സർക്കാരിന് നോട്ടീസ് അയച്ചത്. ശിക്ഷാ ഇളവ് സംബന്ധിച്ച് സുപ്രീം കോടതി അന്തിമ വിധി വരുന്നതുവരെ ഇടക്കാല ജാമ്യം അനുവദിക്കണമെന്ന ഹർജിയിൽ കോടതി സർക്കാരിന്റെ നിലപാട് ആരാഞ്ഞു. സുനിൽ ബാബു വധക്കേസിലെ അഞ്ചാം പ്രതിയാണ് കാരി ബിനു. ബിനുവിനെതിരെ ഗൂഡാലോചനക്കുറ്റം മാത്രമാണ് ചുമത്തിയിരിക്കുന്നതെന്ന് ബിനുവിന് വേണ്ടി ഹാജരായ സീനിയര്‍ അഭിഭാഷകന്‍ രാജേഷ് പാണ്ഡേ, അഭിഭാഷകരായ എം.കെ. അശ്വതി, മനോജ് സെല്‍വരാജ് എന്നിവര്‍ സുപ്രീം കോടതിയില്‍ ചൂണ്ടിക്കാട്ടി. അതിനാൽ ജീവപര്യന്തം ശിക്ഷ റദ്ദാക്കണമെന്നും അഭിഭാഷകർ ആവശ്യപ്പെട്ടു. ഇതിന് പിന്നാലെയാണ് കോടതി സർക്കാരിന്റെ നിലപാട് തേടിയത്.

തിരുവനന്തപുരം: കാസർകോട് മുതൽ തിരുവനന്തപുരം വരെയുള്ള അര്‍ധ അതിവേഗ റെയിൽ പാതയായ സിൽവർ ലൈൻ പദ്ധതിക്കായി ഏറ്റെടുക്കേണ്ട റെയിൽവേ ഭൂമിയുടെ വിശദാംശങ്ങൾ കെ-റെയിൽ കോർപ്പറേഷൻ റെയിൽവേ ബോർഡിന് സമർപ്പിച്ചു. സിൽവർ അലൈൻമെന്‍റിൽ വരുന്ന റെയിൽവേ ഭൂമിയുടെയും റെയിൽവേ കെട്ടിടങ്ങളുടെയും റെയിൽവേ ക്രോസിംഗുകളുടെയും വിശദമായ രൂപരേഖ സമർപ്പിക്കാൻ റെയിൽവേ ബോർഡ് കെ-റെയിലിനോട് ആവശ്യപ്പെട്ടിരുന്നു. 2020 സെപ്റ്റംബർ 9 നാണ് സിൽവർ ലൈൻ ഡിപിആർ റെയിൽവേ ബോർഡിന് സമർപ്പിച്ചത്. ഡി.പി.ആർ പരിശോധിച്ച ശേഷം ബോർഡ് ഉന്നയിച്ച മറ്റെല്ലാ ചോദ്യങ്ങൾക്കും കെ-റെയിൽ നേരത്തെ മറുപടി നൽകിയിരുന്നു. കെ-റെയിലും സതേൺ റെയിൽവേയും റെയിൽവേയുടെ ഭൂമിയുടെയും ലെവൽ ക്രോസിംഗുകളുടെയും വിശദാംശങ്ങൾക്കായി സംയുക്ത പരിശോധന നടത്തിയിരുന്നു. ഈ പരിശോധനയെ തുടർന്ന് സിൽവർ ലൈനിനായി ഇപ്പോൾ ഏറ്റെടുക്കേണ്ട ഇന്ത്യൻ റെയിൽവേയുടെ ഭൂമി സംബന്ധിച്ച വിവരങ്ങൾ ബോർഡിന് സമർപ്പിച്ചു. പദ്ധതി കടന്നുപോകുന്ന ഒമ്പത് ജില്ലകളിൽ സിൽവർ ലൈനിന് ഇന്ത്യൻ റെയിൽവേയുടെ ഭൂമി ആവശ്യമാണ്. തിരുവനന്തപുരം, കൊല്ലം, കോട്ടയം, എറണാകുളം, തൃശ്ശൂർ, മലപ്പുറം, കോഴിക്കോട്,…