Author: News Desk

കൊച്ചി: കരുവന്നൂർ സഹകരണ ബാങ്കിലെ നിക്ഷേപകർക്ക് ഒക്ടോബർ 15 മുതൽ പണം തിരികെ നൽകുമെന്ന് സർക്കാർ ഹൈക്കോടതിയിൽ. കേരള ബാങ്കിൽ നിന്ന് വായ്പയെടുത്ത് പണം തിരികെ നൽകാൻ നടപടി സ്വീകരിക്കുമെന്ന് സർക്കാർ നേരത്തെ കോടതിയെ അറിയിച്ചിരുന്നു. നിക്ഷേപകർക്ക് പണം തിരികെ നൽകാൻ 400 കോടി രൂപ വേണ്ടിവരുമെന്ന് മന്ത്രിയുടെ അധ്യക്ഷതയിൽ ചേർന്ന ഉന്നതതല യോഗത്തിൽ അറിയിച്ചു. അടിയന്തര ആവശ്യക്കാർക്ക് പണം നൽകിയ ശേഷം വിശദാംശങ്ങൾ രേഖാമൂലം സമർപ്പിക്കാനും ഹൈക്കോടതി നേരത്തെ സർക്കാരിന് നിർദ്ദേശം നൽകിയിരുന്നു. ജസ്റ്റിസ് ടി ആർ രവിയുടെ ബെഞ്ചാണ് ഹർജികൾ പരിഗണിച്ചത്.

കൊച്ചി: സിനിമാ പ്രമോഷനിടെ യുവനടിമാർക്ക് നേരെ നടന്ന ലൈംഗിക അതിക്രമത്തിൽ പ്രതികരണവുമായി നടൻ അജു വർഗീസ്. ഒരിക്കലും സംഭവിക്കാൻ പാടില്ലാത്തതാണ് നടന്നതെന്നും ലജ്ജ തോന്നുന്നുവെന്നും അജു തന്‍റെ സോഷ്യൽ മീഡിയ പേജിൽ കുറിച്ചു. അക്രമത്തെ കുറിച്ച് തുറന്ന് പറഞ്ഞ നടിയുടെ പോസ്റ്റ് പങ്കുവെച്ചുകൊണ്ടായിരുന്നു അജുവിന്‍റെ പ്രതികരണം. നടിമാരെ പിന്തുണച്ച് നടൻ നിവിൻ പോളിയും രംഗത്തെത്തിയിരുന്നു. അതേസമയം, നടി ആക്രമിക്കപ്പെട്ട സംഭവത്തിൽ കണ്ടാലറിയാവുന്ന രണ്ട് പേർക്കെതിരെ ജാമ്യമില്ലാ വകുപ്പുകൾ പ്രകാരം പൊലീസ് കേസെടുത്തു. പന്തീരാങ്കാവ് പൊലീസാണ് കേസെടുത്തത്. രണ്ട് നടിമാരുടെയും വിശദമായ മൊഴി കഴിഞ്ഞ ദിവസം രേഖപ്പെടുത്തിയിരുന്നു. സംഭവസമയത്ത് പകർത്തിയ മുഴുവൻ ദൃശ്യങ്ങളും ഹാജരാക്കാൻ സംഘാടകരോട് പൊലീസ് ആവശ്യപ്പെട്ടിട്ടുണ്ട്. 

ബെഗുസാരായി: എക്സ് എക്സ് എക്സ്(സീസൺ 2) എന്ന വെബ് സീരീസിൽ സൈനികരെ അധിക്ഷേപിക്കുകയും കുടുംബാംഗങ്ങളുടെ വികാരം വ്രണപ്പെടുത്തുകയും ചെയ്തുവെന്ന കേസിൽ സംവിധായകയും നിർമ്മാതാവുമായ ഏക്താ കപൂറിനും അമ്മ ശോഭ കപൂറിനുമെതിരെ ബിഹാറിലെ ബെഗുസാരായി കോടതി അറസ്റ്റ് വാറണ്ട് പുറപ്പെടുവിച്ചു. വിമുക്തഭടനും ബെഗുസാരായി സ്വദേശിയുമായ ശംഭു കുമാർ നൽകിയ പരാതിയുടെ അടിസ്ഥാനത്തിലാണ് ജഡ്ജി വികാസ് കുമാറിന്‍റെ നടപടി. 2020 ൽ നൽകിയ പരാതിയിൽ, എക്സ് എക്സ് എക്സ് (സീസൺ -2) എന്ന വെബ് സീരീസിൽ ഒരു സൈനികന്‍റെ ഭാര്യയുമായി ബന്ധപ്പെട്ട നിരവധി ആക്ഷേപകരമായ രംഗങ്ങൾ ഉൾപ്പെടുത്തിയിട്ടുണ്ടെന്ന് ശംഭു കുമാർ ആരോപിച്ചിരുന്നു. ഏക്താ കപൂറിന്‍റെ ബാലാജി ടെലിഫിലിംസ് ലിമിറ്റഡിന്‍റെ ഉടമസ്ഥതയിലുള്ള ഒടിടി പ്ലാറ്റ്ഫോമായ എഎൽടി ബാലാജിയിലാണ് സീരീസ് സംപ്രേഷണം ചെയ്തത്. ശോഭ കപൂറിന് ബാലാജി ടെലിഫിലിംസുമായി ബന്ധമുണ്ട്. ഹാജരാകാൻ ആവശ്യപ്പെട്ട് കോടതി ഇരുവർക്കും സമൻസ് അയച്ചിരുന്നു. സീരീസിലെ ചില രംഗങ്ങൾ നീക്കം ചെയ്തെന്ന് ഇരുവരും കോടതിയെ അറിയിച്ചു. എന്നാൽ കോടതിയിൽ ഹാജരായില്ല. തുടർന്ന് കോടതി…

തിരുവനന്തപുരം: എകെജി സെന്റർ ആക്രമണക്കേസിലെ പ്രതി ജിതിന്റെ ജാമ്യാപേക്ഷയിൽ കോടതി ഇന്ന് വിധി പറയും. തിരുവനന്തപുരം ഫസ്റ്റ് ക്ലാസ് മജിസ്ട്രേറ്റ് കോടതിയാണ് വിധി പറയുക. ജാമ്യം നൽകിയാൽ സാക്ഷികളെ സ്വാധീനിക്കുമെന്നതിനാൽ മുൻകാലങ്ങളിൽ കേസുകളിൽ ഉൾപ്പെട്ടിട്ടുള്ള ജിതിന് ജാമ്യം നൽകരുതെന്ന് പ്രോസിക്യൂഷൻ കോടതിയോട് അഭ്യർത്ഥിച്ചിട്ടുണ്ട്. കസ്റ്റഡിയിൽ എടുത്തിട്ടും പൊലീസിന് തെളിവുകൾ ശേഖരിക്കാൻ കഴിഞ്ഞിട്ടില്ലെന്നും ജാമ്യം അനുവദിക്കണമെന്നും പ്രതിഭാഗം വാദിച്ചു. വിശദമായ വാദത്തിന് ശേഷം ജാമ്യാപേക്ഷ ഇന്ന് വിധി പറയുന്നതിനായി മാറ്റിവച്ചു. അതേസമയം പൊട്ടാസ്യം ക്ലോറൈഡ് അടങ്ങിയ രാസവസ്തു എകെജി സെന്ററിലേക്ക് എറിഞ്ഞതായി പ്രോസിക്യൂഷൻ കോടതിയെ അറിയിച്ചു. അത്തരം ഒരു ചെറിയ സ്ഫോടനത്തിൽ നിന്നാണ് നൂറുകണക്കിന് ജീവനുകൾ അപഹരിച്ച പുറ്റിങ്ങലിലെ ദുരന്തത്തിലേക്ക് നയിച്ചത്. ഇത്രയും വലിയ പ്രവൃത്തിയാണ് ജിതിൻ ചെയ്തതെന്നും അതിനാൽ പ്രതികൾക്ക് ജാമ്യം അനുവദിക്കരുതെന്നും പ്രോസിക്യൂഷൻ കോടതിയിൽ വാദിച്ചു. എന്നാൽ, സാധാരണക്കാരനായ ജിതിന് തെളിവ് നശിപ്പിക്കാനോ സാക്ഷികളെ സ്വാധീനിക്കാനോ കഴിയില്ലെന്നും ജാമ്യം അനുവദിക്കണമെന്നും പ്രതിഭാഗം വാദിച്ചു. ഭരണകക്ഷിയിലെ പ്രധാന കക്ഷി നൽകിയ പരാതിയിൽ…

തിരുവനന്തപുരം: പ്രേമനന്‍റെ മകൾ രേഷ്മയ്ക്ക് കെ.എസ്.ആർ.ടി.സി കൺസഷൻ പാസ് നൽകി. ഈ മാസം 20ന് കൺസഷൻ പാസ് പുതുക്കാനെത്തിയ പ്രേമനനെയും മകളെയും കെ.എസ്.ആർ.ടി.സി ജീവനക്കാർ മർദ്ദിച്ചിരുന്നു. കഴിഞ്ഞ ഞായറാഴ്ച വൈകിട്ടാണ് കെഎസ്ആർടിസി കാട്ടാക്കട ഡിപ്പോയിലെ രണ്ട് ജീവനക്കാർ വീട്ടിലെത്തി പാസ് കൈമാറിയത്. ജീവനക്കാരുടെ അതിക്രമം വലിയ ചർച്ചാവിഷയമായതോടെയാണ് കെ.എസ്.ആർ.ടി.സിയുടെ തെറ്റുതിരുത്തൽ.

ഡൽഹി: പോപ്പുലർ ഫ്രണ്ടിന്‍റെ നിരോധനത്തിന്‍റെ പശ്ചാത്തലത്തിൽ സംസ്ഥാനങ്ങളിൽ ഏർപ്പെടുത്തിയ സുരക്ഷ തുടരും. പോപ്പുലർ ഫ്രണ്ടിന്‍റെ ഓഫീസുകൾ ഉൾപ്പെടെയുള്ള പ്രദേശങ്ങളിൽ നിരീക്ഷണം തുടരും. നിരോധനത്തിന്‍റെ തുടർനടപടികളും ഇന്ന് സംസ്ഥാനങ്ങളിൽ സ്വീകരിക്കും. സ്വത്തുക്കൾ കണ്ടുകെട്ടലും ഓഫീസുകൾ സീൽ ചെയ്യുന്നതും പലയിടത്തും ആരംഭിച്ചിട്ടുണ്ട്. അതേസമയം നിരോധനത്തിന് ശേഷം സംഘടനാ നേതാക്കളുടെ പ്രവർത്തനങ്ങൾ നിരീക്ഷിക്കാൻ കേന്ദ്രം പ്രത്യേകം നിർദ്ദേശം നൽകിയിട്ടുണ്ട്. സോഷ്യൽ മീഡിയയിലെ പ്രതിഷേധങ്ങൾ കേന്ദ്ര സർക്കാർ നിരീക്ഷിക്കും.

കൊച്ചി: കെ.എസ്.ആർ.ടി.സിയിൽ മിന്നൽ പണിമുടക്ക് നടത്തിയ ജീവനക്കാരെ ഹൈക്കോടതി വാക്കാൽ വിമർശിച്ചു. യൂണിയനുകൾ വിചാരിക്കുന്ന കാര്യങ്ങൾ മാത്രമാണ് നടക്കുന്നതെന്നും അങ്ങനെയാണെങ്കിൽ ഈ പ്രസ്ഥാനം അവർക്ക് തന്നെ ഏറ്റെടുത്തു നടത്തിക്കൂടേ എന്നും കോടതി ചോദിച്ചു. മിന്നൽ പണിമുടക്കിനെതിരെ കർശന നടപടി വേണമെന്ന് പറഞ്ഞ കോടതി അന്വേഷണ നടപടികളിൽ കെ.എസ്.ആർ.ടി.സിയുടെ നിലപാട് ആരാഞ്ഞു. കേസ് ഒക്ടോബർ ആറിന് വീണ്ടും പരിഗണിക്കും. 2022 ജൂൺ 26 ന് തിരുവനന്തപുരത്തെ നാല് ഡിപ്പോകളിലായി നടന്ന മിന്നൽ പണിമുടക്കിൽ നഷ്ട്ടം വന്ന 9,50,137 രൂപ ശമ്പളത്തിൽ നിന്ന് ഈടാക്കാനുള്ള നീക്കത്തിനെതിരെ 107 ജീവനക്കാർ നൽകിയ ഹർജികൾ പരിഗണിക്കുകയായിരുന്നു ജസ്റ്റിസ് ദേവൻ രാമചന്ദ്രൻ. ശമ്പളം കിട്ടാതായപ്പോൾ എല്ലാ ജനങ്ങളും ജീവനക്കാർക്കൊപ്പമായിരുന്നുവെന്നും കാട്ടാക്കടയിലെ ഒരൊറ്റ സംഭവത്തോടെ ജനം എതിരെ തിരിഞ്ഞെന്നും കോടതി പറഞ്ഞു. സർവീസ് ഷെഡ്യൂൾ മാറ്റിയതിൽ പ്രതിഷേധിച്ച് പാപ്പനംകോട്, തിരുവനന്തപുരം സിറ്റി, വികാസ് ഭവൻ, പേരൂർക്കട ഡിപ്പോകളിൽ നടന്ന പണിമുടക്കിൽ 63 സർവീസുകൾ മുടങ്ങിയതായി കെ.എസ്.ആർ.ടി.സി അറിയിച്ചു. എന്നാൽ അപ്രായോഗികമായ…

മലപ്പുറം: കോൺ​ഗ്രസ് മുൻ അധ്യക്ഷൻ രാഹുൽ ഗാന്ധിയുടെ കേരളത്തിലെ ഭാരത് ജോഡോ യാത്ര പര്യടനം ഇന്ന് സമാപിക്കും. പാർട്ടിയുടെ പുനരുജ്ജീവനം ലക്ഷ്യമിട്ടുള്ള യാത്ര തമിഴ്നാട്ടിൽ നിന്ന് എത്തിയപ്പോൾ പ്രതീക്ഷിച്ചതിലും വലിയ സ്വാധീനം ചെലുത്താൻ കഴിഞ്ഞെങ്കിലും അധ്യക്ഷ പ്രതിസന്ധിയുടെ പശ്ചാത്തലത്തിലാണ് കേരളത്തിലൂടെയുള്ള പര്യടനം ഒടുവിൽ പൂർത്തിയാകുന്നത്. യാത്രയിൽ കണ്ട വൻ ജനപങ്കാളിത്തം പാർട്ടിയുടെ തിരിച്ചുവരവായി നേതൃത്വം വിശദീകരിക്കുന്നുണ്ട്. നാളെ കർണാടകയിൽ പ്രവേശിക്കുന്ന യാത്ര ഏകദേശം 150 ദിവസങ്ങൾ കൊണ്ടാണ് കാശ്മീരിൽ എത്തുക. കന്യാകുമാരി മുതൽ കശ്മീർ വരെ പാർട്ടിയുടെ പ്രതീക്ഷയായ നേതാവ് നടക്കുമ്പോൾ, കോൺ​ഗ്രസ് രാജ്യത്തുടനീളം അതിന്‍റെ അലയൊലികൾ ഉയർത്താൻ ശ്രമിക്കുന്നുണ്ട്. വലിയ പ്രതീക്ഷകളോടെയാണ് ഈ മാസം ഏഴിന് കോൺ​ഗ്രസ് ജോഡോ യാത്ര ആരംഭിച്ചത്. യാത്ര കേരളത്തിലെത്തിയപ്പോൾ ആവേശം വളരെ കൂടുതലായിരുന്നു. പിആർ വർക്ക്, കണ്ടെയ്നർ ട്രാവൽ, പൊറോട്ട യാത്ര എന്നിങ്ങനെ എതിരാളികൾ വിമർശിക്കുമ്പോഴും യാത്രയിൽ വൻ ജനപങ്കാളിത്തം ഉണ്ടായിരുന്നു. കേരളത്തിൽ എത്തിയതു മുതൽ സി.പി.എം അദ്ദേഹത്തെ പരിഹസിക്കുകയും വിമർശിക്കുകയും ചെയ്യുന്നുണ്ടെങ്കിലും ബി.ജെ.പിയെ…

തിരുവനന്തപുരം: സിൽവർ ലൈൻ സർവേ പുനരാരംഭിക്കാനുള്ള നീക്കം ഉപേക്ഷിക്കണമെന്ന് മുൻ മുഖ്യമന്ത്രി ഉമ്മൻചാണ്ടി ആവശ്യപ്പെട്ടു. കേന്ദ്രാനുമതിയോ സാമൂഹികാഘാത പഠനാനുമതിയോ വിശദമായ പദ്ധതി രേഖയോ ഇല്ലാത്ത സാഹചര്യത്തിൽ ഏകപക്ഷീയമായി സർവേ പുനരാരംഭിക്കാനുള്ള നീക്കം ജനങ്ങളിൽ കൂടുതൽ രോഷത്തിന് ഇടയാക്കുമെന്നും സംഘർഷം സൃഷ്ടിക്കുമെന്നും ഉമ്മൻചാണ്ടി മുന്നറിയിപ്പ് നൽകി. വിശദമായ പദ്ധതി രേഖയ്ക്ക് ഇതുവരെ കേന്ദ്രത്തിന്‍റെ അംഗീകാരം ലഭിക്കാത്ത സാഹചര്യത്തിൽ എന്തുകൊണ്ട് സാമൂഹ്യാഘാത പഠനവും സർവേയും നടത്തണമെന്ന് കേരള ഹൈക്കോടതി ഉന്നയിച്ച ചോദ്യങ്ങൾക്ക് വളരെ പ്രസക്തിയുണ്ടെന്നും പദ്ധതിയുടെ അലൈൻമെന്‍റ് മാറ്റാൻ കേന്ദ്രം ആവശ്യപ്പെട്ടാൽ ഇതെല്ലാം വെറുതെയാകില്ലേയെന്നും ഉമ്മൻചാണ്ടി പറഞ്ഞു. നടപടിക്രമങ്ങൾ പാലിക്കാതെയും അനാവശ്യമായും സർക്കാർ ആരംഭിച്ച സർവേയിൽ നിന്ന് സ്വത്ത് സംരക്ഷിക്കാനുള്ള ജനകീയ സമരത്തിന്‍റെ ഫലമായി ഉയർന്നുവന്ന എല്ലാ കേസുകളും പിൻവലിക്കാൻ സർക്കാർ തയ്യാറാവണമെന്നും ജനങ്ങൾക്ക് അസൗകര്യമുണ്ടാക്കിയതിന് മാപ്പ് പറയണമെന്നും ഉമ്മൻചാണ്ടി പറഞ്ഞു.

തിരുവനന്തപുരം: സി ദിവാകരൻ സംസ്ഥാന നേതൃത്വത്തെ പരസ്യമായി വിമർശിച്ചതിനെതിരെ നടപടിയുണ്ടായേക്കും. 30ന് ചേരുന്ന പാർട്ടി എക്സിക്യുട്ടീവ് ഇക്കാര്യം ചർച്ച ചെയ്യും. അതേസമയം, സംസ്ഥാന സമ്മേളനത്തിന് പതാക ഉയരാൻ ഒരു ദിവസം മാത്രം ബാക്കി നിൽക്കെ സെക്രട്ടറി സ്ഥാനത്തേക്ക് മത്സര സാധ്യത ഉറപ്പിക്കുകയാണ് സി.പി.ഐ. പ്രായപരിധി വിവാദത്തിൽ സംസ്ഥാന നേതൃത്വത്തിന്‍റെ നിലപാടിനെതിരെ സി ദിവാകരൻ നടത്തിയ രൂക്ഷവിമർശനവും കാനം രാജേന്ദ്രന്‍റെ മറുപടിയും പുറത്തുവന്നതോടെ സി.പി.ഐയിലെ ഒളിഞ്ഞും തെളിഞ്ഞും നിന്ന പക്ഷങ്ങൾ വ്യക്തമായി. സംസ്ഥാന സമ്മേളനത്തിന്‍റെ നടപടികളിലേക്ക് കടക്കുന്ന പാർട്ടിയിൽ ദിവാകരന്‍റെ ആവശ്യത്തെ അനുകൂലിച്ചും പ്രതികൂലിച്ചും ചർച്ചകൾ നടക്കുന്നുണ്ട്.  അടിസ്ഥാന രഹിതമായ വിഷയങ്ങളിൽ പരസ്യപ്രസ്താവന നടത്തി പാർട്ടി നേതൃത്വത്തെ വിമർശിക്കുന്ന സി ദിവാകരനെതിരെ അച്ചടക്കമില്ലായ്മയുടെ പേരിൽ നടപടി വേണമെന്നാണ് ഒരു വിഭാഗം ആവശ്യപ്പെടുന്നത്. 30ന് ചേരുന്ന പാർട്ടി എക്സിക്യൂട്ടീവ് യോഗത്തിൽ ഇക്കാര്യം ചർച്ച ചെയ്യുമെന്നാണ് വിവരം.