സന്യാസിമാരെ കൂട്ടക്കൊല ചെയ്ത കേസിലെ പ്രതിക്ക് കൊവിഡ്

മുംബൈ:കുട്ടികളെ കടത്തുന്നവരെന്ന് ആരോപിച്ച്‌ രണ്ട് സന്യാസിമാരെയും ഒപ്പമുണ്ടായിരുന്ന ഡ്രൈവറെയും കഴിഞ്ഞ മാസമാണ് മഹാരാഷ്ട്രയില്‍ ആള്‍ക്കൂട്ടം മര്‍ദ്ദിച്ചുകൊന്നത്. ഇതുമായി ബന്ധപ്പെട്ട് അറസ്റ്റ് ചെയ്ത 115 പേരെ മഹാരാഷ്ട്ര പോലീസ് കൊവിഡ് പരിശോധന നടത്തിയിരുന്നു. അറസ്റ്റിലായ 55കാരനാണ് കൊവിഡ് സ്ഥിരീകരിച്ചത്. വെള്ളിയാഴ്ചയാണ് പ്രതിക്ക് കൊവിഡ് സ്ഥിരീകരിച്ചത്. ഇയാളെ ഇപ്പോള്‍ പാല്‍ഘറിലെ സര്‍ക്കാര്‍ ആശുപത്രിയിലേക്ക് മാറ്റിയിരിക്കുകയാണ്. 30 പേര്‍ക്കൊപ്പം വാഡ ജില്ലയിലെ പോലീസ് ലോക്കപ്പിലായിരുന്നു ഇയാള്‍ താമസിച്ചിരുന്നത്. ഇതോടെ ഇയാള്‍ക്കൊപ്പം ലോക്കപ്പില്‍ ഉണ്ടായിരുന്ന 30 സഹതടവുകാര്‍ക്ക് കൂടി കൊവിഡ പരിശോധന നടത്തുമെന്ന് പോലീസ് അറിയിച്ചു.