കൊറോണ വൈറസിന്റെ പിന്നിൽ മനുഷ്യനല്ല- ലോകാരോഗ്യ സംഘടന

ജനീവ: ചൈനയുടെ ലാബില്‍ നിന്നും സൃഷ്ടിക്കപ്പെട്ട നശീകരണ വൈറസാണെന്ന അമേരിക്കയടക്കമുള്ള രാജ്യങ്ങളുടെ വാദം ശക്തമായ സാഹചര്യത്തിലാണ് കൊറോണ വൈറസിന്റെ പിന്നിൽ മനുഷ്യനല്ല എന്ന അഭിപ്രായവുമായി ലോകാരോഗ്യ സംഘടന രംഗത്തെത്തിയത്.ലോകത്താകമാനം വ്യാപിച്ചിരിക്കുന്ന കൊറോണ വൈറസ് സ്വാഭാവികമായി ഉണ്ടായതാണെന്നും അത് ഒരു മനുഷ്യനിര്‍മ്മിത വൈറസല്ലെന്നും ലോകാരോഗ്യ സംഘടനയുടെ അത്യാഹിത സേവന മേഖലയുടെ ആഗോള ചുമതല വഹിക്കുന്ന ഡോ. മൈക്കിള്‍ റയാൻ വ്യക്തമാക്കി.