മഴയിൽ അപരിചിതന്റെ കാർ തള്ളി ശൈഖ് സൽമാൻ ബിൻ അബ്ദുല്ല അൽ ഖലീഫ

മനാമ: ഗൾഫ് രാജ്യങ്ങളിൽ വച്ച് ഏറ്റവും കൂടുതൽ വിദേശികളുമായി അടുത്ത് ഇടപെഴുകുന്ന സ്വഭാവവും ,മറ്റുള്ളവരെ സഹായിക്കുന്നതിലും സ്നേഹിക്കുന്നതിലും മുന്നിലാണ് ബഹ്റൈനികൾ. കഴിഞ്ഞ ദിവസത്തെ മഴയിൽ നടന്ന ഒരു സംഭവം ഇവരുടെ സഹജീവികളോടുള്ള സഹാനുഭൂതിക്ക് മറ്റൊരു ഉദാഹരണമാണ്.ജാരി അൽ ഷെയ്ഖ് പ്രദേശത്തിന് സമീപമുള്ള വാലി അൽ അഹാദ് ഹൈവേയിൽ മഴയെത്തുടർന്ന് വഴിയിൽ വാഹനം നിലച്ചുപോയ ഒരു അപരിചിതനെ അതുവഴി പോയ ശൈഖ് സൽമാൻ ബിൻ അബ്ദുല്ല അൽ ഖലീഫ സഹായിക്കുന്ന ചിത്രം വൈറലായി. ബഹ്റൈനികളുടെ സഹജീവികളോടുള്ള സ്നേഹവും കരുണയും ഇതിലൂടെ കൂടുതൽ വ്യക്തമാകുന്നു.അതോടൊപ്പം ഈ കോറോണക്കാലത്തു ആവശ്യമുള്ളവർക്ക് ഒരു സഹായഹസ്തം നൽകാൻ മടിക്കരുത് എന്ന സന്ദേശവും ഇതിൽ അടങ്ങിയിരിക്കുന്നു.