പ്രവാസികളടക്കം കൊവിഡ് ബാധിച്ച് മരിച്ചവരുടെ കുടുംബങ്ങളെ സംരക്ഷിക്കും

അബുദാബി: യുഎഇയിൽ കൊവിഡ് ബാധിച്ച് മരണപെട്ട എല്ലാ രാജ്യക്കാരുടെയും കുടുംബങ്ങൾക്ക് എല്ലാ സംരക്ഷണവും നല്‍കുമെന്ന് എമിറേറ്റ്സ് റെഡ് ക്രസന്റ്. കൊവിഡ് കാരണം കുടുബാംഗം നഷ്ടപ്പെട്ടവര്‍ക്ക് ഒരു കൈത്താങ്ങാവാനും അവരുടെ വേദനകളെ അതിജീവിക്കാന്‍ പ്രാപ്തമാക്കാനുമാണ് നടപടിയെന്ന് എമിറേറ്റ്സ് റെഡ് ക്രസന്റ് ചെയര്‍മാന്‍ ശൈഖ് ഹംദാന്‍ ബിന്‍ സായിദ് അല്‍ നഹ്‍യാനും സെക്രട്ടറി ജനറല്‍ ഡോ. മുഹമ്മദ് അതീഖ് അല്‍ ഫലാഹിയും പറഞ്ഞു. യുഎഇയിലുള്ള ഏത് രാജ്യക്കാരായാലും അവരെ സംരക്ഷിക്കുമെന്ന യുഎഇയുടെ ഉറപ്പ് പ്രവാസികൾക്ക് ഏറെ പ്രതീക്ഷയുളവാക്കുന്നതാണ്.