മനാമ: നിലവിലെ സാഹചര്യങ്ങളുടെ പശ്ചാത്തലത്തിൽ മാനുഷിക കാരണങ്ങളാൽ 901 തടവുകാർക്ക് മാപ്പ് നൽകിക്കൊണ്ടുള്ള രാജകീയ ഉത്തരവ് രാജാവ് ഹമദ് ബിൻ ഈസ അൽ ഖലീഫ പുറപ്പെടുവിച്ചു. ശിക്ഷ അനുഭവിക്കുന്ന തടവുകാരുടെ അവസ്ഥയെക്കുറിച്ച് മന്ത്രാലയം വിശദമായി പഠിച്ച ശേഷം വസ്തുനിഷ്ഠവും നിയമപരവുമായ വ്യവസ്ഥകൾ പാലിക്കുന്നവരെയും നിലവിലെ സാഹചര്യങ്ങളിൽ മാനുഷിക കാരണങ്ങളാൽ പൊതുമാപ്പ് ലഭിക്കാൻ അർഹരായവരെയുമാണ് തിരഞ്ഞെടുക്കുന്നത്. വിട്ടയക്കുന്ന വിദേശികളായ തടവുകാർക്ക് തങ്ങളുടെ രാജ്യങ്ങളിൽ ശേഷിക്കുന്ന ജയിൽ ശിക്ഷ അനുഭവിക്കണം. ജയിലിൽ പകുതി ശിക്ഷ അനുഭവിച്ച 585 തടവുകാർക്ക് ബദൽ പിഴ ചുമത്തുന്നതിനുള്ള നിയമം നടപ്പാക്കുമെന്ന് ആഭ്യന്തര മന്ത്രാലയം പ്രഖ്യാപിച്ചു. ഈ തടവുകാർക്ക് ശേഷിക്കുന്ന ജയിൽ ശിക്ഷയ്ക്ക് പകരം അവരെ പുനരധിവാസത്തിലും പരിശീലന പരിപാടികളിലും ഉൾപ്പെടുത്തുകയും മറ്റ് തരത്തിലുള്ള ബദൽ ശിക്ഷകളിലേക്ക് അവരെ നിർബന്ധിക്കുകയും ചെയ്യുന്നു.
Trending
- ബ്രിട്ടീഷ് ഡെപ്യൂട്ടി ഹൈകമ്മീഷണർ ജെയിംസ് ഗോഡ്ബർ ചൂരൽമല സന്ദർശിച്ചു
- നടി കവിയൂർ പൊന്നമ്മ അന്തരിച്ചു; അന്ത്യം കൊച്ചിയിലെ സ്വകാര്യ ആശുപത്രിയിൽ
- ഒടുവിൽ ശശീന്ദ്രൻ വഴങ്ങി; തോമസ് കെ. തോമസ് മന്ത്രിയാകും
- കേരളത്തിന് ചരിത്ര നേട്ടം: ഭക്ഷ്യ സുരക്ഷയ്ക്ക് രണ്ടാം വര്ഷവും ദേശീയ പുരസ്കാരം
- ലബനനിലെ പേജർ സ്ഫോടനത്തിൻറെ അന്വേഷണം മലയാളിയുടെ കമ്പനിയിലേക്ക്
- സിപിഐ യുടെ എല്ലാ ആരോപണങ്ങളോടും മറുപടി പറയേണ്ട ബാധ്യത എനിക്കില്ല: എഡിജിപി വിവാദത്തില് ടിപിരാമകൃഷ്ണന്
- അനധികൃത സ്വത്ത് സമ്പാദനം, കെട്ടിടനിർമാണം; എഡിജിപി എം.ആർ.അജിത് കുമാറിനെതിരെ വിജിലൻസ് അന്വേഷണം
- നിപ്പ: ഒരാളുടെ പരിശോധനാ ഫലം കൂടി നെഗറ്റീവ്; സമ്പര്ക്കപ്പട്ടികയില് 268പേർ