മഴ ലഭ്യത കുറഞ്ഞു; ജലനിരപ്പ് താഴ്ന്ന് തുടങ്ങി

ആലപ്പുഴ : രണ്ടു ദിവസമായി ജില്ലയിൽ മഴ മാറി നിൽക്കുന്നതോടെ ജനങ്ങളിലെ ആശങ്ക ഒഴിഞ്ഞു. കിഴക്കൻ വെള്ളത്തിന്റെ വരവ് ശക്തമായിരുന്നെങ്കിലും തോട്ടപ്പള്ളി സ്പിൽവേയിലൂടെയുള്ള നീരൊഴുക്ക് ശക്തമാക്കിയതോടെ കുട്ടനാട്ടിലെ ജലനിരപ്പ് കുറഞ്ഞു വരുന്നുണ്ട്. ജില്ലയിൽ പലയിടത്തും മട വീഴ്‌ച്ചയുണ്ടായി കോടികളുടെ കൃഷി നാശം സംഭവിച്ചിട്ടുണ്ട്. ചെറുതനയിൽ മടവീണ് 400 ഏക്കർ നെൽകൃഷി നശിച്ചു.