പൊതുമരാമത്ത് വകുപ്പിൽ ഇൻ്റേണൽ വിജിലൻസ് സംവിധാനം ശക്തിപ്പെടുത്തും: മന്ത്രി പി.എ മുഹമ്മദ് റിയാസ്.

കണ്ണൂർ : പൊതുമരാമത്ത് വകുപ്പിൻ്റെ ഇൻ്റേണൽ വിജിലൻസ് സംവിധാനം കർക്കശമാക്കുമെന്ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ്.പറഞ്ഞു. കല്ലാച്ചേരിക്കടവ്, തുരുത്തി മുക്ക് പാലങ്ങളുടെ പ്രവർത്തി സംബന്ധിച്ച ഉന്നതതലയോഗ ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. വകുപ്പിൻ്റെ പ്രവർത്തനം സാങ്കേതിക വിദ്യയുടെ സഹായത്തോടെ കാര്യക്ഷമമാകുന്നതിന് ഒരു ഉപസമിതിയെ നിയോഗിച്ചതായും സമിതിയുടെ റിപോർട്ട് ലഭിക്കുന്ന മുറയ്ക്ക് അക്കാര്യത്തിൽ തീരുമാനമുണ്ടാകമെന്നും മന്ത്രി പി എ മുഹമ്മദ് റിയാസ് പറഞ്ഞു.