തൃശ്ശൂർ : ചാലക്കുടിയിൽ സ്വകാര്യ ലോഡ്ജിൽ ബന്ധുക്കളായ യുവതിയേയും യുവാവിനേയും മരിച്ച നിലയിൽ കണ്ടെത്തി. മരോട്ടിച്ചാൽ സ്വദേശി സജിത്ത് (36), ഈറോഡ് സ്വദേശി അനിത (33) എന്നിവരാണ് മരിച്ചത്. അനിതയുടെ രണ്ട് കുട്ടികൾ ഒപ്പമുണ്ടായിരുന്നു. തൂങ്ങി മരിച്ച നിലയിലാണ് മ്യതദേഹങ്ങൾ കണ്ടെത്തിയത്. കുട്ടികളെ അടുത്തുള്ള ശിശു സംരക്ഷണ കേന്ദ്രത്തിലേക്ക് മാറ്റി.
ഒരാഴ്ച മുമ്പാണ് സജിത്തും അനിതയും ചാലക്കുടിയിൽ സ്വകാര്യ ലോഡ്ജിൽ മുറിയെടുത്തത്. അനിതയുടെ പന്ത്രണ്ടും പതിമൂന്നും വയസ്സുള്ള മക്കളായ ആതിരയും ആര്‍ബിഷുമാണ് മരണ വിവരം ലോഡ്ജ് ഉടമയെ അറിയിക്കുന്നത്. അനിതയെ വര്‍ഷങ്ങള്‍ക്ക് മുന്‍പ് ഈറോഡിലേക്ക് വിവാഹം കഴിച്ചയച്ചതായിരുന്നു.
സജിത്തിനെ കാണാതായതായി കാണിച്ച് രണ്ട് വര്‍ഷം മുന്‍പ് പിതാവ് ഒല്ലൂര്‍ പോലീസില്‍ നല്‍കിയ പരാതിയും നിലവിലുണ്ട്.
ജേഷ്ഠാനുജന്മാരുടെ മക്കളാണ് ഇരുവരും. മുറിയില്‍ നിന്നും ആത്മഹത്യാകുറിപ്പ് കണ്ടെടുത്തിട്ടുണ്ട്. ഇരുവരുടേയും ബന്ധുക്കളെ പോലീസ് വിവരമറിയിച്ചിട്ടുണ്ട്.
