തിരുവനന്തപുരം: ഓൺലൈൻ ക്ലാസുകളുടെ പശ്ചാത്തലത്തിൽ കുട്ടികൾ ഇന്റർനെറ്റ് ദുരുപയോഗം ചെയ്യാതിരിക്കാൻ രക്ഷിതാക്കൾ ശ്രദ്ധിക്കമെന്ന് മുഖ്യമന്ത്രി പിണറായി വിജയൻ. സ്‌കൂളുകളിൽ മയക്കുമരുന്ന് മാഫിയ പിടിമുറുക്കുന്നുവെന്ന മുന്നറിയിപ്പും മുഖ്യമന്ത്രി നൽകി. ഇതിനെതിരെ അധ്യാപക രക്ഷകർതൃസമിതി ഇടപെടണമെന്നും അദ്ദേഹം നിർദേശിച്ചു. പരിപാടിയിൽ ആരോഗ്യ മന്ത്രി കെകെ ശൈലജയും പങ്കെടുത്തു. അതിജീവനത്തിന്റെ കേരളപാഠം എന്ന പേരിൽ കൊറോണ ആസ്പദമാക്കി ശിശുദിന സ്റ്റാമ്പും പുറത്തിറക്കി.
