ന്യൂഡൽഹി : കൊറോണ വൈറസ് ബാധയും രക്ത ഗ്രൂപ്പും തമ്മിൽ ബന്ധമുണ്ടെന്ന് കണ്ടെത്തി പുതിയ പഠന റിപ്പോർട്ട് . ഒ രക്തഗ്രൂപ്പുള്ളവരെ കൊറോണ ബാധിക്കാന് സാധ്യത കുറവെന്നാണ് പുറത്തു വന്ന പുതിയ പഠനം പറയുന്നത്.
കഴിഞ്ഞ ബുധനാഴ്ച പുറത്തുവന്ന രണ്ട് പഠനത്തിലാണ് കൊറോണ ബാധയും രക്തഗ്രൂപ്പും തമ്മില് ബന്ധമുണ്ടെന്ന് കണ്ടെത്തിയിരിക്കുന്നത്. മറ്റ് രക്തഗ്രൂപ്പുകാരെ വെച്ച് നോക്കുമ്പോള് വൈറസ് ബാധിക്കാനുള്ള സാധ്യത ഒ ഗ്രൂപ്പുകാരിൽ താരതമ്യേന കുറവാണെന്നാണ് പഠനങ്ങള് പറയുന്നതെന്ന് ഗവേഷകര് ചൂണ്ടിക്കാണിക്കുന്നു.
മിഡിൽ ഈസ്റ്റ് ഹോസ്പിറ്റൽ ചികിത്സക്കായി www.membh.com ക്ലിക്ക് ചെയ്യുക
വളരെ കുറച്ച് ഒ രക്തഗ്രൂപ്പുള്ളവർക്ക് മാത്രമാണ് പഠന കാലയളവിൽ കൊറോണ വൈറസ് പോസിറ്റീവായത്. അതേസമയം എ, ബി, എബി ഗ്രൂപ്പുകളിൽപ്പെട്ട ഏറെ പേർക്ക് ഇക്കാലയളവിൽ രോഗം സ്ഥിരീകരിച്ചതായും ഗവേഷകർ കണ്ടെത്തി.ഈ വിഷയത്തില് കൂടുതല് പഠനം വേണമെന്നാണ് ഗവേഷകരുടെ ആവശ്യം.
ഡെന്മാര്ക്കില് കൊറോണ പോസിറ്റീവ് ആയ 7,422 പേരിൽ , 34.4 ശതമാനം പേര് മാത്രമാണ് ഒ രക്ത ഗ്രൂപ്പിലുള്ളവര്. എന്നാല് 44.4 ശതമാനം പേര് എ രക്തഗ്രൂപ്പുകാരാണ്. മൊത്തം ജനസംഖ്യയില് പരിശോധിക്കപ്പെട്ട 62% ആളുകളുടെ രക്തഗ്രൂപ്പ് വിവരങ്ങൾ മാത്രമാണ് ലഭ്യമായത്.
കാനഡയില് കൊറോണ ബാധിച്ച 95 പേരെയാണ് പഠനവിധേയമാക്കിയത്. ഇവരില് 84 ശതമാനം പേരും എ രക്തഗ്രൂപ്പുകാരോ, എ.ബി രക്തഗ്രൂപ്പിലുള്ളവരോ ആണ്. മാത്രമല്ല, ഈ രക്ത ഗ്രൂപ്പുകാര് ഒ ഗ്രൂപ്പുകാരെ അപേക്ഷിച്ച് കൂടുതല് ദിവസം വെന്റിലേറ്ററില് കഴിയേണ്ടിവന്നുവെന്നും പഠനത്തിലുണ്ട്.
ലുലു എക്സ്ചേഞ്ചിലൂടെ പണം അയക്കാനായി lulu.app.link/LuLuMoneyApp ക്ലിക്ക് ചെയ്യുക
അതേ സമയം ഇവർക്ക് രോഗസാധ്യത കുറവാണ് എന്ന് പറയുമ്പോൾ രോഗം വരില്ല എന്നല്ല, രോഗം ബാധിക്കാനുള്ള സാധ്യത നേരിയ തോതിൽ കുറവാണ് എന്നാണ് അർത്ഥം എന്ന് വിസ്കോസിൻ മെഡിക്കൽ കോളേജിലെ ഡോ റോയ് സിൽവർസ്റ്റൈൻ പറയുന്നു . അമേരിക്കൻ സൊസൈറ്റി ഓഫ് ഹെമറ്റോളജിയുടെ മുൻ പ്രസിഡന്റ് കൂടിയാണ് അദ്ദേഹം.