മനാമ: സമുദ്ര സുരക്ഷ ശക്തിപ്പെടുത്താനും നിയമങ്ങള്‍ തടയാനുമുള്ള ദേശീയ ശ്രമങ്ങളുടെ ഭാഗമായി ബഹ്‌റൈന്‍ കോസ്റ്റ് ഗാര്‍ഡ് സമുദ്ര മേഖലകളില്‍ പരിശോധന നടത്തി.
തുറമുഖ വകുപ്പ്, സമുദ്രകാര്യ വകുപ്പ്, ലേബര്‍ മാര്‍ക്കറ്റ് റെഗുലേറ്ററി അതോറിറ്റി (എല്‍.എം.ആര്‍.എ), വ്യവസായ- വാണിജ്യ മന്ത്രാലയം എന്നിവയുമായി സഹകരിച്ചായിരുന്നു പരിശോധന. പരിശോധനയില്‍ നിരവധി നിയമലംഘനങ്ങള്‍ കണ്ടെത്തിയതായും ഉത്തരവാദികള്‍ക്കെതിരെ നടപടി സ്വീകരിച്ചതായും അധികൃതര്‍ അറിയിച്ചു.
പരിശോധനാവേളയില്‍ സമുദ്ര സുരക്ഷാ നിയമങ്ങളും ചട്ടങ്ങളും പാലിക്കുന്നതിനെക്കുറിച്ച് ഉദ്യോഗസ്ഥര്‍ മത്സ്യത്തൊഴിലാളികളെ ബോധവല്‍കരിച്ചു.
