ബഹ്റൈൻ പ്രതിഭ മനാമ മേഖല കമ്മറ്റിക്ക് കീഴിലെ മനാമ യൂണിറ്റ് ടഗ് ഓഫ് വാർ അസോസിയേഷനുമായി ചേർന്ന് സംഘടിപ്പിക്കുന്ന വടംവലി മത്സരം നാളെ ജൂൺ 27 വെള്ളിയാഴ്ച സിഞ്ച് അൽ അഹലി ക്ലബ് ഗ്രൗണ്ടിൽ നടക്കും. വെള്ളിയാഴ്ച വൈകുന്നേരം നാല് മണി മുതൽ നടക്കുന്ന മത്സരത്തിൽ ബഹ്റൈനിലെ പതിനൊന്ന് ടീമുകൾ മാറ്റുരക്കും. ഒപ്പം വനിത ടീമുകൾ അണിനിരക്കുന്ന സൗഹൃദ മത്സരവും ഉണ്ടാകും എന്ന് സംഘാടകർ അറിയിച്ചു.
മുഴുവൻ കായിക പ്രേമികളെയും മത്സരങ്ങൾ വീക്ഷിക്കാൻ സ്വാഗതം ചെയ്യുന്നതായി സംഘാടക സമിതി ഭാരവാഹികൾ പത്രക്കുറിപ്പിലൂടെ അറിയിച്ചു.
